|
Ferrol 12 xuño 2010. Praia de Ponzos(Ferrol). Organizado po-lo Club de Surf ABST Cobas , Concello de Ferrol, AA. VV. Santa Comba e coa colaboración da cidadanía en xeral e outros colectivos (entre outros ADEGA). Na mañán do 12 fíxose a actividade de limpeza da praia de Ponzos en Ferrol con importante participación de xente, coa presenza do Concelleiro de Medioambiente de Ferrol, con xente que xa colaborou nas limpezas do Prestige nesta zona e cun importante éxito no referente á participación e á cantidade de lixo retirado. Informacion adicional: http://abstcobas.blogspot.com/ |
|
Ferrol, 4 de xuño de 2010. Festival musical: “TOD@S PARAMOS O GALICIA SPIRIT” Ás 18 h na Praza Vella de Ferrol, organizado polo Comité Cidadán de Emerxencia para a Ría de Ferrol (CCE) e os colectivos que o apoiamos e integramos (entre eles ADEGA). Trátase de celebrar o Día Mundial do Medio Ambiente e amosar a nosa solidariedade cos 60 mariscadores procesados por deter no 2007, en defensa das nosas vidas e da nosa Ría, o gaseiro “Galicia Spirit” destinado a REGANOSA. Previamente, este pasado día 1, membros de ADEGA e do CCE autoinculpámonos diante da Fiscalía polos delictos polos que foron proccesados os 60 mariscadores da confraría de Ferrol.
|
Ler máis...
|
Ferrol 31 maio a 4 xuño 2010. Semana do Medioambiente. Xornadas sobre Medio Acuático organizadas pola Sociedade Galega de Historia Natural. Estase a celebrar no Ateneo de Ferrol e organizada po-los nosos compañeiros das SGHN. Entrada de balde.
- 31/05/2010:“MARISQUEO E PESCA, A CONTAMINACIÓN MARIÑA”C. Brezmes e S. Táboas
- 1/06/2010:“BIODIVERSIDADE E POTENCIALIDADE MARISQUEIRA DA RÍA DE FERROL” V. Urgorri e JL Ferreiro
-2/06/2010:“A CONSERVACIÓN DOS RÍOS: AMEAZAS Á SUA BIODIVERSIDADE” F.Cobo
-3/06/2010:“PRAIAS, SISTEMAS DUNARES E LAGOAS COSTEIRAS” X.Prieto e X. R.Silvar
-4/06/2010:“BIOLOXÍA EVOLUTIVA DOS CETÁCEOS, RECUPERACIÓN DE LOBOS MARIÑOS E TARTARUGAS” J.I.Díaz da Silva e I. Miján |
Ferrol, 1 de xuño 2010. Membros do Comité Cidadán de Emerxencia para a Ría de Ferrol, da Asemblea Cidadá e dos colectivos que o compoñen, entre outros ADEGA, acudimos aos xulgados de Ferrol para presentar un escrito de autoinculpación dirixido á Fiscalia, diante do proceso aberto contra 60 mariscadores da Confraria de Ferrol polo feitos acaecidos en maio de 2007, cando foi impedida a entrada na nosa Ría do buque gaseiro "Galicia Spirit" cargado con GNL para subministro da planta de REGANOSA. Unha acción decidida polo CCE e na que participaron representantes dos diferentes colectivos que forman parte do CCE e da Asemblea Cidadá. Os asinantes do documento estivemos acompañados por unha representación dos mariscadores da Confraría de Ferrol imputados polos feitos. Lembrouse que a ubicación da Planta de Gas de Reganosa no interior da Ría, a pesares das sentenzas de ilegalidade dictaminadas polo TSXG, constitúe a raíz do problema. |
O recente roteiro en defensa do Pico Vello e contra a apertura dunha explotación a ceo aberto de andalucita ás portas do Parque Natural das Fragas do Eume celebrouse con rotundo éxito. Ducias de persoas démonos cita nunha paraxe de alto valor natural, no curso alto do Belelle, para reivindicar a conservación desta contorna, o alongamento da protección ambiental para un futuro corredor ecolóxico entre os LICs do Eume e Xubia-Castro e a retirada do proxecto da mina. Máis info e fotos en http://picovello.blogspot.com/
|
Ler máis...
|
A Capela (Coruña). “A Fraga de Pico Vello: Un espazo a potexer” 13 de maio, ás 19 horas na Casa da Cultura do Concello de A Capela. Relatores:
-XAVIER AMIGO. Especialista en Botánica da Universidade de Santiago de Compostela.
-PEDRO GALÁN. Especialista en Anfibios e réptiles da Universidade da Coruña.
-ROBERTO HERMIDA. Especialista en morcegos de Drosera.
Organizan: ADEGA, A. M. Augas Limpas, Club Montaña Ferrol, Colectivo Ártabra 21, Comité para a Defensa das Rías Altas, Drosera, Federación Ecoloxista Galega, Fusquenlla, G. N. Hábitat, Guerrilleiros das Fragas, Lapis Verdes, Néboa Medioambiente, O Rabo do Galo, Saramaganta, Sociedade Galega de Historia Natural e Verdegaia Programa_Mesa_Redonda_A_Capela.2010.doc |
|
|
|
<< Inicio < Anterior 21 22 23 24 25 26 27 28 29 Seguinte > Final >>
|
Páxina 27 de 29 |