|
Lugo, a 30 de xaneiro de 2012.- Un novo caso de vertido volve a provocar a enérxica protesta de ADEGA pola constante acumulación de lixo preto da cabeceira do río Rato. Agora trátase dun depósito ilegal de refugallos a 10 metros do curso alto do efluente, onde se poden atopar entullos de obra, sofás, restos de chapa, bidóns de 25 litros de aceite de automóbil, sprays, etc. A maior parte dos residuos son potenciais contaminantes e perigosos podendo afectar gravemente ao río e, á súa vez, á fauna e flora que nel habita, en especial, anfibios, réptiles e a peixes, entre eles o coñecido vulgarmente como “peixe espiñento”, cuxas poboacións xa teñen sufrido abondo polo arrastre de terras das obras do novo parque empresarial das Gándaras.
|
Ler máis...
|
|
Lugo, 27 de xaneiro de 2012.-Tras a denuncia de ADEGA, a Confederación Hidrográfica Miño-Sil incoa expediente sancionador á empresa Obras e Construciones CORTIZO S.L por “desbroce, retirada de maleza e recheo”, sen contar coa preceptiva autorización administrativa, nunha finca en zona de policía do río Rato situada no Polígono industrial do Ceao, en Lugo. ADEGA pide á Confederación e ao Concello de Lugo que tomen máis medidas de vixilancia nas proximidades dos ríos urbanos e, nomeadamente, nas zonas industriais.
|
Ler máis...
|
Este vindeiro domingo 29 de xaneiro, ADEGA Lugo convídate a participar nun roteiro máxico máis na provincia de Lugo. Desta volta, visitaremos Os Ancares co gallo de coñecer o territorio da alta montaña no que se desenvolve a lenda da cerva branca de Cervantes. O percurso será de 15 quilómetros e de dificultade media. O punto de encontro será ás 9 horas fronte á Faculdade de Maxisterio de Lugo (Av. Ramón Ferreiro). Para poder participar é imprescindible chamar ao 982240299 ou 679113718. Obtén máis información premendo AQUÍ .
|
Ler máis...
|
Lugo, 19 de decembro de 2011.- Onte, domingo, 18 de decembro, ADEGA Lugo visitou a Cova da Serpe de Friol, dentro do seu programa anual de roteiros que este ano dedica á Galiza Máxica. Colaborou con ADEGA a Asociación Cova da Serpe, que traballa pola posta en valor da zona e nomeadamente deste ben patrimonial, tanto material como inmaterial. Os camiñantes puidemos comprobar en todo o traxecto a carencia absoluta de sinalización ao respecto da localización da Cova da Serpe, a pesar da súa importancia cultural, oral e literaria, e por tanto a despreocupación e desleixo que existe por parte da administración autonómica e local competente na protección do lugar.
|
Ler máis...
|
Lugo, 14 de decembro de 2011. Este domingo 18 de decembro, ADEGA Lugo convídate de novo a visitar os lugares máxicos de Galiza a través do seu programa de roteiros que, desta volta, nos leva a Friol. Alí achegarémonos á misticidade e ás lendas que rodean a Cova da Serpe, a cal, recentemente, sufriu o impacto da instalación dun parque eólico que ADEGA denunciou, evitando que a propia cova fose destruída.Trátase dun claro exemplo no que p afán pola ocupación territorial obvia o seu interese e destaque patrimonial e cultural. O bus partirá de Lugo (Avenida de Ramón Ferreiro) ás 9 horas da mañá. Para máis información preme no CARTAZ .
|
Ler máis...
|
Este domingo 27 de novembro, ADEGA Lugo convoca o segundo roteiro deste ano pola Galiza Máxica. Desta volta, visitaremos un espazo natural protexido ás beiras do Río Miño, o LIC Parga-Ladra-Támoga, onde o bosque de ribeira mestúrase con carballeiras en engaiolantes ínsuas nun labirinto de auga, terra e vexetación. Pasaremos polas ínsuas do Piago, a área recreativa de Santa Isabel até chegar á milagreira “Fonte dos Cochizos”. despois, achegarémonos ao enigmático lugar de Penas de Rodas, onde unha trabe é de ouro e outra de alcatrán e remataremos na Ínsua de Seivane. Descarga aquí o PROGRAMA.
|
Ler máis...
|
|
|
|
<< Inicio < Anterior 11 12 13 14 15 16 17 18 19 20 Seguinte > Final >>
|
Páxina 12 de 22 |