10 de xullo de 2013. O recente anuncio da "paralisación" da tramitación da mina de Corcoesto, lonxe de significar unha volta atrás nos planos Xunta de entregar o país ás mineiras (o PSAEG segue en marcha, con máis "Corcoestos" dentro) evidencia a mesquindade dunha administración que pide máis "garantías económicas" a Edgewater mentres obvia os riscos ambientais e de saúde dun proxecto delirante. En ADEGA queremos advertir fronte a este anuncio da Xunta, acurralada pola presión social e as evidencias científicas dunha desfeita anunciada. En realidad, só lle pedíu a Edgewater que puxera máis cartos e apresentara máis papeis, algo que despois de ter aprobado unha vergoñenta declaración de impacto, non supón máis que un pequeno trámite para empresa. Se a Xunta fora imparcial neste asunto, tería anulado a DIA, documento chave para aprobar o proxecto, hai xa semanas. E por certo: Qué foi das ducias de proxectos mineiros neo-coloniais que nestes intres estanse a tramitar por todo o país e que evidencian "carencias" similares ao de Corcoesto?
|
Ler máis...
|
5 de xullo de 2013. Outro estudo científico vén a cuestionar os datos sobre a potencial contaminación por arsénico ocasionada pola mina de Corcoesto e que tanto a mineira como a Xunta minusvaloraron, ignoraron ou ocultaron no proxecto e na declaración de impacto. Os investigadores da USC advirten dunha alta mobilización de arsénico polo proxecto mineiro, poñen en dúbida os métodos de Edgewater e a Xunta para calcular este parámetro e a consecuente avaliación dos riscos sanitarios e ambientais que fixo a empresa e ratificou a Xunta. ADEGA xa denunciara que outra das mentiras do proxecto mineiro de Corcoesto era a caracterización dos refugallos mineiros. Edgewater e a Xunta considéraos "non inertes, non perigosos" malia a conter altas cantidades de arsénico e cianuro. ADEGA esixe á Xunta a anulación da DIA (Declaración de Impacto Ambiental) de Corcoesto e a redacción dunha nova DIA que contemple os datos e o risco real de contaminación por arsénico sinalados pola USC. En caso contrario, advertimos á Xunta que acudiremos aos tribunais e pediremos a anulación da fraudulenta DIA e de calquera proxecto que aprobe a Xunta en base a ela.
|
Ler máis...
|
Compostela, 26 de xuño de 2013. A Sala 2ª do Contencioso administrativo do TSXG vén de estimar o recurso de ADEGA contra o acordo do Consello da Xunta (26/5/2011) que aprobou un Plano Sectorial de incidencia supramunicipal, coa intención de legalizar as falcatruadas urbanísticas en Barreiros, para o que ían gastar 14 millóns de € de cartos públicos. Queda así anulado o instrumento deseñado por Hernández e Cía. para aplicar o "urbanismo real" a Barreiros en troques do "urbanismo legal" que lle esixían as leis e ADEGA. O tribunal sinala tamén no seu fallo que a Xunta incorríu nunha “desviación de poder” ao facer uso deste instrumento, un proxecto sectorial, para "pontear" Lei do Solo. ADEGA pide demisións inmediatas e consecuencias penais para os responsábeis de -presuntamente- incumprir as leis para tentar desviar cartos públicos aos petos dos construtores. Texto da SENTENZA BARREIROS
|
Ler máis...
|
Lugo, 25 de xuño de 2013. ADEGA presentou esta mañá as súas alegacións á revisión do plano de recuperación do oso pardo (Ursus arctos) en Galiza que pretende compatibilizar a chegada do oso pardo ás montañas orientais de Lugo coa actividade humana da zona. Dende ADEGA considérase necesario e fundamental este planexamento para conseguirmos afortalar a presenza desta xoia da nosa biodiversidade no país, mais sería preciso un documento máis ambicioso e concreto que este borrador. Sres. da Xunta: O oso merece moito máis que boas intencións!
|
Ler máis...
|
|
8 de xullo de 2013. Os días 2, 3, 4 e 5 de xullo ADEGA organizou, dentro da programación de verán da UDC, a primeira edición do curso de verán sobre o deseño e xestión de proxectos de conservación a nível local. Tras adicar as dúas primeiras sesións a achegarnos á problemática ambiental do país e coñecer as figuras de protección, lexislación e ferramentas para desenvolver un proxecto de conservación, esta pasado xoves 4 puidemos coñecer in situ como se desenvolven algunhas iniciativas de conservación e aproveitamento sustentábel máis singulares do país. O concello de Carnota concentra tres delas: Mardelira e o seu proxecto de reserva mariña (Lira); a coop. Rainha Lupa de agricultura ecolóxica en Quilmas e a asociación Monte Pindo Parque Natural (O Pindo). A última xornada adicouse a coñecer diversos proxectos de custodia do territorio, unha fórmula que permite manter os usos compatíbels dun territorio e os seus valores naturais, sendo a mesma poboación residente quen terma da súa conservación. Dende ADEGA queremos agradecer a extraordinaria acollida deste curso e o entusiasmo do alunado participante. Ligazón ao Álbum Web da saída de campo.
|
Ler máis...
|
1 de xullo de 2013. Os compañeiros/as da Asociación Monte Pindo Parque Natural (MPPN) veñen de facer outro importante achádego que alonga aínda máis a singularidade ecolóxica deste espazo: Atoparon exemplares do lirio de monte ou lirio do Xurés (Iris boissieri), unha planta en perigo de extinción e incluida no Catálogo Galego de Especies Ameazadas. O Iris boissieri é unha planta endémica de Galiza e o NW de Portugal cunha dustribución xeográfica limitada a moi poucos enclaves (Xurés, Courel e Careón) esta última poboación de recente descubrimento. Atópase en regresión, particularmente aquelas poboacións situadas en zonas de baixa altitude, onde se extinguíu case por completo, agás no Pindo. Eis outra razón máis para protexer o seu hábitat. A que agardan Hernández e Borregón para declarar o Monte Pindo Parque Natural?
|
Ler máis...
|
A Coruña, xuño 2013. Constituiuse na comarca da Coruña, a Plataforma en defensa do tren, co obextivo de parar o roubo que se está a cometer deste servizo necesario para a cidadanía e para o medio ambiente. ADEGA sumase a esta plataforma xa que vemos necesario que se manteñan os servizo actuais, e que se melloren liñas tanto en servizos como en frecuencias como podería ser a de Ferrol, A Coruña e que se paren estes recurtes aludindo a que como gastaron na liña do AVE agora teñen que recortar as liñas que ofrecen unha total vertebración do país. A plataforma elaborou o seguinte manifesto: POR UN TREN PÚBLICO E SOCIAL NA NOSA COMARCA
|
Ler máis...
|
Os días 2, 3, 4 e 5 de xullo ADEGA organiza un curso de verán sobre o deseño e xestión de proxectos de conservación a nível local en colaboración coa universidade da Coruña (UDC). O medio ambiente e sobre todo a xestión de espazos naturais e a súa conservación ten implicacións en diferentes eidos, como a investigación, a comunicación, a bioconstrución, a creación de emprego verde…O curso está dirixido a todo o público interesado na problemática ambiental con aplicación ao nível local, en particular aos membros das ONGs e aos profesionais e cargos públicos da administración local, así como ao alunado da UDC e en particular ao de ciencias, ciencias da comunicación, ciencias da saúde, economía e empresa, socioloxía, turismo, dereito. PROGRAMA; INSCRICIÓN
|
Ler máis...
|
|