 Este domingo 28 de outubro, ADEGA organiza a II FEIRA DE PRODUTOS NATURAIS E ARTESÁNS na Eira da Xoana (Ramil, Agolada). Poderemos pasar unha agradable xornada mercando, desfrutando da contorna e mesmo quedar a xantar, xa que ADEGA porá callos, polbo, viño, auga e café a prezos populares. Tamén disporemos de empanadas, queixos, doces e moitos mais produtos a escoller entre a ampla oferta de apicultor@s, gandeir@s, labreg@s e artesáns que acoderán á feira. Durante todo o día haberá obradoiros e demostracións de cestería e olería. Para os mais cativos disporemos dunha zona especial, na que descubrirán diferentes xogos do mundo ademais dos xogos tradicionais. Tamén poderán aprender a elaborar candeas cun dos produtos das abellas, a cera. As actividades darán comezo ás 11.00 horas e rematarán as 18:00 e desta volta, semella que a climatoloxía será favorábel e desfrutaremos dunha xornada soleada e agradábel. Onde está a Eira da Xoana e como chegar? Clica nesta ligazón de Google Maps |
|
Ler máis...
|
|
 23 de outubro de 2012. O AGADER (Axencia Galega de Desenvolvemento Rural) vén de conceder as axudas a proxectos dinamizadores das áreas rurais galegas para este ano, cofinanciadas polo FEADER. De acordo co PDR (Plano de Desenvolvemento Rural) 2007-2013 figuran 4,5 millóns de € destinados a "servizos básicos para a economía e a poboación rural" (medida 321.10). Entre os proxectos subvencionados nesta liña atopamos, entre unha pedrea de obras de "acondicionamento" e parcheado de instalacións, un investimento de 423.104,8€ en pistas de paddle. Curioso concepto o que a Xunta ten do desenvolvemento rural en xeral e dos "servizos básicos" para a poboación en particular. Consulta a listaxe completa de proxectos subvencionados.
|
|
Ler máis...
|
|
 20 de outubro de 2012. As ribeiras dos nosos ríos son espazo de refuxio e alimento de moitos mamiferos que dificilmente se poden ver como poden ser os morcegos. A conservación dos ríos e das suas ribeiras ofrece espazos de acubillo e matenza para estes descoñecidos animais. Coa intención de achegarnos ao mundo dos morcegos nos entornos fluviais e coñecer que podemos facer as persoas pola sua conservación, Proxecto Ríos e Drosera este sábado 20 de outubro unha xornada na Aula de O Rexo e Allariz.
|
|
Ler máis...
|
|
 Compostela, 17 de outubro de 2012. Na súa resposta a unha pregunta escrita do BNG, o concello de Compostela informou que aos veciños e veciñas que teñen un composteiro no seu fogar, e portanto reciclan eles mesmos máis do 50% dos residuos que producen, non se lles está aplicando a redución do 50% no seu recibo do lixo... por falla de persoal! Dende ADEGA queremos expresar a nosa solidariedade coa veciñanza de Compostela comprometida coa reciclaxe e o coidado do ambiente, que por riba de contribuir co seu esforzo á reducir a indecente factura que Compostela paga a SOGAMA por queimar e soterrar residuos reciclábeis, está a ser vítima dun verdadeiro atraco pola incompetencia e o desleixo dos responsábeis municipais.  Resposta Concello COMPOSTEIROS
|
|
Ler máis...
|
|
 26 de outubro de 2012. ADEGA vén de solicitar á D. X. de Conservación que decrete a suspensión temporal da tempada de caza mentres non conclúa a investigación da Fiscalía sobre a concesión masiva de licenzas ilegais no Servizo de caza e pesca da Xunta na Coruña. Como consecuencia destas prácticas corruptas, centos de cazadores obtiveron fraudulentamente unha licenza de armas e campan ilegalmente polos nosos montes. Polos impactos sobre a fauna cinexética e salvaxe, os riscos para a seguridade pública e o agravio comparativo cos cazadores que cumpren a lei, a Xunta debería suspender a tempada de caza. Non se trata dun feito illado como se quere presentar dende a Xunta: Son prácticas que acontecen dende hai anos e que implicarían a altas instancias da administración que toleraron, promoveron ou se beneficiaron destas corruptelas. Denuncia FISCALIA LICENZAS CAZA (116KB)
|
|
Ler máis...
|
|
 A Mariña, 24 de outubro de 2012. ADEGA e MariñaPatrimonio denunciaron perante o Servizo de Patrimonio Cultural da Xunta un novo caso de tala dun monte de eucaliptos en Os Castros ou Engrobias, na parroquia de San Martiño do concello de Foz (Lugo), para que se investiguen os posibles danos que estes traballos están a xerar no devandito castro.
|
|
Ler máis...
|
|
 Lugo, 17 de outubro de 2012. ADEGA vén de apresentar Recurso de Reforma contra o Auto do Xulgado de Instrución nº 1 de Mondoñedo decretando o sobresemento da denuncia penal contra o Alcalde de Barreiros Alfonso Fuente, a Comisión de Goberno do Concello e a arquitecta municipal. Marta Geada, e pídelle á Administración de Xustiza que garanta a independencia dos xuíces contra a intromisión do poder político. ADEGA advirte á Comisión de Goberno do Concello de Barreiros e á propia Xunta de Galiza, que argallou un fraudulento convenio para pagar con cartos públicos os incumprimentos dos promotores e tapar as ilegalidades cometidas polo concello, que poñerá todo o seu esforzo e empeño en que estas actuacións non queden impunes.
|
|
Ler máis...
|
|
 PRESTIGE, 10 anos despois. Transcorridos dez anos da maré negra provocada polo petroleiro “Prestige”, que deitou máis de 60.000 toneladas de fuel fronte ao noso litoral, a plataforma cidadá NUNCA MÁIS, da que fai parte ADEGA, considera que é tempo de facer un balanzo do acontecido. Un balanzo rigoroso, que permita situar o estado da cuestión a día de hoxe, e sobre todo un balanzo que tente respostar á grande pregunta que xorde unha década despois: É posíbel outro “Prestige” nas costas galegas? Para ADEGA, para NUNCA MÁIS os dados demonstran que si. Descarega o Informe PRESTIGE, 10 ANOS DESPOIS
|
|
Ler máis...
|
|
Subscribir a fonte RSS