 18 de outubro de 2010. O POL, que a Xunta ten previsto aprobar antes de fin de ano, presenta tal cúmulo de indeterminacións, excepcións a arbitrariedades, que na práctica é coma se non existise. De entrada, os proxectos sectoriais vixentes (acuícola, eólico, portos deportivos, polígonos industriais, MOVE...) quedan fóra do POL. E os que se aproben en diante, en teoría afectados, poderían ser obxecto de excepción a criterio da Xunta (p. ex. o proxecto sectorial para legalizar as urbanizacións de Barreiros, agora a exposición pública). O POL non existe para Pescanova, Stolt, Iberdrola, Fenosa, etc. pero sí para os concellos... anque novamente con excepcións: de entrada, aos chans urbanos consolidados e de núcleo rural non lles afecta o POL; e aos solos urbanizábeis (p. ex. Barreiros) e urbanos non consolidados con ordeamento detallado (p. ex. algúns grandes polígonos en Sanxenxo), tampouco. E polo que respeita aos terreos afectados polo POL, dentro da categoría de "mellora ambiental" permítense excepcionalmente asentamentos fundacionais, desenvolvementos periféricos, asentamentos funcionais e agregados urbanos. Dixera Feijóo que o POL non viña a proibir senón a ordenar. Pois ben, á vista do documento, o POL nen proíbe, nen na práctica tampouco ordena. Baixa as  Alegacións_ADEGA-POL (162 Kb) |
|
Ler máis...
|
|
 A Coruña, 13 de outubro de 2010. O proxecto da ampliación de Alvedro, apesar de que xa conta coa Declaración de Impacto Ambiental, ten aínda no aire moitas cousas. Non recolle, por exemplo, unha "alternativa cero", descoñécese a súa verdeira pegada sonora e outros os transtornos que se lle vai a ocasionar á veciñanza durante os anos que dure o proxecto, as incoherencias co Plano Director, o porqué da prioridade desta obra frente a outras da comarca (como se puido ver nos orzamentos do estado), os efectos sobre a xa maltreita Ría do Burgo... En definitiva, falta saber cal é a xustificación real deste proxecto que según o estudo preliminar ten un impacto social, cultural e medioambiental severo.
|
|
Ler máis...
|
 6 de outubro de 2010. ECOEMBES, o sistema de xestión do contentor amarelo, pretende pagar só unha parte dos materiais reciclados nas plantas de tratamento. ECOEMBES quere evitar o pago de todo o plástico tipo film (PEBD) que supere a media estatal de reciclaxe, utilizando trécolas contables e contradicindo a Lei de Envases. A lei 11/1997 di que “os Sistemas Integrados de Xestión deben pagar os materiais recuperados das plantas de tratamento” en función de parámetros de calidade e non de cantidade. A planta do Barbanza recibiu en 2009 un Certificado (39 Kb) (precisamente de ECOEMBES) acreditando que é a instalación coa maior taxa de recuperación por habitante do estado. Agora ECOEMBES, coa connivencia da Xunta, pretende subvertir a filosofía do "punto verde" que premia a recuperación de envases pola de "se reciclas demasiado, non cobras". |
|
Ler máis...
|
 Este sábado 2 de outubro, ducias de persoas concentrámonos no muro do encoro do Umia, en Caldas, nun acto de desagravio en defensa do río e da veciñanza. A preocupante situación pola que atravesa o abastecemento de auga de Caldas debido á proliferación da alga Microcystis no vaso do encoro, é consecuencia do despropósito que supuxo esta obra. Todo un río sacrificado aos intereses privados pola prepotencia e soberbia duns políticos que hoxe, paradoxalmente, voltan a ter a responsabilidade de garantir a saúde ambiental e cidadá. No entanto, e coma daquela, seguen mentindo e prometendo custosas -e ineficaces- solucións "técnicas" para tapar a súa vergoñenta xestión. Esiximos respecto polas leis e dignidade para o Umia: ENCORO, DEMOLICIÓN!
|
|
Ler máis...
|
|
 14 de outubro de 2010. O decreto que subvenciona a queima de carbón estatal é unha fraude á cidadanía e ao ambiente que pagaremos todos/as. A recente convalidadión por parte da Comisión Europea do decreto español 134/2010 de axudas ao carbón, que vai primar a queima de carbón estatal fronte ao importado e os ciclos combinados, é a confirmación do retroceso xeralizado das políticas activas de loita contra o cambio climático. A substitución da electricidade suxa do carbón, independentemente da procedencia deste, debería ser unha prioridade na loita contra o cambio climático. A normativa aprobada polo goberno español e refrendada pola CE non é máis que un subsidio encoberto ás térmicas máis contaminantes que contradí a estratexia “Europa 2020” e non garante o futuro dos traballadores do sector alén do 31 de decembro de 2014. |
|
Ler máis...
|
 Este domingo 10/10/10 en Quilmas (Carnota) celebramos unha festa ecolóxica coa promoción de produtos locais e de cultivo ecolóxico dentro dos actos mundiais da campaña 350.org. A cooperativa Rainha Lupa, organizadora do evento, nace da resposta social contra a ampliación da planta de piscicultura de Stolt Sea Farm e que iría ocupar unhas 30 hectáreas e substituir a terra cultivada por piscinas de cemento e plástico para rodaballos dopados. |
|
Ler máis...
|
 Con motivo do Día Mundial da Arquitectura (primeiro luns de outubro) a Asociación Setestrelo vén de fallar os premios Gómez Román de arquitectura tradicional. Nesta primeira edición, o equipamento de ADEGA "A Eira da Xoana", sé do proxecto Aldeaverde, acadou o galardón na categoría de construcións tradicionais rehabilitadas e restauradas. O xurado valorou que esta intervención, ubicada na parroquia de Ramil, n'A Golada, conxuga "unha perfecta comprensión das construcións e a contorna vinculante, co resultado de recuperación da autenticidade e o ambiente tradicional, sen deixar de recrear a capacidade de provocar unha actual experiencia identitaria". Paradoxalmente, este recoñecemento coincide coa denegación pola Consellaría de Cultura de senllas axudas á Eira da Xoana para o equipamento e realización de actividades culturais. Será que só hai cartos para o Xacobeo e o Papa? Baixa a proposta premiada Proxecto "Eira da Xoana" (1.75 Mb) |
|
Ler máis...
|
 Despois do éxito das xornadas anteriores de limpeza en ríos de 2008 e 2009, repítese a experiencia este domingo 3 de outubro. A limpeza desenvolverase en colaboración con concellos, distintas entidades e asociacións. Un dos problemas máis graves que sofren os nosos ríos segue a ser a gran cantidade de lixo que aparece nos cauces e ribeiras. A pesares de levar dúas campañas, seguen aparecendo moreas de plásticos e entullos, elementos xa case habituais. Dende o Proxecto Ríos queremos concienciar da necesidade de manter limpos os nosos ríos e promover actitudes responsábeis cara a conservación do medio. O coidado e o respecto pola contorna farían innecesarias nun futuro actividades como esta, de aí que depende de todos/as frear a contaminación que están a sufrir os ríos. O Proxecto Ríos entregará aos participantes un Protocolo_PR (600 Kb) para a limpeza ecolóxica e respectuosa dos ecosistemas fluviais. |
|
Ler máis...
|
|
O Proxecto Ríos participará co relatorio "Experiencias de custodia fluvial en augas continentais, coordenadas polo Proxecto Ríos", no IV Seminario Permanente 
Subscribir a fonte RSS