Adega
INICIO Novas Profesores, investigadores e ecoloxistas solicitan a criazón do Parque Natural do Monte Pindo
Profesores, investigadores e ecoloxistas solicitan a criazón do Parque Natural do Monte Pindo PDF Imprimir Correo-e
Envia Profesores, investigadores e ecoloxistas solicitan a criazón do Parque Natural do Monte Pindo a FaceBookEnvia Profesores, investigadores e ecoloxistas solicitan a criazón do Parque Natural do Monte Pindo a Twitter
opindoPNfCompostela, 7 de setembro de 2010. Profesores universitarios galegos, investigadores e representantes ecoloxistas apoian a proposta para a criazón do Parque Natural do Monte Pindo, que sería o sétimo existente en Galiza. O Monte Pindo apresenta 5 hábitats protexidos pola Directiva Europea 92/43/CE, 8 especies vexetais protexidas pola lexislación galega e 12 especies de fauna inseridas en distintos Libros Vermellos, segundo o documento revisado por Xavier Amigo, Profesor de Botánica da USC e Pedro Galán, Profesor de Zooloxía da UAC. Mentres a Xunta tenta rebaixar Corrubedo de parque natural a parque periurbano, abríndolle as portas á especulación, o mundo científico e os ecoloxistas apostamos pola conservación como motor do desenvolvemento sustentábel nas áreas protexidas.
monte_pindo_1Ademais destácase a importancia xeolóxica dunha área que está clasificada Punto de Interese Xeolóxico do estado español (PIG-C-115) polo seu abrupto relevo de rochas graníticas que acada o 628 metros de altitude na Moa a pesar de situarse á beira do mar. A isto hai que engadir abundantes restos patrimoniais medievais e o seu carácter de lugar simbólico que Otero Pedrayo denominou como “Olimpo Celta” no que as rochas adquiren significados míticos como a coñecida como “O Guerreiro” entre outras. O abrupto e rochoso do terreo fai que estea no seu interior por completo despoboado xa que as aldeas están situadas nas beiras do monte. Tampouco existen aproveitamentos económicos destacables a parte do turismo no interior do Monte Pindo.
A concentración de numerosos valores naturais nun escaso terriorio e máis a súa idoenidade económica lévanos a propor a figura de Parque Natural para protexer a esta zona de actuacións inaxeitadas ou alteracións que podan perturbar os seus actuais valores naturais.

A figura de Parque Natural contempla destacadas inversións turísticas e ambientais e mesmo sociais non só no territorio do futuro Parque senón tamén na área de amortecemento que contemple as zonas poboadas que rodean ao monte. Estas importantes inversións así como a facilidade da promoción turística dun parque natural tan destacado suporá, no caso de facerse, un auténtico revulsivo económico na zona. Só hai que recordar que o Parque Natural de Corrubedo é hoxe un dos lugares máis visitados de Galiza e ademais unha das principais fontes de riqueza para os habitantes desa área.
O documento será presentado no Observatorio Galego da Biodiversidade que é o organismo consultivo axeitado para levar adiante esta iniciativa. Este organismo dependente da Dirección Xeral da Natureza da Consellería de Medio Rural, leva sen reunirse dende hai 2 anos, cando o Partido Popular chegou ao governo, sendo a última reunión presidida polo anterior Director Xeral de Conservación da Natureza da Xunta do bipartito, D. Benito Reza.

Por estes motivos os representantes ecoloxistas neste organismo (pertencentes a ADEGA e á Sociedade Galega de Historia Natural) queremos expresar o noso rotundo descontento pola desidia e parálise á que está sometido debido á carencia total e absoluta da Xunta de Galiza de políticas de Conservación da Natureza.
A creación deste Parque Natural é beneficioso ao mesmo tempo tempo para o medioambiente e para os habitantes do Norte do Concello de Carnota. Desta maneira o Observatorio Galego da Biodiversidade debe ser reunido o antes posible para estudar a solicitude aquí presentada.


Relación de asinantes do documento:

RELATOR:
-Martiño-Fiz López Lindoso. Representante ecoloxista de ADEGA no Observatorio Galego da Biodiversidade.

ASINANTES:
Representantes no Observatorio Galego da Biodiversidade:
-Serafín González Prieto. Representante ecoloxista da Sociedade Galega de Historia Natural (SGHN) no Observatorio Galego da Biodiversidade.
-Pedro Galán Regalado. Departamento de Bioloxia Animal, Vexetal e Ecoloxía. Universidade da Coruña (UAC). Representante da UAC no Observatorio Galego da Biodiversidade.

Organizacións ecoloxistas:
-Virxinia Rodríguez Álvarez. Presidenta de ADEGA (Asociación para a Defensa Ecolóxica de Galiza).

Profesores e investigadores das Universidades Galegas:

UNIVERSIDADE DE SANTIAGO DE COMPOSTELA
-Javier Amigo Vázquez. Departamento de Botánica. Universidade de Santiago de Compostela (USC).
-Santiago Ortiz Núñez. Departamento de Botánica. Universidade de Santiago de Compostela (USC).
-Juan Rodríguez Oubiña. Departamento de Botánica. Universidade de Santiago de Compostela (USC).
-Rodrigo Carbajal Villaverde. Investigador do Departamento de Botánica. Universidade de Santiago de Compostela (USC).
-Miguel Serrano Pérez . Investigador do Departamento de Botánica. Universidade de Santiago de Compostela (USC).

UNIVERSIDADE DA CORUÑA

-Juan Ramón Vidal Romaní, catedrático de Xeoloxía. Instituto Universitario de Xeoloxía, Universidade da Coruña (UAC)
-Elvira Sahuquillo Beltrán. Departamento de Bioloxia Animal, Vexetal e Ecoloxía. Universidade da Coruña (UAC)
-Marcelino Fuentes López. Departamento de Bioloxia Animal, Vexetal e Ecoloxía. Universidade da Coruña (UAC)
-Manuel Soto Castiñeira. Departamento de Física-Química. Universidade da Coruña (UAC). Director da Oficina de Medio Ambiente da Universidade da Coruña.
-Javier Cremades Ugarte. Departamento de Bioloxia Animal, Vexetal e Ecoloxía. Universidade da Coruña (UAC)
-Xosé Lois Rodríguez Suárez. Departamento de Proxectos Arquitectónicos e Urbanismo. Vicerreitor de Infraestructuras e Xestión Ambiental. Universidade da Coruña (UAC).
-Enrique Martínez Ansemil. Departamento de Bioloxia Animal, Vexetal e Ecoloxía. Universidade da Coruña (UAC).
-Ángeles Cid Blanco. Departamento de Bioloxía Molecular e Celular. Universidade da Coruña (UAC).
-Ana María González Tizón. Departamento de Bioloxía Molecular e Celular. Universidade da Coruña (UAC).
-Ana Insua Pombo. Departamento de Bioloxía Molecular e Celular. Universidade da Coruña (UAC).
-Andrés Martínez Lage. Departamento de Bioloxía Molecular e Celular. Universidade da Coruña (UAC).
-Julián Yáñez Sánchez. Departamento de Bioloxía Molecular e Celular. Universidade da Coruña (UAC).
-Maria José González Fuentes. Departamento de Bioloxía Molecular e Celular. Universidade da Coruña (UAC).
Joomla Templates and Joomla Extensions by ZooTemplate.Com
 

Redes sociais

adegafacebook

twittergal

quilmasbanner2.gif



ADEGA