 |
|
|
|
|
|
|
|
|
|
|
|
|
|
 |
Novas de EA Limpeza simultánea de praias no Día Mundial dos Océanos 2012
| Limpeza simultánea de praias no Día Mundial dos Océanos 2012 |
 |
 |
 |
 
Este venres 8 de xuño celébrase o Día Mundial dos Océanos. A "Fundación Biodiversidad" vén de seleccionar a actividade Únete e limpa a túa praia! proposta por ADEGA no marco da iniciativa “Playas, voluntariado y custodia del Territorio”. Baixo este lema ADEGA convoca a entidades das tres provincias costeiras para facer unha limpeza simultánea este venres. Centros de ensino público, institutos, universidades, escolas de surf, centros de mergullo, asociacións culturais, colectivos ecoloxistas en máis de 20 concellos dende Nigrán a Ribadeo mobilizarán a grandes e pequenos/as pola defensa dos océanos. Descarrega o PROTOCOLO para a limpeza de praias. ÚNETE A NÓS E LIMPA A TÚA PRAIA! Mapa das ubicacións (Google Maps)
Para ver os detalles de cada limpeza, preme nos marcadores azuis do mapa. A maioría dos residuos inorgánicos que producimos e consumimos non teñen unha xestión axeitada. Moitos deles rematan incinerados, en vertedoiros ou o que é peor, nos mares. Unha elevada porcentaxe do lixo que atopamos nas praias provén de zonas do interior, que, sumado a outros vertidos acadan as 7 millóns toneladas de plástico que cada ano rematan nos océanos. Alén do seu impacto visual os residuos plásticos no mar son un grave perigo para a fauna mariña. Moitos animais acaban enredados en bolsas, sacos, redes, etc., o que habitualmente provoca a súa morte por asfixia ou por vulnerabilidade ante as súas presas. A fauna mariña inxire plásticos confundíndoos con alimento o que finalmente provoca tamén a súa morte. Outro dos problemas máis graves é que o plástico acaba reducíndose en pequenos anacos que son inxeridos por peixes que finalmente rematarán nos nosos pratos. Isto fai que os compoñentes prexudiciais e perigosos que conteñen os plásticos pasen aos seres humanos, afectando directamente á nosa saúde. A mellor maneira de actuar ante este problema é reducir o consumo diario de plástico, reutilizar o máximo posible e reciclar. As accións polo medio ambiente teñen máis efecto cando se realizan día a día, e cando conseguen cambiar conciencias. Pero tamén podemos pasar á acción directa, e mobilizarnos para crear unha masa crítica e facérmonos escoitar. Isto é o que pretendemos no día mundial dos océanos, unha data sinalada na que máis de 20 entidades se mobilizarán en todo o país para limpar as nosas praias. Se estás interesado/a en participar ponte en contacto con nós: Localización: Praias de toda Galiza Na limpeza simultánea de praias están inscritas as seguintes entidades:
|
