Durante este mes de novembro (días 4, 10, 18 e 24), está tendo lugar o ciclo de conferenzas Conversa-Ríos, na sé de ADEGA-Proxecto Ríos en Compostela. Son charlas que trataran temáticas relacionadas coa conservación e mellora dos ecosistemas fluviais e/ou sobre aspectos relacionados coas actividades a desenvolver dentro das iniciativas do Proxecto Ríos. Estes cursos están destinados fundamentalmente aos grupos de voluntarios/as que participan no Proxecto Ríos aínda que están abertos ao público en xeral. Este xoves tivo lugar a primeira palestra encol da xeoloxía dos ríos a cargo de Xoán Ramón Vidal Romaní, catedrático de Xeoloxía da UDC. Consulta a programación dos vindeiros cursos. Baixa o CARTAZ (253 KB)

Mércores 10. Técnicas de Mostraxe. LILIANA GARCIA. Investigadora da UVigo

Xoves 18. Restauración fluvial. ESTACIÓN DE HIDROBIOLOXÍA DO ENCORO DO CON.

Mercores 24. Fentos e brións. MARTIÑO FIZ. Biólogo de ADEGA

As charlas terán lugar ás 17.30h na sé de ADEGA-Proxecto Ríos (Travesa de Basquiños, 9 baixo, Santiago de Compostela).