Valdoviño (Ferrolterra). 25.4.2011. ADEGA na comarca de Ferrolterra, remitiu nova de prensa aos medios denunciando, o estado de abandono do humidal da Frouxeira (Valdoviño) desde o baleirado  realizado na lagoa en decembro do 2009 pola Consellería do Medio Rural e que a deixou nun moi mal estado de conservación. Esta lagoa mantivo nos últimos 16 meses unha dinámica de claro desequilibrio ecolóxico, sen apenas auga e sufrindo as dunas que a separan do mar unha forte erosión e a consecuente destrucción. Lagoa_Valdovio_Frouxeira._Nota_prensa.abril.2011.doc  bytes

12.4.2011 . ADEGA Ferrol amplía á súa solicitude á Comisión de Peticións do  Parlamento Europeo  cara á protección do espazo natural de San Pedro de Leixa ameazado polo proxecto dun polígono industrial.

ADEGA na comarca de Ferrol remitiu á Comisión de Peticións do Parlamento Europeo ampliación da petición previa na que insta á protección do espazo natural de San Pedro de Leixa, que considera veriase gravemente afectado polo proxecto de polígono industrial que está previsto desenvolver nesta zona, e máxime cando a propia administración determina que non hai demanda de chan industrial e hai chan baleiro nos polígonos adxacentes.

Dende ADEGA apuntamos que esta paraxe é un dos mellores conservados do interior do municipio ferrolano e que, de levarse a cabo a anunciada iniciativa, provocaría importantes danos na fauna da zona. Entre ela atópanse máis de corenta especies de mamíferos, reptiles, aves, peixes e anfibios que, quedarían englobados dentro das directivas comunitarias Hábitats e Aves, etiquetadas como de interese especial ou vulnerables. As obras traerían consigo tamén, engade a asociación, severos problemas para os bosques de ribeira da zona, a Fraga dá Pega, a comunidade de Ripsilvas, etc. O sistema fluvial veríase así mesmo afectado -en concreto os regatos de Leixa e Fonteiroa-. CARTA_COMISION_EUROPEA.

Fene 17.4.2011. 16,30 hs. A Comunidade de Montes de Marraxón, Sillobre(Fene) , organiza o domingo 17 de abril, ás 16:30 un acto de convivencia no monte comunal de Marraxón cunha plantación popular de acivros.Asemade, reforestarase, tamén de xeito popular, un anaco de monte que queda por repoboar. O acto é aberto, libre e gratuito para todas as persoas, e de todas as idades. Haberá que ir equipado coa vestimenta e ferramenta adecuada para a ocasión, e decir, non levar o traxe dos domingos, e levar algunha pa ou un sacho para facer os furados. Quén queira traer os seus propios acibros para plantalos, pode e debe facelo. Organiza:Comunidade de Montes de Marraxón. Colabora:. ADEGA-Ferrolterra, A.VV. de Sillobre, A.VV Santo Samarco, S.C.R.D Agarimo

Información adicional: Xavi, directivo  de Adega Ferrol  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ,

Ferrol  9.4.2011. ADEGA na comarca de Ferrol, representada po-lo seu propio presidente Nés Lópes e do compañeiro José R Permuy presentaron queixa diante do Concello de Ferrol polas obras de “acondicionamento” do río Inxerto e a destrucción de varias fontes de drenaxe ao río, e tra-lo resultado intructuoso dos contactos cós concelleiros pertinentes foi apresentada denuncia diante do Seprona...