12 de xuño de 2012. ADEGA vén de apresentar alegacións ao proxecto mineiro promovido por Edgewater Mining Co. para explotar o xacemento aurífero de Corcoesto (Cabana de Bergantiños). Trátase dun megaproxecto mineiro que minimiza os custos de produción a base de tecnoloxas obsoletas e contaminantes, pensado para maximizar os beneficios das multinacionais mineiras e os seus investidores no mercado especulativo do ouro. En troques, socializa os custos ambientais de ocupar máis de 700 ha con cortas a ceo aberto, balsas e escombreiras, alén dos riscos de usar millóns de litros de cianuro, cun nulo impacto sobre o tecido produtivUo galego. Un proxecto máis propio da época colonial, ao que a Feijóo pretende concederlle dereito de pernada sobre o territorio e adxudicarlle subvencións directas mediante a declaración de "interese estratéxico". Alegacións CORCOESTO-ADEGA

9 de xuño de 2012. Nestes intres atópase en tramitación parlamentaria unha lei de montes que aposta por un modelo ancorado nos anos 40 do século pasado. Cando pensamos no debate normativo do monte consideramos que é unha mera cuestión sectorial, mais estamos a asistir a un verdadeiro debate político que incide directamente no futuro do noso territorio e na propia identidade do noso país. A marexada non só está no ámbito normativo, xa que tamén a nivel social sucédense as reivindicacións de distintos colectivos, que como a Alianza para un Mundo Rural Galego Vivo (ADEGA, CIG, FRUGA, ORGACCMM) reclamamos un cambio na xestión do noso monte. Un artigo de Xabier Bruña, vogal de Medio Rural de ADEGA no seu blog "Tripando terróns".