|
 Lugo, 2 de maio de 2013. ADEGA, AEMS-Ríos con Vida e a Asociación Galega de Custodia do Territorio, promotores do estudo de inundabilidade do Rato que agora condiciona a aprobación do 5% do PXOM de Lugo, valoraron hoxe en rolda de prensa as responsabilidades que o Concello de Lugo, a Confederación Hidrográfica do Miño-Sil e a Consellaría de Medio ambiente, Infraestruturas e Territorio teñen ao respecto da ordenación da bacía medio-alta do río Rato e de reparar as deficiencias que estes colectivos ecoloxistas atoparon no novo Planeamento Urbanístico da cidade en canto ao grafado e os erros de cualificación do solo que pertence ao dominio público hidráulico e onde se prevén varias edificiacións sobre o leito fluvial e as marxes inundables.
|
|
Ler máis...
|
 O Proxecto Ríos vén de celebrar o XVII Curso de Formación para Coordenadores/as de Grupo na Estación de Hidrobioloxía do Encoro do Con. Estes cursos teñen o obxectivo de facilitar a realización das inspeccións de río por parte do voluntariado participante e están, como sempre, centrados na identificación de macroinvertebrados. Ademais, desta volta, adicamos un espazo para coñecer iniciativas e actividades de voluntariado e educación ambiental nos cursos fluviais. Nesta edición contamos coa presenza de Pilar Monterrubio, do CENEAM, para expoñer interesantes propostas sobre educacación ambiental e voluntariado nos cursos fluviais. |
|
Ler máis...
|
|
 Venres 26 de abril, 17h, FORUM CARBALLO. A exposición "Carrapuchiña camiña soa. A reintrodución da infancia na cidade", reflexiona sobre as dificultades de nenos e nenas na súa relación co medio urbano, centrando a atención en aspectos urbanísticos, de mobilidade, culturais e educativos. Asemade, achégase á importancia do camiño escolar como espazo de ensaio da autonomía infantil e de millora das cidades, propoñendo iniciativas e divulgando experiencias para facer das rúas un espazo máis seguro e amáble para a infancia. Como complemento da exposición “Carrapuchiña camiña soa”, o Concello de Carballo en colaboración con ADEGA e o CENEAM organiza un foro público de debate para coñecer experiencias que se están a desenvolver noutras vilas tanto galegas como estatais e nas que a cidadanía, nais e pais, poderán clarexar conceitos e expoñer as súas dúbidas.
|
|
Ler máis...
|
|
 Lugo, 23 de abril de 2013. O vindeiro domingo, 28 de abril, ADEGA realiza un roteiro pola montaña lucense de Becerreá, ás portas dos Ancares, dentro do programa de roteiros da Galiza Máxica 2012-2013. O percorrido será duns 18 quilómetros aproximadamente e discorrerá desde a aldea de Quintá de Cancelada ata a aldea de Cabana, pasando por varios pobos, fragas, soutos, vales, e ríos. Acompañaranos na nosa marcha o río Donsel. Para reservar praza é preciso chamar antes ao 982240299 ou 679113718. Descarga o  CARTAZ.
|
|
Ler máis...
|
|
 Este 28 de abril realizamos o primeiro Roteirríos de 2013. Desta volta percorremos un itinerario polo curso alto do río Lérez, no concello de Forcarei. Logo de adiar o roteiro en dúas ocasións polo mal tempo, á terceira foi a vencida. Iniciamos o roteiro quedando cos participantes na vila de Forcarei para desprazármonos até a aldea de Dúas Igrexas. Dende alí comezamos a camiñar cara o río que pasa a escasos 500m de dito lugar. Antes de chegar ao río e comezar a andar polo camiño de pescadores, Ramsés Pérez, comentou aos asistentes os detalles do itinerario e os diferentes motivos polos que se escolleu o río Lérez. |
|
Ler máis...
|
 30 de abril de 2013. En relación á recente sentenza da Audiencia Provincial de Lugo absolvendo de delicto contra o medio ambiente aos responsábeis e director facultativo da canteira "Angelita" de Muras que dende 2003 ao 2006 forneceu de pedra á Cidade da Cultura, dende ADEGA anunciamos que será recorrida. O fallo, a pesares de recoñecer que se tratou dunha actividade ilegal por carecer de licenzas, incumprir a declaración de impacto e invadir un espazo da Rede Natura 2000, non recoñece a presenza de hábitats prioritarios minimizando o dano ecolóxico, a teor dun informe do "Instituto de Investigaciones Tecnológicas" da USC asinado polo Prof. Felipe Macías (o mesmo que avalou os eólicos no Xistral). Dito informe é manifestamente falso e lixa o prestixio dunha institución, a USC, que debera realizar con urxencia unha auditoría científica e económica do dito IIT. A USC non pode prestarse a fabricar mentiras para defender un negocio privado! |
|
Ler máis...
|
 25 de abril de 2013. ADEGA considera gravísimos os feitos postos de manifesto pola investigación da Fiscalía Ambiental, coa masiva concesión de licenzas de caza ilegais no Servizo de Conservacion da Natureza da Coruña, caso que instrúe o xulgado nº 3 da Coruña. Estas licenzas déronse presuntamente ao marxe da lei, sen que os "beneficiarios" realizaran o preceitivo exame do cazador, e pagando en compensación unha "mordida" aos conseguidores da administración. ADEGA esixe o cese inmediato do xefe do Servizo de Conservación na Coruña Carlos Muñoz Martínez, ao parecer titular tamén dunha destas licenzas, e do Director Xeral de Conservación García-Borregón: Ou non coñecían estes graves feitos acontecidos durante anos baixo o seu nariz, ou sabían destas prácticas corruptas e as promoveron ou toleraron. |
|
Ler máis...
|
 23 de abril de 2013. En ADEGA seguimos a traballar a temática dos residuos co obxectivo de reducir a súa xeración e camiñarmos cara ao residuo cero. Desta volta, tentaremos sacar do contentor de SOGAMA a roupa para que se reutilice ou, de non ser posíbel, reciclar os seus materiais. Para iso, acabamos de unirnos á rede de recollida de roupa Equus Zebra, unha ONGD que traballa na Coruña fomentando a reutilización e a reciclaxe téxtil e criando postos de traballo entre a poboación en risco de exclusión social. As nosas sés de Compostela e Lugo funcionan dende xa como puntos de recollida. E lembra que coa túa colaboración tamén contribúes a reducir o volume de refugallos que vai ao vertedoiro e aos fornos de SOGAMA.
|
|
Ler máis...
|
|
Lugo, 30 de abril de 2013.
Subscribir a fonte RSS