|
|
 6 de outubro de 2011. O Comité Cidadán de Emerxencia para a Ría de Ferrol, ADEGA-Ferrolterra e a plataforma veciñal de Mehá veñen de trasladar á Fiscalía Anticorrupción do estado unha denuncia contra REGANOSA polo trafego ilegal de gas, teoricamente adicado ao consumo no estado, e que remata previa escala en Galiza exportado a terceiros países. Trátase dunha actividade próxima ao "bunkering", coa agravante de aumentar o risco de accidente e xerar uns sobrecustos que acaban repercutindo nas tarifas. Gas de Alxeria que logo de trasvasado remata en Italia; gas "exportado" vía Xibraltar que remata en suramérica; gas procedente do Caribe descargado e volto a cargar en REGANOSA con destino a Arxentina, cruzando 2 veces o Atlántico. Quen está a tolerar e a quen beneficia este lucrativo negocio de importación/exportación?  Denuncia Fiscalía REGANOSA (65 Kb)
|
|
Ler máis...
|
|
|
 Moving-Plannet. Ferrol 24.9.2011. Peirao de Curuxeiras.Dentro das iniciativas de ADEGA dentro da iniciativa mundial do MOVING PLANET a prol das enerxías renovábeis e da redución do consumo de combustibles fósiles: Roteiro ciclista po-al cidada de Ferrol. Información adicional: http://www.moving-planet.org/pt/events/es/ferrol/2431
Cartaz: Moving_Planet_Ferrol.2011.pdf |
 Ferrolterra, 20 de setembro de 2011. ADEGA vén de apresentar alegacións (291 Kb) ao proxecto da Demarcación de Costas para "actuaciones en el entorno de la Frouxeira". Estas "actuacións", camufladas como unha rexeneración ambiental, perseguen a humanización definitiva dun dos ecosistemas costeiros de maior singularidade e diversidade de Galiza. A praia e lagoa da Frouxeira acolle 5 figuras de protección segundo a lexislación galega, estatal, europea e o tratado internacional RAMSAR. No entanto, a xestión deste fráxil espazo ten sido nefasta tanto por parte do estado ( construción de aparcadoiros, paseos marítimos, xardíns, pistas, gabias...) como da Xunta ( sangrado da lagoa, urbanizacións, atentados patrimoniais) producindo nos últimos anos unha importante redución de hábitats prioritarios e a desnaturalización da lagoa da Frouxeira, un dos 5 humidais de importancia internacional que temos no país. Este proxecto é máis do mesmo, coa agravante de desbaldir 6.291.442,95 € do erario público. Para as desfeitas, non hai recurtes: vaites coa austeridade! |
|
Ler máis...
|
|
 Ferrol ,xoves 15.9.2011. Peirado de Ferrol 20 hs . Nova concentración de repulsa po-la entrada "ilegal" dun gaseiro cargado con gas natural licuado (nesta ocasión o “LNG Borno”) cara á pranta de regasificación de Mugardos. Membros do Comité Cidadán Emerxencias para a Ria de Ferrol, membros da Asemblea Cidadá (...ADEGA, e outros colectivos) e cidadanía en xeral, estamos convocados a unha nova concentración-protesta contra a entrada ilegal de gaseiros á "ilegal" planta de regasificación de Reganosa. Nesta ocasión "celebramos" a entrada nº 100 de gaseiro na ria de Ferrol. Actualmente as concentracións estanse a facer de modo itinerante en diversos puntos da comarca, nesta ocasión no peirao de Ferrol.
|
|
 Ferrol 23-25 setembro.2011. "Foro Social de Ferrol Terra" A convocatoria deste proceso de encontro, reflexión e creación de espazos de colaboración, que vai ter lugar na comarca de Ferrol Terra, os próximos 23,24 e 25 de setembro, é froito do esforzo colectivo e de necesidade, mostrada por unha parte importante das organizacións sociais da comarca, de realizar unha posta en común das análises e alternativas para afrontar a realidade social, política, ecolóxica e económica. Unha posta en común que axude a criar espazos de entendemento e colaboración, tan necesarios nesta férrea ofensiva neoliberal, de perda de direitos e liberdades, e de deturpación democrática. Inscripcion gratuita. Información adicional, http://forosocialdeferrolterra.blogspot.com/
|
|
 Ferrol 18.9.2011. Mercadiño de Troco en Ferrol. Convocada na Praza Vella de Ferrol un novo mercadiño de troco. Esta actividade é un espazo de encontro no que as persoas participantes poderán expoñer os seus obxectos, para troco ou cesión. Colaboran diversos colectivos (Adega, Verdegaia, Unións Libertarias, SGHN, Cooperativa Xoaninha, Asociacions Vecinais, Masa Critica etc.) e particulares. Información adicional: http://trocaferrol.org
|
|
|
|
|
<< Inicio < Anterior 11 12 13 14 15 16 17 18 19 20 Seguinte > Final >>
|
|
Páxina 14 de 29 |
Novas
Subscribir a fonte RSS