Ortigueira 28.11.2010. ADEGA exixe a Portos de Galicia  a paralización inmediata das obras do porto deportivo. Dende ADEGA denunciamos diante do SEPRONA e á opinión pública que as obras de remodelación das instalacións náutico-deportivas de Ortigueira, consistentes en transvasamento de lamas dunha zona a outra da ría e o recheo da dársena, se están a facer sen ter en conta as medidas de protección especial previstas para este ámbito. A ría de Ortigueira consta con numerosas figuras de protección: Humidal Ramsar de importancia internacional, Zona de Especial Protección para as Aves (ZEPA), Lugar de Importancia Comunitaria (LIC), Rede Natura 2000, Humidal Protexida e Zona de Especial Protección dos valores naturais. Todo este historial de medidas de protección prohibe, actuacións como a modificación do réxime hidrolóxico e composición das augas, a alteración dos seus límites e medios ecolóxicos, o recheo do humidal con calquera tipo de material, a alteración topográfica da súa zona periférica de protección e as infraestruturas, en particular as viarias, portuarias, enerxéticas e de telefonía, así como a ampliación das existentes.

 Ferrol 19-20 novembro.2010. Ferrol. Centro Cultural Carballo Calero. ADEGA-Ferrol estivo presenta tanto nas ponencias como nas colaboracións dos Foros de Paricipación Cidadá no Concello de Ferrol. No Foro referente a Medioambiente estivo como relator Suso Oca, vogal de ADEGA e tamén estiveron membros de ADEGA nunha nutrida proporción dos foros participativos de Medioambiente e e Aforro Enerxético.

As Pontes. 18.11.2010. Palestra sobre "Aspectos socio-económicos da minaría". 20 hs. Casa do Peso. As Pontes.

(*)(en representación dos colectivos a prol da defensa de zona de  Pico Vello ameazada po-lo proxecto de explotar unha mina de andalucita : Asociacion para a Defensa Ecolóxica de Galiza (ADEGA), Asociaçom de Montanha Augas Limpas (AMAL), Club Montaña Ferrol, Colectivo Artabra21,Colectivo Fusquenlla, Comité pola Defensa das Rias Altas, Coordenada0º0'00'', Drosera, Federacion Ecoloxista Galega, Guerrilleiros das Fragas, Verdegaia,Grupo Naturalista Hábitat, Lápis Verdes, Néboa Médio Ambiente, O Rabo doGalo, Saramaganta, Sociedade Galega de História Natural (SGHN).