ADEGA vai participar na iniciativa mundial do MOVING PLANET con dúas actividades en favor das enerxías renovábeis e da redución do consumo de combustibles fósiles. Con tal motivo, este sábado 24 de setembro realizaremos dous percursos reivindicativos: na Ulloa, dende o Castelo de Pambre á Eira da Xoana, e en Ferrolterra, saíndo do peirao de Curuxeiras (Mugardos). Moving Planet é unha manifestación mundial para esixir solucións á crise climática e o abandono dos combustíbeis fóseis. En bicicleta, patíns, dacabalo, a pé...mobilízate con ADEGA para facer parte de algo grande. Durante demasiado tempo, os líderes políticos negaron primeiro e logo retrasaron o compromiso de loitar contra o cambio climático. Eses tempos deben rematar. É hora de reaxir para superar a crise climática na que seguimos inmersos/as malia que a atención dos políticos céntrase só na crise financeira.
|
Ler máis...
|
|
16 de setembro de 2011. ADEGA vén de denunciar a existencia de determinadas "instrucións técnicas" no servizo de Conservación da Natureza da Coruña con criterios e procedementos para autorizar actividades que comprometen a conservación de hábitats e especies protexidas. Rozas de matogueiras, talas de bosques de ribeira, avaliación de parques eólicos ou actividades deportivas sobre hábitats prioritarios despáchanse mediante estas instrucións, moitas veces con criterios contrarios á conservación, mesmo aos recolidos no Plano de Director da Rede Natura 2000. Ademáis, as "instrucións" non figuran publicadas en ningún boletín oficial, carecendo portanto de validez legal. Aplicando estas normas "alegais" a Xunta está a autorizar talas de bosque de ribeira, rozas e queimas de breixais protexidos, circulación de quads e todoterreos sobre dunas e turbeiras, sendo ademáis a excusa perfecta para eludir a tramitación ambiental de ducias de parques eólicos.
|
Ler máis...
|
13 de setembro de 2011. O tribunal vén de desestimar o recurso de "Energías del Deza, SL." contra a anulación de tres minicentrais neste río en plena Rede Natura. A empresa é propiedade de Luis Castro Valdivia (cuñado do ex-director xeral de Industria Ordás Badía) imputado pola Fiscalía na trama das minicentrais, e un dos principais beneficiarios da enxurrada de concesións hidroeléctricas feitas en 2005 polo governo Fraga en funcións. Estas instalacións foran anuladas polo bipartito por graves irregularidades nas declaracións de impacto ambiental asinadas polo governo do que Núñez Feijóo era vicepresidente. Agora o TSXG, ao desestimar o recurso da empresa como fixera coa piscifatoría de Rinlo, pon novamente en evidencia a corrupción e a chafallada administrativa de quen autorizou sen base legal ducias proxectos de alto impacto para beneficiar aos amigos. Sentenza_TSXG_ENCOROS_DEZA
|
Ler máis...
|
12 de setembro de 2011. Os proxectos de santo Estevo II e especialmente o de Santa Cristina "no suponen menoscabo para los valores naturales del entorno" segundo a empresa. É lóxico: se no estudo de impacto Iberdrola non valora a "alternativa 0"; se non estuda a afección sobre o LIC Canón do Sil; se non fai caso das recomendacións do ministerio de localizar a presenza de especies ameazadas tan importantes como a aguia real ou a aguia pescadora; se non avalía o impacto das liñas eléctricas de evacuación; e se non cuantifica nin se di que facer cos millóns de m 3 de entullos das escavacións, considerando compatíbel deixar o río prácticamente seco durante 8 anos, o proxecto de Santa Cristina é unha marabilla e Iberdrola unha entidade filantrópica. O único certo entre o feixe de omisións, inexactitudes, e mentiras descaradas do estudo de impacto é a inmensa desvergoña e a prepotencia de Iberdrola que pensa que o Sil é da súa propiedade, e a cidadanía galega, parva.
|
Ler máis...
|
Copia este texto ou redacta un ao teu gosto e envíao aos seguintes enderezos electrónicos:
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Nesta LIGAZÓN atoparás os perfís da compañía nas distintas redes sociais. Failles saber a túa opinión!
Sres. de Iberdrola:
Como galego/a sensibilizado/a co coidado do medio ambiente, quero expresarlles o meu rexeitamento á política de destrucción e depredación dos recursos naturais que está levando a cabo a súa empresa en Galiza. Concretamente, os proxectos de centrais hidroeléctricas soterradas no río Sil, Santo Estevo II (en execución) e Santa Cristina (en exposición pública) van deteriorar irreversíbelmente os valores naturais deste espazo protexido, parte da Rede Natura 2000, e fogar de especies en perigo de extinción.
Quero denunciar tamén a súa hipocresía ao gastar millóns de euros en indecentes campañas publicitarias e iniciativas enganosas como "Huella Verde", "Energía Sostenible", "Lo hemos hecho bien...", mentres son directamente responsábeis da deterioración dos nosos espazos naturais protexidos.
Saiban que debido a esta actitude hipócrita e á súa avaricia, comprométome a difundir e denunciar públicamente a súa política depredadora e insolidaria, a non ser cliente/darme de baixa da súa empresa e a deixar de consumir os seus produtos.
Atentamente,
|
Copia este texto ou redacta un ao teu gosto e envíao aos seguintes enderezos electrónicos:
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Nesta LIGAZÓN atoparás os perfís da compañía nas distintas redes sociais. Failles saber a túa opinión!
Sres. de Iberdrola:
Como galego/a sensibilizado/a co coidado do medio ambiente, quero expresarlles o meu rexeitamento á política de destrucción e depredación dos recursos naturais que está levando a cabo a súa empresa en Galiza. Concretamente, os proxectos de centrais hidroeléctricas soterradas no río Sil, Santo Estevo II (en execución) e Santa Cristina (en exposición pública) van deteriorar irreversíbelmente os valores naturais deste espazo protexido, parte da Rede Natura 2000, e fogar de especies en perigo de extinción.
Quero denunciar tamén a súa hipocresía ao gastar millóns de euros en indecentes campañas publicitarias e iniciativas enganosas como "Huella Verde", "Energía Sostenible", "Lo hemos hecho bien...", mentres son directamente responsábeis da deterioración dos nosos espazos naturais protexidos.
Saiban que debido a esta actitude hipócrita e á súa avaricia, comprométome a difundir e denunciar públicamente a súa política depredadora e insolidaria, a non ser cliente/darme de baixa da súa empresa e a deixar de consumir os seus produtos.
Atentamente,
|
|
|
|
<< Inicio < Anterior 21 22 23 24 25 26 27 28 29 30 Seguinte > Final >>
|
Páxina 30 de 47 |