5 de decembro de 2011. O recente anuncio de que a incineradora da SOGAMA do sur irá no concello do Irixo da man de Estela Eólica, non por agardado deixa de sorprender. Sorprende que a Xunta siga apostando pola incineración e o vertido, contrariamente ao recomendado nas directivas europeas e nas leis de residuos estatal e galega. Sorprende que a unha empresa eólica se lle adxudique "a dedo" un servizo público sen mediar concurso. Sorprende que un recurso de todos/as, os residuos urbanos, vaian ser privatizados para lucro dunha empresa. Sorprende... ou non? O que está claro é que despois de meses de indefinición, escurantismo e cálculos eleitoralistas, a Xunta insiste en continuar coa farsa da incineradora do sur: no actual contexto económico e cun horizonte de forte redución das primas eólicas, que empresa vai adiantar 230 millóns de € para que en 2014 funcione a incineradora do Irixo sen ter seguros os ingresos dos muíños? ![](/info/090121joomla/images/stories-mambo/facemos/censuraxuntatn.gif)
|
Ler máis...
|
29 de novembro de 2011. A conferenza COP-17 está a decidir en Durban o futuro dun Protocolo de Quioto cuxo primeiro periodo remata en 2012. Porén, o acordo semella imposíbel. A crise económica fai que moitos países miren antes polos seus intereses que polo ben do planeta: EEUU e China, de acordo en fuxir de calquera compromiso, alén dos voluntarios; potencias emerxentes coma Brasil ou a India queren seguir tendo bula para desenvolverse e emitir "de balde"; Europa, onde dixo redución do 30% para 2020, agora di 20% e Xapón e Canadá desvencéllanse de futuros compromisos... Cunhas emisións de gases de efeito invernadoiro que voltan a superar máximos históricos e cunha concentración récord de CO 2 na atmosfera (392 ppm), un acordo de redución serio e ambicioso non pode agardar máis. Esa cifra, 392 ppm de CO2 é a verdadeira prima de risco para o planeta: non podemos seguir especulando así co clima!
|
Ler máis...
|
21 de novembro de 2011. Asociacións ecoloxistas galegas e estatais, armadores e outras entidades do sector pesqueiro vimos de trasladarlle á Fiscalía de Medio Ambiente do TSXG a nosa inquedanza polos riscos que para o medio mariño e os recursos pesqueiros das rías ten a instalación de gaiolas para o cultivo do salmón. No decurso da xuntanza co Fiscal fixémoslle entrega, xunto coa denuncia colectiva, dun DOSSIER (944 Kb) c coas irregularidades do proceso e a documentación gráfica que certifica, fronte á desinformación da consellaría do Mar, a alta mortalidade dos peixes, a nefasta xestión dos refugallos e o uso de recursos públicos para unha actividade privada. Pedímoslle ao Ministerio Fiscal que solicite á Xunta os informes que "avalan" esta experiencia contrastándoos con análises e informes científicos independentes e que, fronte aos intentos da Xunta "pontear" as leis, garanta o cumprimento estrito da lexislación ambiental.
|
Ler máis...
|
14 de novembro de 2011. As organizacións ecoloxistas representadas no Consello Forestal, a ORGACCMM e o SLG rexeitaron o borrador da Lei de Montes aprobado na última reunión deste organismo. Para ADEGA, FRUGA, a ORGACCMM e a CIG trátase dunha norma que nace con moito menos apoio e diálogo que a do bipartito, e que debuxa un panorama de desregulación, especulación e excesivo "madeirismo" para os nosos montes. O borrador da Xunta non é unha lei de carácter integral ao faltar a conexión cos aspectos agrarios, sociais e ambientais. Esquece a participación pública, a custodia do territorio ou a multifundionalidade. Tampouco trata cuestións fundamentais que deberían incorporarse á xestión do monte como a conservación dos hábitats e especies protexidas, a paisaxe, a etnografía, a restauración de terreos queimados, a prevención de pragas e doenzas, etc. En definitiva: menos monte público, máis monocultivos, menos protección contra o lume e... máis madeira! Folleto ADEGA_LEI_MONTES (298 Kb)
|
Ler máis...
|
|
30 de novembro de 2011. Á caza (permitida en Galiza), ao furtivismo, envelenamentos, atropelos... hai que engadir agora un novo risco para a supervivencia do Canis lupus signatus no noso país: a hibridación cos cans. Ao parecer, detectáronse recentemente exemplares híbridos na zona do Barbanza. Estudos noutras áreas da península apotan a que os híbridos poderían representar até un 4% da poboación total lobeira. Isto supón un grave risco para a continuidade xenética da especie, e as administracións responsábeis da "xestión" do lobo deberían actuar de contado. Para ADEGA esta é unha razón máis para elevar o estatus do lobo a especie protexida: non está o lobo xa suficientemente ameazado? Coñece ao noso lobo (591 Kb)
|
Ler máis...
|
![ganhadorconcursoprev](/info/090121joomla/images/stories-mambo/fotos_para_novas/residuos/ganhadorconcursoprev.jpg) Do 19 ao 27 de novembro celébrase a Semana Europea da Prevención de Residuos. Dende ADEGA queremos sumarnos a esta iniciativa e, alén de traballar en programas de educación ambiental, propoñémosvos un CONCURSO co lema "Que farías ti para non producir tantos residuos?". O obxectivo desta semana é fomentar a concienciación para previr a produción excesiva de lixo: o mellor residuo é o que non se produce! Entre todas e todos podemos reducir o volume e a nocividade dos residuos que xeramos. Propoñémosvos que nos acheguedes ideas para reducir o lixo xerado: No fogar, no traballo, na escola… Enviade as vosas propostas e participaredes no sorteo dun KIT DE COMPOSTAXE.
|
Ler máis...
|
19 de novembro de 2011. O Proxecto Ríos participará este sábado 19 no 3º Encontro Nacional do Projecto Ríos Portugal. Neste encontro abordaranse cuestións relacionadas coa floresta ribeiriña. A xornada terá lugar en Leiria no Estádio Dr. Magalhaes Pessoa. Ao longo da xornada haberá diferentes sesións nas que se abordarán cuestións como o Proxecto Ríos en rede, o Proxecto Ríos nas escolas así como as parcerías dos Proxecto Ríos. Na sesión da tarde haberá obradoiros pedagóxicos, unha marcha polos ríos e actuacións de diferentes centros de ensino de Portugal que están levando adiante inicitivas nos seus ríos próximos.
|
Ler máis...
|
8 de novembro de 2011. A consellaría do Mar acaba de facer público o borrador da orde para a "reinstalación" dos bivalvos contaminados provintes de zonas "C" noutros lugares da costa. Resulta que as dúas ubicacións propostas, a ría de Ferrol e a enseada de Aldán, forman parte da Rede Natura 2000 debido á excepcionalidade e riqueza do seu medio mariño. Despois de que Feijóo fixera caso de Pescanova e rexeitara instalar as bateas de moluscos fronte á piscifatoría da empresa en Morás (Xove), malia a que a orde xa fora publidada no DOG, agora a Xunta pretende trasladar o marisco tóxico... aos espazos protexidos! Foi outro vergoñento episodio de chantaxe corporativa e o que é máis grave, de submisión dunha administración aos intereses empresariais. Non sería millor que a Xunta tomara en serio o saneamento das rías en troques de andar mareando o marisco tóxico?
|
Ler máis...
|
|