Ferrol 5.5.2010. O  "Estudo informativo de accesos ferroviarios ás obras de ampliación do porto de Ferrol (Porto Exterior) en Cabo Prioriño Chico” (BOE 7.4.2010) suporá unha nova agresión á xa moi danada ría de Ferrol. As alegacións de ADEGA na delegación de Ferrol baséanse en:

-Alto impacto pola construción dunha nova ponte e novos recheos sobre a xa maltreita ría de Ferrol.

-Construción xunto ao LIC Costa Artabra e á ZEPA e o Humidal de Doniños.

-Habería alternativas de menor impacto medioambiental.

-Afectación de especies vulnerables

-A reevaluar a necesidade do tren  pois o porto interior xa ten instalación ferroviaria e o mal chamado "Porto exterior", está a escasa distancia do "interior" e permitiría transporte de mercadurías de uns peiraos a outros con sistema de "ferrys".

Adega-Ferrol fixo alegacións xerais en conxunto con outras 20 entidades locáis facendo especial énfase en non poñer unha nove ponte e recheo sobre a ría de Ferrol, e ademáis fixo de forma complementarias alegacións a título individual con outros aspectos medioambientáis. Alegacións_ADEGA tren_porto exterior

Roteiro reivindicativo ao Pico Vello (As Pontes), xunto as Fragas do Eume, ameazado por proxecto de mina de andalucita. As entidades ADEGA A. M. Augas Limpas, Club Montaña Ferrol, Colectivo Ártabra 21, Comité para a Defensa das Rías Altas, Drosera, Federación Ecoloxista Galega, Fusquenlla, G. N. Hábitat, Guerrilleiros das Fragas, Lapis Verdes, Néboa Medioambiente, O Rabo do Galo, Saramaganta, Sociedade Galega de Historia Natural e Verdegaia organizan, o día 15 de maio, un roteiro pola zona de Pico Vello en Goente (As Pontes).

Ferrol 1.5.2010. ADEGA solicita o levantamento do porto carboeiro do interior da ría de Ferrol. Con data 27.4.2010, ADEGA na súa delegación de Ferrolterra remitiu sendos escritos ao Ministerio de Fomento, Medio Ambiente Rural e Mariño e Autoridade Portuaria de Ferrol-San Cibrao solicitando o levantamento do porto carboeiro do interior da ría Ferrol. Bases da solicitude:

A) Na actualidade, e tras a construción do denominado “porto exterior”, a descarga de carbón estase a realizar nas dársenas do porto exterior de Ferrol

B) Que o obxectivo polo que se creou o porto carboeiro deixa de existir unha vez trasladadas as operacións de descarga do carbón ás dársenas do porto exterior. ´

C) ADEGA  solicita diante dos Ministerios de Fomento, Medio Ambiente Rural e Mariño e Autoridade Portuaria de Ferrol con data 27.4.2010 que se realicen as xestións pertinentes para que unha vez cumprida a súa función, o porto carboeiro do porto interior de Ferrol,  sexa levantado e intentar que a ría de Ferrol volte na zona da Malata, a unha situación similar a antes da construción da devandita estrutura devolvendo este espazo ao dominio público.Solicitude_levantamento_Porto_carboeiro.Ferrol.ADEGA_Ferrol._pax.web.pdf  112.31 Kb

28 de abril de 2010. Dende que ADEGA denunciara as actuacións de sangrado e baleirado da lagoa da Frouxeira, o estado de conservación deste humidal protexido foi de mal en peor. A maior parte do espazo atópase nun estado ecolóxico lamentábel tras case 5 meses sen auga e sen que a D. X. de Conservación da Natureza, malia  a recoñecer as afeccións, tomara ningunha medida de recuperación. A lagoa fica convertida nun ermo polo que pululan sen control cans, cabalos e quads e, por se fora pouco, a administración vén de perpetrar unha roza de hábitats proiritarios e especies protexidas, cuxa conservación debería garantir. Se os espazos protexidos están así, calquera POL será papel mollado!

Consulta o Informe_XUNTA-FROUXEIRA (446 Kb) e o Informe_ADEGA-FROUXEIRA (260 Kb)

Ferrol 19.4.2010. Nova concentración de repulsa pola entrada ilegal de gaseiros na ría de Ferrol hacia a pranta de regasificación de Mugardos. Convocados polo Comité Cidadán Emerxencias da Ria de Ferrol e apoiada por diversos colectivos, entre outros por ADEGA. De novo, outra entrada do gaseiro, neste caso o "LNG Madrid Spirit", As 19 hs na praza Amada García. Información adicional: www.comitecidadan.org.

E ademáis coincidiu un incendio na zona (Forestal del Atlántico) coa presenza do buque metaneiro...; feitos que foron denunciados.