 7 de novembro de 2010. O primeiro roteiro do programa 2010-2011 adicado á lingua galega non podía ir a outro lugar máis que a aquel onde naceu o grande poeta, agasallado co Día das Letras 2010, Uxío Novoneyra: a Serra do Courel. O roteiro é de aproximadamente 12 Km e de dificultade media-baixa. Os primeiros 4 Km discorrerémolos costa arriba e logo o camiño suavizarase até o subirmos ao Alto do Muimento. Ao remate da camiñada unirémonos á FESTA DA CASTAÑA de Folgoso do Courel. |
|
Ler máis...
|
 2 de novembro de 2010. Malia á propaganda das DOT e do POL, a estratexia da Xunta de acoso e derrubo ao territorio protexido estase a executar silandeiramente. Desta volta aproveitando o caixón "de-sastre" da lei de acompañamento dos orzamentos de 2011, o PP pretende modificar a Lei do Solo (9/2002) e a Lei de Ordeamento do Territorio (10/1995). A chamada "lei de acompañamento" é un instrumento profusamente usado na era Fraga para modificar ás caladas lexislación varia, e que por exemplo, a Aznar valeulle para asestar en 2002 un machetazo á Lei de Costas que abríu a porta á especulación no litoral. Desta volta, Feijóo pretende suprimir na Lei 9/2002 6 categorías de chan rústico especialmente protexido (infraestruturas, augas, costas, espazos naturais, paisaxe e patrimonio) e eliminar na Lei 10/1995 a protección deste chan para permitir o desenvolvemento de proxectos sectoriais a discreción. O MILLORIÑO DE GALIZA, XA Á VENDA!
ÚLTIMA HORA: o PP "rectifica" e mantén os chans rústicos suprimidos por "erro". Está por ver...
|
|
Ler máis...
|
 Sábado 30 de outubro. O outono oferécenos múltiples posibilidades. É a estación dos froitos, da recolleita... Acheguémonos ao interesante mundo dos cogumelos, aprendendo a diferencialos, valorando a súa diversidade e, como non, apreciando os seus sabores e as súas múltiples posibilidades culinarias. Na Eira da Xoana, o equipamento de ADEGA en Ramil (Agolada), este sábado a partires das 11h. Consulta ubicación e percorrido através desta ligazón do GOOGLE MAPS |
|
Ler máis...
|
 27 de outubro de 2010. ADEGA vén de solicitar a mparo ao Valedor do Pobo para que inste á Xunta a convocar con carácter urxente o Observatorio Galego da Biodiversidade. Este organismo consultivo, integrado polas 3 universidades galegas, ecoloxistas e a administración, leva sen reunirse 2 anos e 3 meses cando por lei debe facelo anualmente. As reiteradas peticións feitas por ADEGA, a SGHN e a USC, para tratar temas chave para a conservación da nosa biodiversidade seguen sen ser atendidas pola D. X. de Conservación. Esta actitude escurantista e autoritaria é froito da incompetencia e completa desidia que amosa a Xunta pola nosa natureza, precisamente no Ano Internacional da Biodiversidade. Espazos protexidos sen instrumentos de xestión, proxectos agresivos e lumes en Rede Natura, asalto urbanístico a Corrubedo, barra libre para a caza... Nestes intres, o principal risco para a biodiversidade galega é a Xunta!  Queixa_VALEDOR (121 Kb) |
|
Ler máis...
|
|
 Durante este mes de novembro ( días 4, 10, 18 e 24), está tendo lugar o ciclo de conferenzas Conversa-Ríos, na sé de ADEGA-Proxecto Ríos en Compostela. Son charlas que trataran temáticas relacionadas coa conservación e mellora dos ecosistemas fluviais e/ou sobre aspectos relacionados coas actividades a desenvolver dentro das iniciativas do Proxecto Ríos. Estes cursos están destinados fundamentalmente aos grupos de voluntarios/as que participan no Proxecto Ríos aínda que están abertos ao público en xeral. Este xoves tivo lugar a primeira palestra encol da xeoloxía dos ríos a cargo de Xoán Ramón Vidal Romaní, catedrático de Xeoloxía da UDC. Consulta a programación dos vindeiros cursos. Baixa o  CARTAZ (253 KB) |
|
Ler máis...
|
 Lugo, a 29 de outubro de 2010. ADEGA Lugo vén de apresentar o seu programa de roteiros para o curso 2010-2011 que, desta volta, estará dedicado á lingua como principal eixo de conexión patrimonial e cultural entre os galegos e galegas, xunto coa paisaxe e o territorio de Galiza. O obxectivo é recoñecer e potenciar a lingua propia como vehículo de vida, entendemento e expresión do medio que nos arrodea para non deixar esmorecer o que constitúe o principal elemento da nosa identidade, hoxe ameazada. Descarrega o PROGRAMA de ROTEIROS 2010-2011 (0,5 Mb) . |
|
Ler máis...
|
 28 de outubro de 2010. No debate que sobre a situación do Umia tivo lugar este mércores no Parlamento, o grupo do PP opúsoxe a considerar a recuperación da concesión e o desmantelamento do encoro como medida definitiva para sanear o río e garantir a saúde da poboación. Resulta dunha absoluta inmoralidade que un día despois de aprobar na Lei de Augas de Galiza o canon que todos/as teremos que pagar para financiar novas infraestruturas de tratamento e de depuración, o PP defenda seguir soportando con cartos públicos os sobrecustos da potabilización da auga de Caldas e O Salnés, só para que o Sr. Cortizo manteña o seu negocio hidroeléctrico. |
|
Ler máis...
|
 25 de outubro de 2010. Un grupo de persoas preocupadas polo devir do noso medio ambiente e apaixoadas polo Monte Pindo, reuníronse para constituír formalmente a Asociación Monte Pindo Parque Natural, unha organización sen ánimo de lucro de carácter plural, a través dunha ampla Comisón Reitora con 11 vogalías territoriais para garantizar o trato directo con veciños e axentes sociais. Poucas palabras poden expresar mellor as motivacións desta nova organización como as escollidas por Xilberte Caamaño, o primeiro presidente: "Ningún galego/a entendería que a Catedral de Santiago estivese abandonada, ou queimara cada dez anos; pois o Monte Pindo é a nosa catedral". ADEGA quere transmitir os seus parabéns á nova asociación comprometendo o seu apoio ás iniciativas que poña en marcha para conquerir a declaración do Monte Pindo como Parque Natural. |
|
Ler máis...
|
|
7 de novembro de 2010.
Subscribir a fonte RSS