Valdoviño, 25 de xaneiro de 2012. As anunciadas actuacións para o "baleirado controlado" da lagoa da Frouxeira, dentro do complexo húmido de importancia internacional de Valdoviño, amosan a realidade da política de conservación que está a perpetrar a Xunta: improvisación, incompetencia, ocultación de información, falta de respecto pola lexislación internacional, ninguneo ao Parlamento Galego e criminalización do movemento ecoloxista. Non deixa de ser irónico que en vésperas do Día Internacional dos Humidais, a Xunta amose como xestiona e protexe estes hábitats: a golpe de escavadora e bulldózer. A mesma política que aplicou o franquismo dende os anos 50 para acabar cos humidais por "improdutivos e insalubres". Vaia exemplo!
![censuraxuntatn](/info/090121joomla/images/stories-mambo/facemos/censuraxuntatn.gif)
|
Ler máis...
|
18 de xaneiro de 2012. 2012 declarado pela ONU Ano Internacional da Energia Sustentável para tod@s. Desde Galiza sabemos bastante de energia. Nomeadamente de produzirmos energia. A maior parte da energia que produzimos vai para fornecer a insaciável necessidade da Espanha, mas não fica cá onde é produzida. As linhas de alta tensão que cobrem o nosso céu são todas de saída (vide Rede Elétrica Nacional) nenhuma é de entrada. A energia que se produz cá procede dos nossos rios, dos nossos montes “inzados” de ventoinhas e, agora, de inúmeras “granjas ou hortos solares” que começam a aparecer por toda parte. Mas na Galiza estamos totalmente impedid@as de sermos auto-suficiêntes. Por exemplo: ao pé de qualquer parque eólico uma exploração gandeira não tem a força elétrica bastante para garantir a eficácia na sua gestão. Un artigo de Adela Figueroa, ex-presidenta de ADEGA.
|
Ler máis...
|
9 de xaneiro de 2012. Malia á prohibición expresa contida no Plano Director da Rede Natura, aprobado o pasado ano pola Xunta, a maquinaria da depredación ambiental segue en marcha. Desta volta, trátase dunha canteira en pleno corazón do parque natural da Serra da Enciña da Lastra, no concello de Rubiá (Ourense). Dáse a casualidade de que ademáis, a área afectada está catalogada como ZEPVN, LIC e ZEPA, sendo parte da Rede Natura galega. Dado que a actividade mineira non está permitida nun Parque Natural, e que esta actividade está expresamente excluida polo Plano Director da Rede Natura, dende ADEGA preguntámonos que fai unha administración tramitando un permiso contrario á lexislación vixente. Se a Rede Natura fora algo máis que un ente virtual declarado por imperativo legal de Europa, no que a Xunta non acredita o máis mínimo, non intentarían "coar" estes proxectos agresivos mentres a administración mira para outro lado.
|
Ler máis...
|
![grazasisaac](/info/090121joomla/images/stories-mambo/facemos/premios/grazasisaac.jpg) Na mañán do 5 de xaneiro de 2012 finou D. Isaac Díaz Pardo aos 91 anos. Toda unha vida de compromiso co país, exemplo de coerencia, valentía, intelixencia e amor pola nosa terra. Dende ADEGA lamentamos a perda deste home insubstituíbel para a historia de Galiza e agardamos que as institucións e a cidadanía galega saiban estar sempre á altura do seu exemplo e do seu legado. En 2009 ADEGA concedeulle a D. Isaac o primeiro premio Osíxeno de Honra pola súa traxectoria vital e profesional de defensa do país e da nosa cultura. Hoxe queremos expresar, xunta co noso fondo pesar a convición de que, coma D. Isaac demostrou, as utopías poden realizarse con vontade e valentía.
ISAAC DÍAZ PARDO, PATRIOTA GALEGO BO E XENEROSO!
|
Ler máis...
|
|
Este vindeiro domingo 29 de xaneiro, ADEGA Lugo convídate a participar nun roteiro máxico máis na provincia de Lugo. Desta volta, visitaremos Os Ancares co gallo de coñecer o territorio da alta montaña no que se desenvolve a lenda da cerva branca de Cervantes. O percurso será de 15 quilómetros e de dificultade media. O punto de encontro será ás 9 horas fronte á Faculdade de Maxisterio de Lugo (Av. Ramón Ferreiro). Para poder participar é imprescindible chamar ao 982240299 ou 679113718. Obtén máis información premendo AQUÍ .
|
Ler máis...
|
11 de xaneiro de 2012. Coma nun pesadelo recurrente, acaban de resucitar 3 proxectos de minicentrais para o río Loio iniciadas en 2005. ADEGA tivo coñecemento delas en 2007, cando solicitamos á confederación hidrográfica que se desestimaran os aproveitamentos "Loyo", "Suar" e "Higón" polo seu impacto na bacía do Loio, un río prácticamente virxe e con especies en perigo de extinción. Ao parecer, a actual situación resulta moi favorábel para as empresas (inmobiliarias reconvertidas, fondos de investidores e eólicas): Por unha banda, o plano hidrolóxico Miño-Sil, ao contrario que o de Galiza-costa, non pecha a porta a novos aproveitamentos hidroelectricos; por outra, a ampliación da Rede Natura presentada en 2011 pola Xunta deixa fóra do novo LIC Miño-Neira (842 Ha) a este río, que sí estaba incluido na proposta de 2008 do bipartito (18210 Ha). Será casualidade ou máis ben causalidade?
|
Ler máis...
|
4 de xaneiro de 2012. Diante da ofensiva político-mediática para xustificar a instalación dunha nova incineradora no Irixo, ADEGA quere desenmascarar os argumentos que a Xunta e SOGAMA utilizan para vender as "bondades" da incineración dos residuos. Mediante unha serie de afirmacións e respostas, xustificadas con datos oficiais, destapamos a realidade de SOGAMA. Mentiras como que a incineración é o sistema máis usado e o que máis medra en Europa para tratar os residuos ou que as incineradoras modernas non contaminan; e medias verdades como que a incineración crea postos de traballo, fican rebatidas con argumentos e cifras. Infórmate para que non che conten contos!
|
Ler máis...
|
Compostela, xaneiro de 2012. Coa natureza do país abandonada á súa sorte en 2011, 2012 comeza coa dúbida de se o enésimo machetazo ao ambiente virá dende a Xunta ou o Estado. Atrás queda un Ano das Florestas no que os montes galegos de maior valor ecolóxico sufriron cos lumes un retroceso histórico. Coma nun bucle, a incineración rexurde 20 anos despois en perversa metástase no sur, outra volta da man da Xunta do PP. O territorio, o noso máis valioso recurso, viu multiplicadas as agresións con recortes lexislativos e unha planificación insustentábel. O acontecido en Barreiros, onde o incumprimento das leis e o desbaldimento de cartos públicos promovidos dende as administracións, dá a medida da corrupción dun sistema agresivo co ambiente, co patrimonio e cos dereitos sociais. 2012: un ano de crise ambiental e social que ADEGA afronta coa experiencia e o compromiso de máis 36 anos de loita ecoloxista.
|
Ler máis...
|
|