 3 de xuño de 2010. A Bandeira Azul tense convertido en sinónimo de praias en bo estado, mais non significa que o litoral estea ben conservado. Os criterios polos que a FEE-ADEAC (unha fundación internacional privada) concede a Bandeira Azul, atenden principalmente á calidade da auga e aos servizos da praia durante a tempada de baño, e non á conservación dos ecosistemas litorais. Segundo a propia FEE " Identificar y/o premiar aquellas playas más verdes y mejor conservadas ecologicamente, no es función de la Bandera Azul" (Baixa os CRITERIOS da súa web). Así, concellos cuxas vilas e cidades carecen de depuración (A Coruña, Vigo, moitos das rías de Pontevedra e Arousa...), que ademáis practican un urbanismo depredador (Barreiros, Sanxenxo...), ven "premiada" a súa mala xestión coa Bandeira Azul. |
|
Ler máis...
|
 Dentro dos actos do Día Mundial do Medio Ambiente 2010, este mércores 2 de xuño ADEGA levará a cabo novas actividades de voluntariado ambiental dentro do PROXECTO CORNA. Avaliaremos o estado de conservación desta área dunar e continuaremos coas medidas de protección da píllara papuda (Charadrius alexandrinus). Grazas a elas, dende aniñaron cando menos 5 parellas nesta praia, 3 con pitos. Traballaremos tamén no control das especies exóticas invasoras que ameazan a biodiversidade deste contorno, en especial a Coniza e a Arctotheca, logo de que o Carpobrotus ficara xa erradicado. |
|
Ler máis...
|
 27 de maio de 2010. Sorprende que SOGAMA, unha industria creada para evitar a contaminación dos residuos urbanos, sexa unha das máis poluintes de Galiza: Cada ano emite á atmosfera 327.000 Tm de CO 2 (equivalente as emisións de 136.000 vehículos); 154 Tm de NOx; 309 Tm de partículas e 14,6 kg de mercurio. Destacan tamén as verteduras de auga industrial, 548.318 m 3, equivalente ao consumo dunha poboación de 10.000 habitantes, e de metais pesados, en especial arsénico (13,7 kg), cadmio (5,48 kg) e mercurio (3 kg), aparte dos fenois (27,3 kg) de efectos canceríxenos e teratóxenos. Alén de "tratar" residuos urbanos, SOGAMA tamén produce residuos perigosos, 31.500 Tm en 2008, fundamentalmente cinzas. Estes datos están tirados do Rexistro Estatal de Emisións e Fontes Contaminantes (PRTR). Con semellante curriculum, como pretende a Xunta seguir apostando polo modelo SOGAMA no seu PXRSUG 2010-2020, e moito menos amplialo, para "tratar" a maioría dos residuos urbanos? |
|
Ler máis...
|
 A Xunta vén de apresentar máis datos sobre o  Plano de Residuos Urbanos de Galiza 2010-2020 (2.34 Mb) confirmando a forte aposta do goberno Feijóo pola incineración. Fronte á realidade das cifras que amosan o rotundo fracaso de SOGAMA, o novo PXRSUG aposta novamente pola incineración (que chucha o 60% do investimento en infraestruturas e o 48% do orzamento total) cunha nova planta incineradora no Sur sine loci, e a ampliación da de Cerceda. |
|
Ler máis...
|
|
|
 Ferrol, 4 de xuño de 2010. Festival musical: “TOD@S PARAMOS O GALICIA SPIRIT” Ás 18 h na Praza Vella de Ferrol, organizado polo Comité Cidadán de Emerxencia para a Ría de Ferrol (CCE) e os colectivos que o apoiamos e integramos (entre eles ADEGA). Trátase de celebrar o Día Mundial do Medio Ambiente e amosar a nosa solidariedade cos 60 mariscadores procesados por deter no 2007, en defensa das nosas vidas e da nosa Ría, o gaseiro “Galicia Spirit” destinado a REGANOSA. Previamente, este pasado día 1, membros de ADEGA e do CCE autoinculpámonos diante da Fiscalía polos delictos polos que foron proccesados os 60 mariscadores da confraría de Ferrol.
|
|
Ler máis...
|
 Os días 29 e 30 de maio ADEGA e RedMontañas convocan a 5ª edición de “MONTAÑAS EN REDE”, unha iniciativa reivindicativa dirixida a todas as persoas preocupadas polo futuro das montañas. O 2009 houbo 179 ascensións en toda a península, 20 delas na Galiza para reivindicar a protección das montañas. O lema deste ano é AS MONTAÑAS SI IMPORTAN !! Participar é moi doado: 1. Descarrega a túa FAIXA MONTAÑAS 2010 (1 Mb) ; 2. Sobe á montaña/cumio/outeiro que prefiras e con quen prefiras (tamén podes ir ti só/a, pero ten moito coidado!!); 3. Facede unha foto no curuto coa vosa faixa; 4. Cando volvas a casa, sobe a túa foto á Galería Montañas en Rede 2010. Este ano hai tamén un CONCURSO FOTOGRÁFICO. Baixa as BASES (61 Kb) e participa!
|
|
Ler máis...
|
 26 de maio de 2010. O Parlamento de Galiza vén de aprobar por unanimidade unha moción do BNG pola que ínstase a Xunta a informar negativamente sobre a concesión "Salto do Suarna", no río Navia, e pide ao estado que decrete a caducidade da concesión, que data de 1963. Na sesión plenaria que tomou este acordo estiveron presentes en nome de ADEGA o seu secretario xeral Froilán Pallín xunto cunha representación dos veciños e colectivos locais afectados por esta infraestrutura. ADEGA agarda que o MMARM atenda o acordo unánime do Parlamento de Galiza, que a maiores demanda a declaración do Navia como río libre de aproveitamentos hidroeléctricos. ADEGA demanda tamén da Xunta que, en coerencia, decrete o "punto final" dos aproveitamentos hidroeléctricos nos ríos galegos. |
|
Ler máis...
|
 En decembro de 2000 a Asemblea Xeral da ONU designou o 22 de maio como Día Mundial da Biodiversidade, para comemorar a sinatura en 1992 da Convención Internacional para a Diversidade Biolóxica en Nairobi (Kenia). Este ano, o lema é "Biodiversidade, desenvolvemento e alivio da pobreza", para subliñar o papel da conservación e boa xestión da biodiversidade no benestar humano. Fronte ao discurso interesado de que o progreso (sobre todo o de algúns) está enfrontado á protección ambiental, a conservación da biodiversidade pode e debe ser motor do desenvolvemento sustentábel, comezando polos propios habitantes dos lugares protexidos. |
|
Ler máis...
|
|
Subscribir a fonte RSS