Adega
INICIO Áreas temáticas Transxénicos
Transxénicos

maza.jpgAlimentos transxénicos? por que? para que?

Varios son os problemas cos que se enfrenta o mundo nestes momentos e un deles, tal vez o máis acuciante, é o problema da fame: perto de 800 millóns de persoas sofren desnutrición, e da orde de 2000 millóns están subalimentadas. Por outra parte, asistimos a unha mingua constante e acelerada da diversidade biolóxica, garante presente e futuro para a alimentación, a medicina, o vestido,... As diferencias entre pobres e ricos aumentan cada día e os capitais concéntranse en moi poucas mans mentres medra perigosamente o número de pobres. A contaminación acumulada durante anos de actividade industrial afecta a auga, ó solo, ó aire; e pon en perigo a saúde humana. As últimas crises ( polos con dioxinas, “vacas tolas”,...) aumentaron a preocupación pola seguridade alimentaria, mentres continua o éxodo do campo de milleiros de labregos e labregas, forzados polas novas políticas agroalimentarias.

 

Está na tecnoloxía xenética a solución?.

A manipulación xenética de animais e plantas para que teñan determinadas características é unha técnica perigosa en si mesma por canto altera o xenoma de seres vivos, susceptibles de se reproduciren, desenvolvérense e relacionárense con outros; a introducción de xenes novos procedentes de organismos moi afastados filoxeneticamente rompe as barreiras mantidas durante os milleiros de millóns de anos de evolución, que manteron separados os acervos xenéticos das especies.

Calquera nova tecnoloxía suscita esperanzas e medos: de todas se derivaron beneficios e custos. A manipulación xenética dota á especie humana dunha capacidade de intervención nos seres vivos sen precedentes pero, por unha parte, sábese pouco da “ecoloxía dos xenes” e, por outra, os seres vivos están complexamente interconectados entre si e co medio, de xeito que a liberación de organismos xeneticamente modificados pode derivar en perigos potenciais e consecuencias impredecibles e sen solución coñecida. Como poñer freo á dispersión e multiplicación de microorganismos no medio natural? Como evitar recombinacións que dean lugar a formas víricas especialmente patóxenas?etc...

Portanto, de entrada, é imprescindible a precaución, o que implica, cando menos, tempo; e, a respecto da aplicación da biotecnoloxia xenética á agricultura, os ritmos non foron, precisamente, lentos: de 200.000 hectáreas plantadas no ano 95 con plantas modificadas xeneticamente pasouse a máis de 40 millóns no ano 2000. Precaución significa tamén avaliación de riscos, avaliación que non pode estar maioritariamente en mans das multinacionais que venden as sementes, e por tanto, as primeiras interesadas en obteren beneficios económicos no menor prazo posible: precísanse estudios independentes e rigorosos, precísanse investimentos publicos antes da toma de decisións. É tamén significa análise e debate caso por caso: é a sociedade, finalmente, quen ten que decidir se procede ou non autorizar tal ou cal cultivo ou alimento en función das súas peculiaridades ambientais, sociais, económicas,... Pero os alimentos transxénicos chegaron a nós sen que puidésemos elixir, sen etiquetaxe que os identificase como tales: furtouse o dereito á información e á participación. Hoxe están en mans de multinacionais (agroquímicas, farmacéuticas) que, ó seu través, concentran máis poder e máis control sobre as nosas vidas. E este é un risco engadido: non estamos só perante a tecnoloxia xenética, estamos tamén perante a biotecnoloxía das multinacionais, interesadas no seu propio beneficio e alleas ós dereitos individuais e colectivos.De entrada, é imprescindible a precaución, o que implica, cando menos, tempo; e, a respecto da aplicación da biotecnoloxia xenética á agricultura, os ritmos non foron, precisamente, lentos: de 200.000 hectáreas plantadas no ano 95 con plantas modificadas xeneticamente pasouse a máis de 40 millóns no ano 2000. Precaución significa tamén avaliación de riscos, avaliación que non pode estar maioritariamente en mans das multinacionais que venden as sementes, e por tanto, as primeiras interesadas en obteren beneficios económicos no menor prazo posible: precísanse estudios independentes e rigorosos, precísanse investimentos publicos antes da toma de decisións. É tamén significa análise e debate caso por caso: é a sociedade, finalmente, quen ten que decidir se procede ou non autorizar tal ou cal cultivo ou alimento en función das súas peculiaridades ambientais, sociais, económicas,... Pero os alimentos transxénicos chegaron a nós sen que puidésemos elixir, sen etiquetaxe que os identificase como tales: furtouse o dereito á información e á participación. Hoxe están en mans de multinacionais (agroquímicas, farmacéuticas) que, ó seu través, concentran máis poder e máis control sobre as nosas vidas. E este é un risco engadido: non estamos só perante a tecnoloxia xenética, estamos tamén perante a biotecnoloxía das multinacionais, interesadas no seu propio beneficio e alleas ós dereitos individuais e colectivos.

ADEGA defende un modelo de producción agraria respectuoso co medio ambiente e a saúde dos/as consumidores/as e baseado nas explotacións labregas familiares. Unha agricultura que garanta o dereito a producir e consumir alimentos sans e de calidade. Neste modelo non hai lugar para os alimentos transxénicos, que non teñen demostrado a súa seguridade para a saúde das persoas e os animais nin a súa inocuidade para o medio ambiente.

ADEGA desenvolveu dende 1997 numerosas actividades en relación cos alimentos transxénicos: participación en debates, organización de charlas, redacción de artigos, intervencións en medios informativos, escritos ás Consellerías de Medio Ambiente e de Agricultura, edición de materiais informativos,... En 1999, organizamos unhas xornadas informativas en colaboración co Sindicato Labrego Galego (SLG). En 2001, ADEGA participou na celebración do Día Mundial da Loita Labrega editando un tríptico “Que comemos? A quen comemos?” xunto con outras organizacións e distribuíndoo simultaneamente en distintas vilas e cidades. Máis recentemente (marzo de 2008), participamos no Foro Ibérico pola Soberanía Alimentar e sen Transxénicos celebrado en Derio (Biscaia) e partillamos na fundación da Plataforma Galega Anti-transxénicos.

 



Comeza a campaña "Por unha Galiza Libre de Transxénicos" PDF Imprimir Correo-e
Envia Comeza a campaña "Por unha Galiza Libre de Transxénicos" a FaceBookEnvia Comeza a campaña "Por unha Galiza Libre de Transxénicos" a Twitter
transxth.jpg7 de abril de 2008. Os 21 colectivos integrados na Plataforma Galega Anti-transxénicos vimos de encetar unha campaña informativa sobre os riscos dos produtos e os cultivos transxénicos. O estado español e o maior sumidoiro de lixo xenético de Europa: no 2007 sementáronse máis de 75.000 Ha de millo transxénico. En Galiza só para o 2008, hai 11 solicitudes de ENSAIOS DE LIBERACIÓN DE TRANSXÉNICOS por empresas biotecnolóxicas, e de seguro que xa hai leiras en transxénico para a produción comercial no noso país. Informar á cidadanía sobre as cosecuencias cultivar e consumir transxénicos é o obxectivo desta campaña, que ten como fin último a declaración de Galiza como Territorio Libre de Transxénicos. Baixa o Triptico TRANSXENICOS FINAL.pdf TRÍPTICO (2.81 MB) informativo.
Joomla Templates and Joomla Extensions by ZooTemplate.Com
Ler máis...
 
Globalicemos a loita: fóra os transxénicos dos pratos e dos campos! PDF Imprimir Correo-e
Envia Globalicemos a loita: fóra os transxénicos dos pratos e dos campos! a FaceBookEnvia Globalicemos a loita: fóra os transxénicos dos pratos e dos campos! a Twitter
transth.jpg17 de marzo de 2008. Os pasados días 15 e 16 de marzo, ADEGA participou no I Foro Ibérico contra os Transxénicos, celebrado en Bilbo e organizado por EHNE. Intervimos nun dos 5 obradoiros -o de lexislación- do foro, con representantes galegos/as nos outros 4. Logo dun intenso debate no que ADEGA, xunta con organizacións catalás e bascas, demandabamos máis atención aos territorios con competencias plenas fronte a visións estatalistas, acadouse un consenso de mínimos canto ás accións legais.Resolucions BILBO TRANSX.doc Resolucions FORO
Joomla Templates and Joomla Extensions by ZooTemplate.Com
Ler máis...
 
ADEGA participa no I Foro Ibérico contra os transxénicos PDF Imprimir Correo-e
Envia ADEGA participa no I Foro Ibérico contra os transxénicos a FaceBookEnvia ADEGA participa no I Foro Ibérico contra os transxénicos a Twitter
sentrans2.jpgBaixo o título "CON SOBERANÍA ALIMENTARIA, SEN TRANSXÉNICOS: ARTELLANDO LOITAS", os días 15 e 16 de marzo celebrarase en Bilbo un foro ibérico para coordenar loitas e estratexias a favor dunha agricultura e unha alimentación libre de transxénicos. O foro está orientado cara os movementos sociais contrarios á enxeñería xenética na Península Ibérica e a organizacións produtoras de alimentos (labregos/as, comunidades indíxenas, hortas urbanas, etc) a nível mundial. ADEGA e outras organizacións galegas imos participar neste foro aprender das experiencias doutras comunidades e trasladalas a Galiza, dentro da campaña iniciada pola  Plataforma Galega Anti-Transxénicos.Programa TRANSXENICOS.doc Programa FORO OXM
Joomla Templates and Joomla Extensions by ZooTemplate.Com
Ler máis...
 
Nace a Plataforma Galega Anti-transxénicos PDF Imprimir Correo-e
Envia Nace a Plataforma Galega Anti-transxénicos a FaceBookEnvia Nace a Plataforma Galega Anti-transxénicos a Twitter

oxmperigo.jpgEste venres 29 de febreiro de 2008 constituiuse en Galiza a Plataforma Galega Antintransxénicos, coincidindo cunha xornada de divulgación e debate sobre os perigos dos organismos modificados xenéticamente (OMX´s). Reunímonos no concello de Lalín vinte organizacións sociais galegas para iniciarmos o camiño que nos haberá de levar á consecución do obxectivo final: a declaración de Galiza zona ceibe de transxénicos. Na reunión deste venres establecéronse as principais liñas de traballo que a Plataforma Galega Antitransxénicos (OMX´s) levará a cabo (segue...)

Joomla Templates and Joomla Extensions by ZooTemplate.Com
Ler máis...
 
Ofensiva galega contra os transxénicos PDF Imprimir Correo-e
Envia Ofensiva galega contra os transxénicos a FaceBookEnvia Ofensiva galega contra os transxénicos a Twitter
transmillo.jpg29 de febreiro de 2008. Amigos da Terra organiza este venres 29 de febreiro en Lalín unha acción de protesta contra os cultivos transxénicos en Galiza que é apoiada por ADEGA, o SLG e outras entidades agroambientalistas. Esta é unha das primeiras accións entre colectivos ecoloxistas e agrarios de cara a frear a expansión dos transxénicos no país. Os actos consistirán na colocación dun posto dende as 11 ás 14:30 e de 16 a 19h na praza da Igrexa de Lalín, así como unha mesa redonda ás 20h na Casa da Xuventude. Tamén, ás 17 h no local do SLG constituiremos a PLATAFORMA ANTI-TRANSXÉNICOS DE GALIZA
Joomla Templates and Joomla Extensions by ZooTemplate.Com
Ler máis...
 
<< Inicio < Anterior 1 2 Seguinte > Final >>

Páxina 1 de 2


ADEGA