Lugo, 12 de abril de 2011.- O vindeiro domingo 17 de abril, ADEGA Lugo lévate á Mariña luguesa e, en concreto, ao Concello de Burela, pioneiro na dotación dun Proxecto de Planificación Lingüística de carácter municipal no que se contempla o fomento do idioma galega noutras culturas chegadas ás nosas terras para convivir con nós. Esta iniciativa coñécese co nome de "Modelo Burela". Este roteiro enmárcase no ciclo de andainas 2010-2011 de ADEGA dedicadas á defensa da lingua propia.

Lugo, 5 de abril de 2011. En relación coa recente aprobación en Burgos por parte do Consello de Patrimonio Histórico español da candidatura do Camiño Primitivo e Norte da Costa para a súa proclamación como Patrimonio Mundial pola UNESCO en 2012, o FORO DO CAMIÑO PRIMITIVO, do que forma parte ADEGA e outra vintena de entidades e asociacións implicadas na protección e promoción da primeira vía xacobea do mundo ao seu paso polo territorio galego, acolle positivamentente esta candidatura e agarda que sirva de revulsivo para axilizar e efectivizar a protección do Camiño Primitivo e para recuperalo dos "atropellos" e ameazas que ten sufrido ao longo das últimas décadas.

Lugo, marzo de 2011. ADEGA-Lugo organiza o próximo roteiro da lingua  que terá lugar o domingo 27 de marzo, por terras de Mondoñedo, antiga capital do Reino de Galiza, e a carón da Serra da Corda. O obxectivo é recoñecer e potenciar a lingua propia coa lembranza e evocación de destacados persoeiros da cultura galega que foron nados neste Val de Brea: Noriega  Valera, Leiras  Pulpeiro,  Álvaro Cunquiero,  Carlos  Reigosa,  Pascual  Veiga, etc.

Este domingo 27 de febreiro, ADEGA Lugo convócanos a participar nun novo roteiro na honra da lingua galega, como principal eixo de conexión patrimonial e cultural entre os galegos e galegas, xunto coa paisaxe e o territorio de Galiza. Pero desta volta, recoñeceremos a nosa lingua fóra do territorio galego, en terras asturianas do Eo-Navia, en concreto, no concello de Taramundi.