 Marzo de 2011. Dende ADEGA quereros expresar a nosa solidariedade co pobo xaponés afectado polo terremoto e posterior tsunami e logo polo gravísimo accidente nuclear de Fukushima. Destas tres catástrofes, só unha ten unha orixe non natural, e portanto, puido evitarse. Mais a inconsciencia e a cobiza dun sistema que persiste en promover a enerxía nuclear desprezando os riscos que comporta, e que non dubida en hipotecar a saúde do planeta polo beneficio económico inmediato, fainos tamén a nós en tanto que integrantes dese sistema, responsábeis e ao tempo vítimas da catástrofe. Exerzamos pois a nosa responsabilidade e comecemos por demandar dos nosos governantes a fin da era nuclear, comprometendo o peche das actuais centrais para antes de 2020.
|
|
Ler máis...
|
 22 de marzo, Día da Auga. ADEGA vai iniciar o “Proxecto de creación dunha rede de custodia fluvial nas bacías do Ulla, Umia e Lérez” nos concellos d'A Estrada, Caldas de Reis, Catoira, Cerdedo, Cuntis, Forcarei, Moraña, Pontecesures, Portas e Valga, financiado con fondos LEADER polo FEADER, o Ministerio de Medio Ambiente, Rural e Mariño e o AGADER. A custodia fluvial é unha ferramenta que permite velar pola conservación dos valores dos cursos fluviais. Este tipo de actuación fai partícipe á poboación local, sendo esta a protagonista da propia acción, alén de posibilitar a implicación e identificación co proxecto e empoderando ás persoas e entidades participantes. |
|
Ler máis...
|
 ADEGA celebrou o Día Mundial da Auga cun acto de homenaxe a todos os ríos de Galiza que tivo lugar no centro medioambiental A Eira da Xoana, situado no treito alto do río Ulla, na parroquia de Ramil (Agolada). Alí congregáronse centos de persoas procedentes de todo o país que, a nivel individual ou colectivo, participaron do movemento ecoloxista ou cultural a prol da defensa e protección dos nosos ríos. O acto de homenaxe tamén serviu para clausurar a celebración da VI Copa Galega de Kaiak extremo no río Ulla. |
|
Ler máis...
|
 14 de marzo de 2011. ADEGA vén de constatar a presenza da ameixa asiática ( Corbicula fluminea) no río Mero, nun treito pertencente ao concello de Cambre. Trátase da poboación máis nor-occidental da Península Ibérica desta invasora. A ameixa asiática é un bivalvo de auga doce orixinario de Asia que penetrou en Galiza en 1989. Até o de agora a súa distribución limitábase á bacía do Miño mais o recente descubrimento na do Mero, sen conexión coa anterior, representa un preocupante avanzo desta invasora. ADEGA demanda da Xunta a posta en marcha de planos de prevención e erradicación das especies invasoras, especialmente as fluviais, que poñen en perigo a nosa biodiversidade autóctona e que, como a ameixa asiática ou o mexilón cebra, poden orixinar ademais importantes perdas económicas. |
|
Ler máis...
|
|
|
 Lugo, marzo de 2011. ADEGA-Lugo organiza o próximo roteiro da lingua que terá lugar o domingo 27 de marzo, por terras de Mondoñedo, antiga capital do Reino de Galiza, e a carón da Serra da Corda. O obxectivo é recoñecer e potenciar a lingua propia coa lembranza e evocación de destacados persoeiros da cultura galega que foron nados neste Val de Brea: Noriega Valera, Leiras Pulpeiro, Álvaro Cunquiero, Carlos Reigosa, Pascual Veiga, etc.
|
|
Ler máis...
|
 22 de marzo de 2011. Co gallo do Día Mundial da Auga, os colectivos ecoloxistas ADEGA, Amigos da Terra, FEG, SGHN e Verdegaia presentamos un  Manifesto_DMA_2011 (33Kb) na procura dunha mudanza radical no xeito de entendermos o uso deste elemento vital para a vida. O xeito de xestionar a súa demanda tanto na faciana extractiva como de depuración, reverterá na calidade do noso ecosistema e na sustentabilidade da nosa sociedade. |
|
Ler máis...
|
 Con motivo do Día Forestal Mundial este 21 de marzo, organizacións de conservación da natureza e ecoloxistas de carácter estatal e de Galiza, Andalucía, Asturias, Cantabria e o País Basco, entre as que está ADEGA, presentamos o manifesto “Unha visión común sobre o problema das plantacións de eucalipto” (128 Kb) Neste manifesto, asinado por máis de 20 colectivos, faise unha breve análise sobre a conflictividade asociada a estas plantacións e, sobre todo, preséntase unha folla de rota ás administracións públicas e ó sector do eucalipto para rematar con máis de 40 anos de conflictos xenerados por estas plantacións. |
|
Ler máis...
|
 10 de marzo de 2011. ADEGA vén de apresentar alegacións a tres parques eólicos que cercarán o macizo do Monte Pindo con máis aeroxeradores, pistas, gabias, conducións eléctricas e estacións de transformación. Mazaricos, Dumbría, Carnota e Muros repártense 13 muíños, os maiores de 100m de alto, sobre unha das paisaxes mais representativas do país, salferida de mámoas e pertróglifos e enriba de hábitats prioritarios. A devesa de Anllares, o bosque atlántico máis occidental de Europa, vai ter como compaña ademais de novas minicentrais un parque eólico a menos de 1km (A Ruña). Na zona SW do macizo do Pindo, sobrancearán sobre a silueta do monte e a praia de Carnota outros dous parques (Alto das Agras e ampliación de Virxe), xusto enriba da proposta de ampliación do LIC Carnota-Monte Pindo, sobre hábitats prioritarios e humidais inventariados. Con razón a Xunta denegou un Parque Natural no Pindo e demórase tanto en ampliar a Rede Natura: primeiro deben coller sitio eólicos e canteiras. |
|
Ler máis...
|
|
23 de marzo de 2011. 
Subscribir a fonte RSS