Compostela, 15 novembro de 2012. Esta fin de semana, días 17 e 18 de novembro, ADEGA participará na feira ecolóxica máis importante do país, Terractiva, coa mostra de humor gráfico “Rir, por non chorar” que se enmarca dentro da campaña “Ponte no medio. Móvete polo territorio” e unha charla sobre a evolución do proxecto "Eira da Xoana" que tras varios anos de traballo xa se está a consolidar como un dos centros de divulgación ambiental e de recuperación cultural de referencia de Galiza.
ADEGA tamén levará o seu habitual posto de información e divulgación de actividades, no que recollerá sinaturas para a ILP contra a incineración.
|
Ler máis...
|
Valdoviño, 8 de novembro de 2012. ADEGA denuncia unha nova alteración do réxime natural da lagoa da Frouxeira-Valdoviño en plena tempada de migración e invernada de aves. Con estas obras, a Xunta certifica a condea a morte da lagoa que ben pode pasar a chamarse a partires de agora "enseada da Frouxeira". A pretendida "regulación do nível de inundación" que efectúa a Consellería de Medio Ambiente, Territorio e Infraestruturas, vulnera unha vez máis a Directiva Hábitat (DC 92/43/CEE) da que precisamente hoxe cúmprense 20 anos, a Directiva Aves (Directiva 2009/147), a Lei 42/2007 do Patrimonio Natural e a Biodiversidade, a Lei 9/2001 de Conservación da Natureza e o Decreto 127/2008 que regula os humidais protexidos. Vulnérase tamén o acordo que no seu día adoptou o Parlamento galego en relación ás actuacións de xestión deste humidal. Se con Fraga inaugurábanse accidentes xeográficos, con Feijóo crianse outros novos.
|
Ler máis...
|
6 de novembro de 2012. Em Vigo mais de trezentos cientistas provintes de mais de 50 paises integrantes do IPPC vão analisar as tendências do clima e das mudanças atmosféricas durante esta semana (do 5 até o 9 de novembro). De inicio já sabemos que, pese a crise, as emissões de gases com efeito estufa continuam a aumentar para fazer a nossa atmosfera mais e mais aquecedora. Vão trabalhar na elaboração dun informe que iluminará a próxima reunião de 2014. Vai ser o único encontro deste gênero em Europa que tem por objetivo elaborar pautas para mitigar os efeitos do câmbio climático. O documento preparado vai ser dirigido aos governos com valor de orientação e não vinculante. Assusta pensar que uma situação tão crítica não possa ter sobre os governos outro valor que a informação. Um artigo de Adela Figueroa, ex-presidenta de ADEGA.
|
Ler máis...
|
31 de outubro de 2012. ADEGA vén de coñecer que a concentración de microcistina na auga potábel de Caldas acadou de novo valores récord: 0,58µg/l o 28 de setembro e 0,7µg/l o 19 de outubro. Malia a que o valor límite de referenza é 1µg/l (RD 140/2003), hai que ter en conta que esta toxina ten efectos acumulativos, polo que a presenza na auga de calquera cantidade xa é preocupante. Neste senso, a OMS recomenda unha inxesta diaria tolerábel (IDT) de 0,04µg/kg/día. Isto significa que coa concentración de toxina da traída Caldas o 19 de outubro (0,7µg/l) todas as crianzas de menos de 17,5 kg de peso que beban 1l desta auga ao día xa superarían a IDT recomendada. O concello de Caldas tentou ocultar esta información á veciñanza, xa que na web municipal que informa da calidade da auga só se publicaron 2 análises dende xuño pasado, e a poboación debería saber que a súa saúde está en risco para tomar medidas. Para ADEGA queda demostrada a ineficacia do tratamento con cortiza e dos sistemas de potabilización para eliminar a toxina. A única solución para reducir o risco a cero é abrir o encoro e liberar o Umia para evitar a proliferación da microcystis. Análises auga Caldas 28-9 e 19-10 (1.81MB)
|
Ler máis...
|
|
Novembro de 2012. A Plataforma Nunca Máis, da que fai parte ADEGA, vén de apresentar un recurso de reposición contra o acordo co Consello da Xunta polo que aprobaba o Plano CAMGAL (Plano territorial de continxencias por contaminación mariña accidental de Galiza). Á marxe de seguirmos dependendo das decisións políticas, que como vimos hai 10 anos foron as responsábeis de virar un accidente en catástrofe, a análise de riscos que fai o documento é preocupantemente incompleta. Esta falta de información é crítica para avaliar os riscos: Como é posíbel, por exemplo, que das ducias de sentinazos que se producen anualmente fronte ás nosas costas o CAMGAL non considere a súa localización, frecuencia e perigosidade e só se limite a describir o concepto? Como é posíbel que siga sendo Madrid quen designe, chegado o momento, un porto refuxio entre os 1500 km de costa galega?
|
Ler máis...
|
Lugo, a 6 de novembro de 2012. Este domingo, 11 de novembro, ADEGA-Lugo inicia o seu programa de roteiros 2012-2013, dedicado á Galiza Máxica, co seu xa tradicional roteiro inaugural pola Serra do Courel. O Apalpador será a figura mítica sobre a que se vertebre a ruta, xa que andaremos polos camiños que o carboeiro transita polo Natal, cando baixa dos cumes da súa serra nai até os vales para apalpar as barrigas das crianzas. Ao mesmo tempo, achegarémonos a varios dos elementos máxicos do Courel, como o Castro de Brío, o Val das Mouras, o canón do río Lor ou o Pico do Coto. Ao final do roteiro, de 10 quilómetros de lonxitude e dificultade media, celebrarase un Magosto no lugar de Ferreirós de Baixo. Colabora SOS Courel. Descarga o Cartaz
|
Ler máis...
|
5 de novembro de 2012. Nos montes de A Balsa, concello de Muras (Lugo) en plena Serra do Xistral, unha recente plantación de piñeiros vén de afectar a máis de 10 hectáreas de hábitats protexidos. Trátase de hábitats de interese prioritario (turbeiras e matogueiras húmidas) e varios de interese comunitario en pleno LIC do Xistral, que deberían de gozar do máximo nivel de protección, e que agora fican derramados e substituidos por monocultivos de piñeiro. Lamentabelmente non se trata dun caso illado, xa que no Xistral prosperan numerosas plantacións de piñeiro e eucalipto inexplicabelmente autorizadas pola Xunta, que engaden o seu impacto aos máis de 100 km de pistas dos parques eólicos presentes nesta serra. Curiosamente o Plano Director da Rede Natura presentado pola Xunta esixe unha avaliación de impacto cando se prevea unha "afección significativa" á Rede Natura: E destruir os nosos hábitats máis valiosos non é suficientementre "significativo" para Hernández e Borregón?
|
Ler máis...
|
Lugo, 30 de outubro de 2012. ADEGA Lugo vén de presentar o seu programa de roteiros para o curso 2012-2013 que, desta volta, estará dedicado de novo a descubrir lugares máxicos, encantados ou marcados por algunha lenda ou tradición oral. Dado o éxito da primeira edición do programa “A Galiza Máxica. Un país de lendas”, na que participaron unhas 500 persoas, e por votación maioritaria dos seus socios e socias, ADEGA-Lugo dá continuidade a esta temática como eixo arredor do cal vai xirar os roteiros deste ciclo 2012-2013.
|
Ler máis...
|
|