 3 de setembro de 2010. A vaga de lumes de agosto afectou principalmente a espazos naturais do interior do país de alto valor ecolóxico. Se en 2006 os incendios afectaron maiormente a áreas periurbanas e costeiras, cunha incidencia relativamente baixa e dispersa sobre os espazos protexidos (un 2% do total queimado), neste 2010 máis do 30% do terreo arrasado corresponde a tres espazos protexidos (Macizo Central, Xurés e Canóns do Sil) e áreas veciñas de alto valor natural. Tendo en conta a cativa representación territorial que a Rede Natura ten en Galiza (menos dun 12%), a incidencia dos lumes deste ano constitúe unha verdadeira catástrofe ecolóxica. |
|
Ler máis...
|
 30 de agosto de 2010. As recentes declaracións do conseleiro de Medio Rural na súa visita ao Parque Natural de Corrubedo son algo máis que preocupantes: primeiro pola súa intención (aínda intención?!) de redactar un novo PORN consonte á Lei 42/2007 de Protección do Patrimonio Natural e a Biodiversidade; pero sobre todo pola súa pretensión de “adaptar” a normativa do parque á recente Lei do Solo 2/2010 coa intención de “satisfacer a importante demanda veciñal relacionada con cuestións construtivas na contorna do Parque”, para o que propón a redacción dun “plan especial urbanístico que defina en detalle o réxime de usos e que evite así o actual, lento e complicado trámite administrativo individualizado que debe seguir cada proposta urbanística”. Pois nada: no Ano Internacional da Biodiversidade, Juárez e García-Borregón receitan máis cemento e ladrillo para Corrubedo.
|
|
Ler máis...
|
|
 23 de agosto de 2010. Malia á suspensión en 2005 (Decreto 555/2005) da concesión de 32 aproveitamentos hidroeléctricos e á aprobación en 2006 da ILP en Defensa dos Ríos, novas minicentrais amezan a vida dos nosos ríos da man do novo Plano Hidrolóxico. As concesións hidroeléctricas aprobadas polo governo Fraga en funcións e denunciadas polo Consello de Contas, poden ser unha realidade denantes de 2015. Feijóo (daquela vicepresidente) e Hernández (daquela responsabel de Augas de Galiza) pretenden continuar co saqueo dos nosos ríos onde o deixaron en 2005.
|
|
Ler máis...
|
|
 17 de agosto de 2010. De aqueles pós veñen agora estas lamas. O desmantelamento por parte do governo Feijóo dos dispositivos do Voluntariado en Defensa do Monte Galego, iniciado trala catástrofe de 2006, exemplifica a política suicida da Xunta en materia de loita contra o lume. Abandono da prevención, esquecemento da sensibilización e da disuasión, recurtes e precarización dos dispositivos de extinción, paralización das UXFOR e privatización encoberta através das SOFOR... Todo adubiado coa censura informativa, a mentira e a manipulación dos datos, conforma o bochornoso espectáculo dun governo superado polos acontecementos e que non aprendeu ren do pasado, agás para botarlle a culpa ao vento.
|
|
Ler máis...
|
|
|
 1 de setembro de 2010. A intención da Xunta de meterlle man ao Parque Natural de Corrubedo através da redacción dun novo PORN, que segundo o conselleiro Juárez “satisfaría a importante demanda veciñal relacionada con cuestións construtivas”, vale dicer os intereses político-especulativos do PP, bate coa realidade dos feitos: un novo PORN para o LIC de Corrubedo foi xa licitado (DOG nº 234, 5/12/2006), adxudicado (DOG nº 102, 29/5/2007), redactado (28/12/2007), e ademais sometido a avaliación ambiental estratéxica (21/1/2008 –documento de inicio- e 11/6/2008 –documento de referenza-). Por que non aproban entón esta proposta? Que necesidade hai dun novo PORN? A resposta está... no cemento!
|
|
Ler máis...
|
|
 Compostela, 27 de agosto de 2010. ADEGA vén de apresentar  Alegacións ás DOT (PDF 36 Kb), Directrices de Ordeamento do Territorio, o suposto novo marco para unha planificación territorial sustentábel, e que fronte á realidade actual das políticas públicas son xa papel mollado. Un feixe de determinacións que ficarán derramadas ao bater cunha realidade ben distinta: insubmisión normativa dos concellos, “flexibilización” da Lei do Solo, amnistías e convenios urbanísticos ad hoc, planos sectoriais agresivos, continua “deconstrución” da cativa rede de espazos protexidos…Unhas Directrices que renuncian a intervir sobre as principais causas e consecuencias da actual degradación do territorio, deseñando un país virtual, mentras deixan vixentes as planificacións caducas e insustentábeis responsábeis desa degradación. |
|
Ler máis...
|
|
 20 de agosto de 2010. Alén da escurantista política informativa que está a practicar a Xunta por mor dos lumes, a administración tampouco atende á súa obriga legal de informar á cidadanía encol doutras materias de carácter ambiental. Este dereito está regulado pola Lei 27/2006, que incorpora diversas directivas europeas para garantir o libre acceso dos cidadáns á información e á xustiza en materia de ambiente. ADEGA solicitou á Xunta en repetidas ocasións informacións de carácter ambiental ao amparo desta lei, que a administración ignorou incumprindo o artigo 10.2.c.1º. Os vellos vicios (lembremos as vacas tolas, o Prestige...) son moi malos de deixar.
|
|
Ler máis...
|
|
 Ourense, 13 de agosto de 2010. A ocultación de información e a mentira sobre os lumes só amosa a incapacidade dos governantes para afrontar o problema. Feijóo aposta todo a? extincio?n -iso si?, con menos medios, por aquelo da austeridade- confiando como na era Fraga nos elementos e na providencia, e esquecendo a prevencio?n. A supresio?n dos grupos de Voluntariado en Defensa do Monte, factor chave de concienciacio?n e disuasio?n, agrava a sensacio?n de impunidade e estende o desleixo da poboacio?n cara o andazo dos lumes. Precisamente o Sr. Feijo?o acaba de reclamar a colaboracio?n da sociedade galega contra o lume: niso precisamente consisti?a o voluntariado que tan cedo encargouse de desmontar. Finalmente, dende ADEGA queremos expresar a nosa dor pola morte de Xulio e Rodrigo, solidarizándonos coas su?as familias. LUMES, NUNCA MA?IS !!!
|
|
Ler máis...
|
|
Ourense, 7 de setembro de 2010.
Subscribir a fonte RSS