Lugo, 15 de xuño de 2011. Ambas organizacións presentamos esta hoxe diante da Fiscalía unha denuncia contra o Conselleiro de Cultura e Turismo, Roberto Varela, por non cumprir coa lexislación de protección patrimonial e non velar pola conservación do xacemento arqueolóxico Castro da Atalaia, sito en San Cibrao, no Concello de Cervo. Tras un ano desde que a Dirección Xeral de Patrimonio resolvese ditar o tapado provisorio do xacemento escavado ante o seu posible deterioro, e a pesar das reiteradas chamadas de atención feitas por MariñaPatrimonio e ADEGA ante a Consellaría, a día de hoxe aínda non se cumpriu dita resolución e o ben arqueolóxico está a sufrir danos irreparables.
|
Ler máis...
|
Lugo, 11 de xuño 2011. O Encontro de Escritor@s celebrado hoxe no Salón de Actos da Deputación de Lugo por ADEGA dentro da súa campaña por unha ordenación sustentable do territorio “Ponte no medio. Móvete polo territorio” acolleu unha ducia de autores e autoras galegas para retratar a súa relación co territorio galego e, nomeadamente, co lucense a través da literatura ou da toponimia. No encontro púxose de relevancia a situación de declive da conservación da literatura oral, escrita e da toponimia ligada ao territorio galego e instouse ás autoridades públicas competentes, autonómicas e locais, a velar pola súa preservación.
|
Ler máis...
|
5 de xuño de 2011. Manifesto COAS NOSAS RÍAS, NON SE XOGA!
A instalación de gaiolas para o cultivo do salmón na ría de Muros e Noia representa outro episodio na confrontación entre dous modelos de obtención de alimentos. Por unha banda, o da pesca de baixura, o marisqueo e os cultivos mariños que aproveita os recursos propios e depende do bo estado das rías. Por outra, o modelo da acuicultura industrial intensiva que fabrica peixes en cadea e deixa graves danos nos ecosistemas acuáticos.
|
Ler máis...
|
Melide, 4 de xuño de 2011. As xornadas “O monte: oportunidade sustentable fronte a crise”, organizadas por ADEGA e a Organización Galega de Comunidades de Montes Veciñais en Man común (ORGACCMM) dentro da Campaña en defensa do territorio “Ponte no medio. Móvete polo territorio” que hoxe tiveron lugar en Melide, concluíron con grande éxito de público. Centos de persoas achegáronse á vila melidente para escoitar máis dunha ducia de experiencias de comunidades de montes veciñais en man común de Galiza que apostaron pola xestión sostible do monte, é dicir, pola multifuncionalidade, a xestión integral, a creación do emprego, a busca do benestar social e o respecto do medio natural: eixos nos que se fundamenta o futuro do monte en Galiza. Os relatores animaron á sociedade galega a apoiar e defender o monte comunal fronte as reformas legais que favorecen a súa privatización e, mesmo, á súa desaparición.
|
Ler máis...
|
|
14 de xuño de 2011. A Xunta vén de apresentar o Plano Director da Rede Natura, o instrumento que debería permitir compatibilizar a conservación destes espazos co seu aproveitamento sustentábel. Independentemente dos criterios e contidos do plano, ao que ADEGA fará achegas no prazo de alegacións, o documento nace morto. Como é posíbel que a acuicultura industrial en terra, unha actividade que "lamina" o territorio e inxecta grandes cantidades de contaminantes no medio acuático, vaia ser declarada compatíbel por decreto, mesmo nos espazos de maior valor ecolóxico? Como entender que a Xunta dé carta branca a Pescanova e Stolt para instalarse onde queiran mentres establece limitacións a veciños, propietarias e pequenos produtores? Con esta norma na man, ningún espazo costeiro estará libre das gadoupas da patronal acuícola. Noraboa Sr. Feijóo: acaba de poñer a Galiza ao mesmo nível en conservación que Moçambique ou Guatemala, dous "paraísos" para Pescanova.
|
Ler máis...
|
Este 8 de xuño celebrouse o Día Mundial dos Océanos baixo o lema "Para un futuro mais verde, os océanos contan contigo". ADEGA xunto coa CEMMA (Coordenadora para o Estudo dos Mamíferos Mariños) e a Federación Galega de Surf desenvolvimos na praia do Ancoradoiro (Muros) varias actividades sobre os impactos do lixo antrópico, particularmente plásticos, que vertemos aos océanos. Visitamos o ecosistema dunar e fixemos unha limpeza selectiva da praia. Pola tarde compañeiros/as da CEMMA indicaronnos os pasos a seguir para atender ao varamento dun cetáceo. Foi un dos máis de 300 eventos mundiais para comemorar este día. LIGAZÓN ás fotos e ao vídeo laSexta
|
Ler máis...
|
Este 5 de xuño, Día Mundial do Medio Ambiente, a Coordenadora en defensa da ría de Muros e Noia contra o cultivo intensivo de salmón nas súas augas, da que fai parte ADEGA e integrada por máis de 40 colectivos entre confrarías, organización de produtores/as, ecoloxistas, sindicatos, etc. convocamos unha manifestación en Muros baixo o lema "COAS NOSAS RÍAS NON SE XOGA".
|
Ler máis...
|
A Marña, 2 de xuño de 2011. Logo de ter denunciado hai poucos días o recheo ilegal do Castro de Sumoas en Xove, ADEGA e MariñaPatrimonio recorren de novo ao Servizo galego de Patrimonio da Xunta e ao SEPRONA para dar conta dos danos que unha tala e posterior plantación de eucaliptos con maquinaria pesada produciron nos xacementos arqueolóxicos do Castro do Castelo de Celeiro (Viveiro), do Castro do Coto da Vela e dun castro próximo a Pereiraboa, ambos os dous últimos situados no concello de Xove.
|
Ler máis...
|
|