Lugo, 31 de outubro de 2011.- O pasado venres, 28 de outubro de 2011,  ADEGA Lugo celebrou a súa Asemblea Ordinaria no Salón de Actos do Edificio de Sindicatos de Lugo, na que anovou Directiva, aprobada por unanimidade. Montserrat Lombardía segue sendo a presidenta da delegación de Lugo, mentres que Adela Figueroa obstentará o cargo da Vicepresidencia e Lois Toirán, a Secretaría. No acto fíxose balanzo dos dous últimos anos de actividade, resumo das contas e presentouse o programa de roteiros 2011-2012. A xornada completouse coa charla organizada conxuntamente co Colexio de Arquitectos de Lugo: "Territorio e Urbanismo. O caso Barreiros".

A nova Directiva de ADEGA Lugo, que foi presentada como candidatura única e aprobada por unanimidade está constituída polos seguintes membro:

Presidencia: Montserrat Lombardía Fernández.

Vicepresidencia: Adela Figueroa Panisse.

Secretaría: Lois Manoel Toirán Vázquez.

Tesourería: Xosé Manuel Rodríguez Fernández.

Vogalías:

-Belén Rodríguez Fernández.

-Anxo Manoel Lamelo Fernández.

-Mariluz Guerreiro Castro.

-Esther Gómez Fórneas.

-Carme Pérez Vázquez.

-Soidade García Pereira.

-Uxío Souto Castro.

-Xosé Luis Castro Blanco.

A sesión rematou coa charla sobre o urbanismo de Barreiros promovida por ADEGA xunto co Colexio de Arquitectos de Lugo. Interviron na mesa: Raúl Veiga, Presidente colexio de arquitectos de Lugo; Ramón Lueje, ex-director xeral  de urbanismo e Daniel L. Vispo de ADEGA. Moderou a mesa o secretario xeral de ADEGA, Froilán Pallín.

Estas charlas completaranse o vindeiro venres, 4 de novembro, coa mesa titulada "Urbanismo e Dereito" na que participarán Alba Nogueira e Fernando de Abel Vilela, dous profesores de dereito administrativo da USC, e o secretario do Colexio de Arquitectos en Lugo, J. Luis Sanmiguel. Será no Salón de Actos do Edificio de Sindicatos de Lugo, ás 20 horas.