Adega
INICIO Áreas temáticas Enerxía
Enerxía
pontes.gif O noso día a día xira, a meirande parte das veces, arredor do uso enerxético. O gas butano, propano ou natural nas cociñas, o gasóleo das calefaccións, o transporte, a electricidade ..... Ningún gasto de enerxía é inocuo, todas teñen un gran impacto ambiental e mesmo social: os procesos de extracción e refino de petróleo, os encoros, os gaseoductos inciden sobre o medio e as persoas polo que debemos facer un consumo o máis reducido posibel da mesmo. Isto non significa "volver as cavernas" como adoitan dicir algunhas mentes pensantes senon unha racionalización do gasto.

A electricidade é a fonte principal de enerxía do fogar. O impacto que sobre o ambiente ten a súa producción e distribución é moi importante. As centrais térmicas como as de As Pontes (ENDESA), Meirama e Sabón contribúen ao cambio climático pola alta emisión de CO2 e de gases causantes de acidificación. Os grandes encoros hidroeléctricos e minicentrais asolagan ecosistemas de grande interese e alteraran radicalmente a dinámica dos ríos. A construcción desmesurada e irracional de parques eólicos está provocando a perda de naturalidade de numerosos espazos naturais de interese, no interior e na costa.

Compre enfrontar un decido plano de diminución do gasto eléctrico, promovendo a eficacia enerxética e eliminando o consumo superfluo.

algunsdatos.gif

O gasto enerxético en calefacción supón o 30 % do consumo xeral dunha vivenda.

Máis do 70 % do consumo de petroleo adícase a transportes e calefaccións

Unha lámpada normal emite ao longo da súa vida útil media tonelada máis de CO2 que unha de baixo consumo. Nunha casa normal supón arredor de 10 Tn de CO2.

 

quepodes.gif

Usa a luz natural sempre que sexa posíbel. Apaga as luces cando non as precises. Se son fluorescentes é mellor deixalas acesas no lugar de apagalas e encendelas continuamente.

Substitúe as lámpadas normais por modelos de baixo consumo. Son máis caras pero consumen a cuarta parte e duran moito máis. Ademáis, por cada lámpada de baixo consumo se reduce a emisión de CO2 en media tonelada ao longo da súa vida útil. Selecciona a potencia das lámpadas en función do seu uso: non necesitas 100 w de potencia para unha luz de cabeceiro.

Non collas o ascensor e sube polas escaleiras. Aforrarás enerxía e gañaras en saúde.

Illa ben a túa casa. Pon burletes nas portas e illante nas fiestras. O emprego de cortinas e alfombras tamén axudan. Podes aforrar ate un 25% de enerxía.

Consulta as seccións de electrodomésticos e transporte para ver outras ideas



Andaina polo Clima.: de Meirama a SOGAMA para comemorar o Día da Terra PDF Imprimir Correo-e
Envia Andaina polo Clima.: de Meirama a SOGAMA para comemorar o Día da Terra a FaceBookEnvia Andaina polo Clima.: de Meirama a SOGAMA para comemorar o Día da Terra a Twitter

banner_horizontal

Andaina polo Clima

O CLIMA NON ESTÁ Á VENDA!

O exceso de contaminación e a sobrexplotación dos recursos naturais provocaron unha crise ecolóxica planetaria que non deixou de se agravar nas últimas décadas. A mudanza climática é a manifestación máis preocupante desta crise, moito máis decisiva para o futuro da humanidade que a actual crise económica. Non hai un “planeta B”. Se non paramos a deterioración da Terra, a diversidade da vida e as nosas posibilidades de benestar e de sobrevivencia veranse dramaticamente mermadas.

Coma o resto do mundo enriquecido, Galiza é corresponsábel da mudanza climática global, debido principalmente ao sobreconsumo de combustíbeis fósiles (petróleo,carbón, gas natural). As nosas emisións por habitante de gases de invernadoiro son moi altas. Non resulta sorprendente, se consideramos a presenza no noso territorio de grandes industrias emisoras –como as centrais térmicas, nomeadamente as de carbón-, o uso masivo do coche e do camión, a aposta pola incineración e os vertedoiros como principais formas de xestión dos residuos urbanos, ou o retroceso alarmante da agricultura labrega, que erosiona a soberanía alimentar e aumenta o risco de incendios forestais.

O fracaso estrepitoso do Cumio do Clima de Copenhague, motivado pola negativa dos países enriquecidos a asumirmos a nosa débeda climática cos países empobrecidos, non nos desanima. Sabemos que nos enfrontamos a un problema inaprazábel e fundamental, complexo mais resolúbel. Por iso, con motivo do Día da Terra, volvemos defender un modelo económico innovador, baseado no aforro e na eficiencia enerxética, as enerxías renovábeis e o emprego verde, afastado do produtivismo e do consumismo, que nos permita equilibrar, equitativamente co resto da humanidade, os nosos estándares de vida coa capacidade do planeta para soportalos, decrecendo o consumo de enerxía e de recursos naturais.

Esiximos que no Cumio do Clima que terá lugar en México en novembro próximo se logre un tratado climático xusto, vinculante e ambicioso, inspirado polos principios da xustiza climática e capaz de prevenir unha mudanza climática catastrófica. Demandamos da Xunta e dos demais poderes públicos a aplicación urxente de políticas coherentes con este obxectivo, que posibiliten unha redución mínima do 30% das emisións galegas de gases de invernadoiro en 2020 a respecto de 1990. O seu desenvolvemento, alén dunha obriga moral coas xentes máis desfavorecidas, coas xeracións futuras e co resto dos seres vivos que partillan connosco o planeta, é unha oportunidade para mellorarmos as nosas vidas, pois comportaría múltiples beneficios para a nosa terra: menor dependencia enerxética e alimentaria, cidades e vilas máis habitábeis, xeración de emprego verde, menor destrución do territorio, aire máis limpo,...

As organizacións asinantes rexeitamos falsas solucións ao cambio climático, como a enerxía nuclear, a captura e almacenamento de carbono, os agrocombustíbeis insustentábeis, a incineración de residuos ou as plantacións de eucalipto, e reivindicamos:

-O peche urxente das centrais térmicas de carbón de ENDESA nas Pontes e de GAS NATURAL-UNIÓN FENOSA en Meirama e un Plan Enerxético que decreza o consumo de enerxía e procure, non máis alá de 2050, o abastecemento do 100 % das nosas necesidades enerxéticas con renovábeis, minimizando o seu impacto ambiental e con prioridade para a xeración distribuída.

-Unha moratoria na construción de novas autovías e autoestradas e na ampliación dos aeroportos e a aprobación dun Plan Director de Transporte e Infraestruturas que, respectando os espazos naturais máis vulnerábeis, potencie os modos de transporte sustentábeis: ferrocarril convencional, transporte marítimo, autobús, bicicleta e marcha a pé.

-Unha aposta forte pola soberanía alimentar, estimulando a produción e o consumo locais de alimentos de agricultura ecolóxica e labrega.

-O peche canto antes da incineradora de SOGAMA e o impulso dunha política de residuos urbanos que priorice a redución e aposte por un modelo de xestión descentralizado que cree unha rede de plantas comarcais de reciclaxe e compostaxe e desbote totalmente a incineración.

Galiza, Día da Terra 2010

Amarante, Amigos da Terra, Asociación cultural Lucerna (Cerceda), Asociación para a Defensa Ecolóxica de Galiza (ADEGA), Federación Ecoloxista Galega (FEG), Greenpeace, Iniciativa pola Soberanía Alimentar dos Pobos (ISAP), Verdegaia.

Joomla Templates and Joomla Extensions by ZooTemplate.Com
 
ADEGA esixe garantir a sustentabilidade ambiental do aproveitamento da biomasa PDF Imprimir Correo-e
Envia ADEGA esixe garantir a sustentabilidade ambiental do aproveitamento da biomasa a FaceBookEnvia ADEGA esixe garantir a sustentabilidade ambiental do aproveitamento da biomasa a Twitter
biomasa.jpg24 de xaneiro de 2008. Perante o recente anuncio das consellerías do Medio Rural e Industria de promover a construcción de novas centrais de biomasa en Galiza dentro do Plano de Aproveitamento da Biomasa Forestal Residual, ADEGA quere expresar a súa preocupación polo protagonismo do aproveitamento enerxético fronte á compostaxe. As plantas enerxéticas de biomasa poden ser unha alternativa máis para tratar os materiais provintes dunha xestión forestal integral, mais non a única. Recuperar a materia orgánica para contribuir a diminuir a perda de fertilidade dos nosos solos mediante a compostaxe debería ser unha prioridade.
Joomla Templates and Joomla Extensions by ZooTemplate.Com
Ler máis...
 
ADEGA pide regulamentar o desenvolvemento dos parques solares industriais PDF Imprimir Correo-e
Envia ADEGA pide regulamentar o desenvolvemento dos parques solares industriais a FaceBookEnvia ADEGA pide regulamentar o desenvolvemento dos parques solares industriais a Twitter
hortasolar.jpgPARA NON COMETER OS MESMOS ERROS QUE COA ENERXÍA EÓLICA. Compostela, 20 de Nadal de 2007. Os recentes anuncios encol da construcción de duas “hortas solares” industriais por parte de investidores chineses e galegos, abre a veda do aproveitamento industrial da enerxía solar. ADEGA apoia o desenvolvemento das enerxías renovábeis, mais non a calquera prezo. A experiencia que no noso país temos coa enerxía eólica e o seu caótico desenvolvemento, é un exemplo de como unha tecnoloxía “limpa” remata causando graves impactos ambientais e importantes perxuízos á cidadanía.
Joomla Templates and Joomla Extensions by ZooTemplate.Com
Ler máis...
 
Alegacións de ADEGA aos novos Planos Eólico e Enerxético PDF Imprimir Correo-e
Envia Alegacións de ADEGA aos novos Planos Eólico e Enerxético a FaceBookEnvia Alegacións de ADEGA aos novos Planos Eólico e Enerxético a Twitter
ener.jpg20 de xaneiro de 2008. ADEGA ven de apresentar alegacións aos novos Planos Sectorial Eólico e Plano Enerxético. Trátase de non cometer os mesmos erros que coa anterior planificación, fonte de graves perxuízos mabientais e sociais. Por iso, resulta chave subsanar as eivas do pasado facendo do aforro, a eficiencia e a suficiencia enerxética os eixos dunha nova política enerxética. Cómpre desvencellar o crecemento económico do medre da demanda enerxética, apostar pola alternatividade das renovábeis, socializando os seus beneficios e renunciando aos obxectivos produtivistas. Alegacions PLANO EOLICO.doc PLANO EÓLICO / Alegacions PLANO ENERXETICO.doc PLANO ENERXÉTICO
Joomla Templates and Joomla Extensions by ZooTemplate.Com
Ler máis...
 
Eólicos no mar de Galiza: non todo vale para producir kilovatios PDF Imprimir Correo-e
Envia Eólicos no mar de Galiza: non todo vale para producir kilovatios a FaceBookEnvia Eólicos no mar de Galiza: non todo vale para producir kilovatios a Twitter
eolmar.jpg29 de outubro de 2007. O tirapuxa entre a Xunta e o Ministerio de Industria polos parques eólicos mariños está a desviar a atención sobre a cuestión de fondo: o desenvolvemento das renovábeis en Galiza está baseado no produtivismo e non na eficiencia. A Xunta segue coa teima de triplicar a producción eólica no 2011 e o Ministerio quere implantar a eólica mariña en todo o estado. En Galiza o desenvolvemento eólico tivo custos ambientais e sociais moi altos: privatizáronse os beneficios e socializáronse os impactos. Agora meter muíños na costa alén de innecesario, podería ter graves consecuencias sobre os nosos recursos mariños.
Joomla Templates and Joomla Extensions by ZooTemplate.Com
Ler máis...
 
<< Inicio < Anterior 1 2 3 Seguinte > Final >>

Páxina 1 de 3


ADEGA