1 de xullo de 2010. Dende ADEGA vimos de denunciar que a Xunta de Galiza iniciou as obras de "millora e acondicionamento" do acceso ao cárcere da Lama, logo dun chafalleiro e irregular procedemento administrativo, sen información pública e carente do obrigatorio estudo de impacto ambiental. As máquinas da empresa Copasa iniciaron as obras de "acondicionamento" da estrada PO-255 arrasando ao seu paso árbores, nin máis nin menos que 25.000, moitas delas centenarias e formando parte de antigas carballeiras. Nestas carballeiras, coma a de Caritel, medra ademais unha rara especie de fento, o Dryopteris guanchica, catalogado como vulnerábel. Pois nada, agora todos ao cárcere!
|
Ler máis...
|
A semana do 21 ao 27 de xuño celébrase no paseo marítimo de Moaña a Feira Alternalia 2010, unha feira adicada ao medio ambiente, a bioconstrución e as enerxías renovábeis. Do 21 ao 24 de xuño terá lugar o ciclo de xornadas técnicas e conferencias no centro sociocultural de Caixanova. Como na Mancomunidade do Morrazo ADEGA está a encetar un programa de compostaxe doméstica e comunitaria, colocaremos un stand informativo na feira realizaremos obradoiros de compostaxe dende o venres 25 ao domingo 27, en horario é de 10:00 a 14:00 e de 18:00 a 22:00.
|
Ler máis...
|
19 de xuño, de 11:30 a 20h no paseo da Alameda de Compostela. A concellaría de Medio Ambiente do Concello de Santiago organiza a terceira Feira do Sol no Paseo Central da Alameda. Esta actividade está enmarcada no programa Vive o Verán (folleto 3Mb) que organiza conxuntamente a concellaría de Cultura e os Centros Socioculturais. A Feira ten o sol como motivo principal e a educación e a sustentabilidade como obxectivo. Haberá unha manchea de actividades lúdicas e demostrativas das propiedades do sol na vida cotiá e doutras alternativas ecolóxicas.
|
Ler máis...
|
Este 8 de xuño é o Día Mundial dos Océanos. Co tema deste ano, "OCÉANOS DE VIDA", a ONU chama a atención sobre a grande diversidade de vida nos mares e a importancia de protexela. No Ano Internacional da Biodiversidade, cómpre lembrar que os mares son a despensa da humanidade, moderadores do clima e amortecedores dos impactos do cambio climático. Pero estas funcións, fundamentais para o mantemento da vida na Terra están seriamente comprometidas polas actividades humanas. Sobrepesca, verteduras urbanas e industriais, mareas negras, acidificación polo exceso de emisións de CO2... Na Galiza, cun dos mares máis fecundos do planeta, seguimos ao cabo en protección dos esosistemas mariños.
|
Ler máis...
|
|
Este sábado 3 de xullo, ven celebrar connosco a entrada do verao cun lume purificador, facho dos novos tempos que se anuncian para estas terras do Alto Ulla e de Galiza.
Haberá música, xantares, queimada e bon humor, nesta xornada de convivio e homenaxe á natureza. Prezo da actividade (aportación solidaria): socios/as 3€; xeral 5€. Para chegares: Ver mapa GOOGLE MAPS Información e inscricións: 638475322.
|
Ler máis...
|
Lugo, 22 de xuño de 2010. O domingo 27 de xuño, remataremos o ciclo de roteiros 2009-2010 de ADEGA-Lugo na Costa da Morte. Achegarémonos alí, como símbolo do final dos camiños que van na busca do Sol, e tamén por unha causa reivindicativa: a defensa do río Xallas. Sairá un bus desde Lugo (fronte a Escola de Maxisterio) ás 8:00 horas, e dende Compostela (Pazo de Congresos, San Lázaro) ás 9:30 horas.
|
Ler máis...
|
9 de xuño de 2010. O prazo para executar as obras das minicentrais de Fervenza II, Ponte Olveira II e Novo Castrelo que Villar Mir tiña concedidos no Xallas, caducou en xullo de 2009. Tratáse de tres novos aproveitamentos hidroeléctricos cuxa tramitación inciouse en 2002, aprobáronse co goberno de Fraga en funcións en 2005 e autorizáronse pola consellaría de Industria en xullo de 2007. Daquela, fixouse un periodo de 24 meses para a execución das obras, que rematou en xullo de 2009. Ao parecer, Ferroatlántica pedíu a ampliación deste prazo, que a actual Xunta está a tramitar. ADEGA solicita á Consellaría de Industria que non amplíe este prazo e a Augas de Galiza que decrete a caducidade das concesións. O Xallas é o río con maior potencia instalada nas bacías da Xunta, e nos últimos 20 kilómetros fica completamente enaxenado a Villar Mir con 5 aproveitamentos e 4 encoros. Non e hora xa de restituirlle parte da súa dignidade?
|
Ler máis...
|
Este luns 7 de xuño, ás 20 horas, no refectorio do Museo Provincial de Lugo inaugúrase a exposición fotográfica sobre o xacemento arqueolóxico do Castro da Atalaia, de San Cibrao-Cervo, que estará aberta ao público até o 20 de xuño. Con esta exposición, organizada por Mariña Patrimonio, coa colaboración de ADEGA e a Área de Cultura da Deputación Provincial de Lugo, preténdese dar a coñecer o valioso patrimonio arqueolóxico descuberto nesta illa a resultas das excavacións arqueolóxicas realizadas no sector norte. Baixa o CARTAZ DA MOSTRA
|
Ler máis...
|
|