 5 de xuño, Día Mundial do Medio Ambiente. Nesta data e dende 1972, a ONU promove a conciencia ambiental e a reflexión sobre os problemas ecolóxicos do planeta, incidindo nas contribucións que governos e cidadanía podemos realizar para solucionalos. Mais nestes tempos de crise, son precisamente as administracións as que por activa (mediante leis moi permisivas - Plano da Minaría, Lei de Costas, etc-) ou por pasiva (conivencia ou desleixo) están contribuindo á deterioración ambiental; e a cidadanía é a que terma da nosa natureza. Baixo o lema "Pensa, aliméntate, aforra" a ONU pretende que reflexionemos sobre os impactos que o desbaldimento de alimentos e o consumismo teñen sobre a biosfera. En ADEGA coidamos que alén de reflexionar hai que actuar, e por iso vimos apoiando e promovendo iniciativas de consumo e produción sustentábel como o mercado da Terra de Quilmas ou a Feira da Eira da Xoana. Ademais, nesta semana do ambiente ADEGA proponse sensibilizar sobre o uso masivo de plásticos na alimentación convidándoche a actuar a prol da conservación dos océanos cunha limpeza simultánea de praias. MORTE AO PLÁSTICO! |
|
Ler máis...
|
|
 Un ano máis ADEGA organiza a II Limpeza simultánea de praias con motivo do Día Mundial dos Océanos, este 8 de xuño, sábado. Dando continuidade á limpeza simultánea de 2012 que contou coa participación de máis de 700 persoas, ADEGA convoca de novo a todas as entidades interesadas a unirse neste evento de reivindicación e educación ambiental contra a contaminación mariña. O 8 de xuño diferentes grupos de toda Galiza, centros de ensino, escolas de surf, centros de mergullo, clubes de piragüismo, vela, asociacións de todo tipo ou grupos de particulares están chamados a limpar as praias e denunciar esta problemática ambiental. Se queres participar contacta con ADEGA.
|
|
Ler máis...
|
|
 30 de maio de 2013. O Ministerio de Fomento está a tramitar o cambio de usos dunhas instalacións no Porto Exterior de Ferrol, pertencentes á empresa Entabán, e orixinalmente adicadas á produción de biocombustíbeis, para seren usadas como almacén e descarga de residuos marítimos perigosos (MARPOL). Dáse a circunstancia que as instalacións de Entabán xa tiveran hai uns anos unha importante vertedura á ría de Ferrol e que a empresa á que se traspasa a xestión dos refugallos perigosos, Ingaroil SLU, xa fora denunciada na Fiscalía por manter instalacións "clandestinas" para o tratamento de refugallos nas Somozas. Entre o trazado do tren, os dragados ilegais da canle para REGANOSA e agora o trafego de refugallos perigosos, o Porto Exterior vai supoñer a "puntilla" para a ría de Ferrol.
|
|
Ler máis...
|
 28 de maio de 2012. Co abandono da Xunta do proxecto Life para a recuperación da pita de monte cantábrica ( Tetrao urogallus), Feijóo e Hernández certifican a definitiva extinción desta xoia do noso patrimonio natural, até hai pouco presente nas serras orientais. Se durante os anos 80 Fraga cazou un dos últimos machos de pita de monte nos Ancares, agora os seus sucesores ideolóxicos acaban de roubarnos a posibilidade de que unha especie emblemática da nosa natureza volva cantar nos seus territorios ancestrais. Porén, mentres en Asturies, Castela-León e Cantabria os seus governos pulan por recuperar esta especie, en Galiza as prioridades son outras, como empregar 300.000€ en subvencionar o lobby da minaría contaminante. |
|
Ler máis...
|
|
 3 de xuño de 2013. ADEGA vén de coñecer os planos que a mineira de Corcoesto, filial da transnacional Edgewater, ten para os xacementos de ouro galegos. Na documentación da solicitude do permiso de investigación "Julia-2" (Cabana, Ponteceso e Coristanco), a empresa expón a intención de acaparar todos os dereitos mineiros (nomeadamante de ouro) ubicados preferentemente no cinto aurífero Malpica-Tui. A empresa ten tamén a intención de abrir explotacións en calquera lugar onde haxa recursos de ouro, por cativos que sexan, e de tratalos na megaplanta de cianuración de Corcoesto para que lle resulte rendíbel. Concentrando todo o procesado do mineral nas instalacións de Cabana, evitan instalar novas plantas en cada mina (reducindo custos e trámites) e fan rendíbeis minas con pouco ouro ou leis moi baixas. |
|
Ler máis...
|
|
 Durante a pasada fin de semana de maio, do venres 24 ao domingo 26, continuaron as actividades deste proxecto que ADEGA levou a cabo através do Programa de Voluntariado en Ríos, do Ministerio de Agricultura, Alimentación e Medio Ambiente –MAGRAMA– dende o ano 2006. Este 2013 as axudas deste programa de voluntariado non se convocaron, mais contamos desta volta coa colaboración da Confederación Hidrográfica do Miño-Sil. Como noutras veces o voluntariado fixo uso das ferramentas axeitadas para a realización das actividades de eliminación de flora exótica e invasora, contou cun seguro de responsabilidade civil e accidentes colectivos, así como co aloxamento e mantenza. Como actividades complementarias particupamos nun roteiro guiado polo río Alén que serviu para coñecer máis de cerca os valores naturais que alberga a bacía do río Tea. Podedes ver as fotos do VIII Campo do Tea neste Álbum de Google+
|
|
Ler máis...
|
|
 24 de maio de 2013. Colectivos ecoloxistas e sociais integrados na Plataforma Galega contra a Incineración e pola reciclaxe, vimos de presentar, apoiados pola parlamentaria Ana Miranda do grupo Verdes-ALE, unha denuncia contra a Xunta diante da Comisión de Peticións do Parlamento Europeo pola nefasta política de resduos que practica en Galiza, incumprindo sistemáticamente 3 Directivas europeas (de Vertido, de Envases e Marco de residuos). Logo de que o PP rexeitara admitir a trámite a ILP da reciclaxe, pechando a porta a modificar o Plano de Residuos para abandonar a incineración de SOGAMA, e renunciara ao cumprir dos requerimentos da lexislación europea, as organizacións comprometidas coa reciclaxe e promotoras da ILP non temos máis remedio que acudir a Europa para que sancione á Xunta e a obrigue a modificar a súa política de residuos. Nin un euro de cartos públicos para a incineración!!  Denuncia RESIDUOS EUROPA; Anexo II EFICIENCIA; Anexo III CONSUMO GASOIL
|
|
Ler máis...
|
|
Subscribir a fonte RSS