|
 A Coruña, 3 de agosto de 2010. A Plataforma para a Defensa da Ría do Burgo, integrada por máis de 30 asociacións ecoloxistas, veciñais, políticas, deportivas e empresariais, decidiu levar o problema de degradación deste espazo ao Parlamento Europeo, ao considerar que a pasividade e a connivencia das autoridades responsábeis (Estado, Xunta e concellos de A Coruña, Oleiros, Cambre e Culleredo) está criando unha situación de emerxencia ambiental e poñendo en risco continuado a saúde humana. Aliás este sábado 7 de agosto ás 11:30h concentrarémomos na praza do Toural en Compostela, para protestar pola contaminación da ría e amosar as evidencias do seu pésimo estado. Baixa a  Denuncia_UE_RÍA_DO_BURGO (185 Kb)
|
|
Ler máis...
|
 A Coruña, 26 de xullo de 2010. Os técnicos de AENA xa comenzaron a "visitar" Culleredo apesar de que o Ministerio de Medio Ambiente aínda non contestou ás 14.000 alegacións apresentadas en maio do 2009. A insistencia de Fomento en realizar esta obra, enviando por diante aos técnicos de AENA a coaccionar á veciñanza, fai que ADEGA sospeite que detrás deste proxecto hai algo máis que localismo, e talvez agoche intereses especulativos. Resulta difícil de atopar xustificación a unha obra baseada en estimacións e necesidades irreais e que o estudo preliminar cualifica de " impacto medioambiental, cultural e social severo". |
|
Ler máis...
|
|
 Compostela, 20 de xullo de 2010. O vindeiro venres 23 de xullo ADEGA en colaboración co concello de Muros organiza o II Encontro Solar. Esta actividade pretende ser un espazo de participación que divulgue entre diferentes ámbitos da cidadanía a aplicación da enerxía solar na vida cotiá e fomente o seu uso. Segue este segundo encontro a tendencia de redución de enerxía que promoven os Fogares Verdes muradanos.
|
|
Ler máis...
|
 Lugo, 07 de xullo de 2010.- Hoxe tivo lugar en Lugo a presentación pública do FORO DO CAMIÑO PRIMITIVO formado por varios colectivos, asociacións (entre elas ADEGA) e institucións relacionadas coa defensa da cultura, do patrimonio e do ambiente galego. Centrará a súa actividade na loita contra as agresións que actualmente está a sufrir ao longo de todo o seu percorrido a vía primitiva, así como na demanda de medidas para a súa posta en valor. Instaremos ás institucións públicas a cumprir coa súa obriga de protexer este patrimonio histórico-cultural através dos intrumentos legais dos que dispoñen. Para poñerse en contacto co Foro pódese utilizar o enderezo electrónico:
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
|
|
Ler máis...
|
|
 28 de xullo de 2010. O Parlament de Catalunya ven de aprobar por 68 votos a favor, 55 en contra e 9 abstencións a abolición das touradas após de 2012. Este fito histórico abre a porta para que outros territorios rematen definitivamente coa vergoñenta "festa nacional", que en Galiza, malia á ampla oposición social, ten aínda algúns redutos. Precisamente este sábado 31 en Pontevedra, a Coordenadora Antitouradas de Pontevedra mobilízase para denunciar a tortura convertida en espectáculo da “feria taurina”, demandando o cese de calquera promoción ou soporte público ás touradas, a modificación da lexislación para abolir a tauromaquia e a declaración de Pontevedra como cidade antitaurina e amiga dos animais.
|
|
Ler máis...
|
|
 Ferrol, 22 de xullo de 2010. ADEGA vén de apresentar alegacións ao proxecto de dragado e voadura de fondos mariños na ría de Ferrol. A zona de actuación está incluida dentro do LIC Costa Ártabra pertenecente á Rede Natura 2000, e conta con especies protexidas e unha riquísima biodiversidade nos seus fondos. O obxectivo último do proxecto é facilitar a entrada de gaseiros á planta de Mugardos, que incumpre a normativa actual de tráfico para este tipo de barcos con mercadorías perigosas. O EIA tampouco axústase ás recomendacións do CEDEX e sospeitamos que o volume das voaduras será moi superior ao recollido no proxecto.
Alegacións_VOADURA_FONDOS (286 Kb)
|
|
Ler máis...
|
 12 de xullo de 2010. O uso masivo de herbicidas para "limpar" as beiras das estradas é unha práctica cada vez máis estendida en Galiza. Estas substancias biocidas, anque legais, comportan riscos para a saúde pública e ambiental ao envelenar as augas e os solos. A alternativa aos herbicidas para controlar a vexetación son as rozas mecánicas selectivas, que ademais contribuen a criar máis postos de traballo. Unha suposta "austeridade" mal entendida está a envelenar os ecosistemas, incrementando de paso o risco de lumes.
|
|
Ler máis...
|
|
 2 de xullo de 2010. A construción do AVE precisa inxentes cantidades de formigón. Supostamente as empresas locais non poden respostar á demanda e recórrese a construir novas fatorías. Para o treito Dodro-Padrón proponse a construción dunha fábrica de formigón no polígono de Pazos, a 150 m do Sar (LIC Ulla-Deza) e a menos de 200 m do núcleo de Pazos. Malia a ser unha actividade potencialmente contaminante polo alto nível de ruido, a emisión de pó e as verteduras, e a situarse a carón das casas e da Rede Natura, a fatoría non vai precisar de avaliación ambiental. A súa actividade pretende ser "temporal", exactamente 23 meses. Deste xeito elúdese a obrigatoriedade da avaliación que fixa o Decreto 133/2008 (que substituiu ao RAMINP), necesaria se a fatoría vai ter unha actividade superior aos dous anos (24 meses).
|
|
Ler máis...
|
|
Subscribir a fonte RSS