Ferrol ,xoves 15.9.2011. Peirado de Ferrol 20 hs . Nova concentración de repulsa po-la entrada "ilegal" dun gaseiro cargado con gas natural licuado (nesta ocasión o “LNG Borno”) cara á pranta de regasificación de Mugardos. Membros do Comité Cidadán Emerxencias para a Ria de Ferrol, membros da Asemblea Cidadá (...ADEGA, e outros colectivos) e cidadanía en xeral, estamos convocados a unha nova concentración-protesta contra a entrada ilegal de gaseiros á "ilegal" planta de regasificación de Reganosa. Nesta ocasión "celebramos" a entrada nº 100 de gaseiro na ria de Ferrol. Actualmente as concentracións estanse a facer de modo itinerante en diversos puntos da comarca, nesta ocasión no peirao de Ferrol.

 Ferrol 23-25 setembro.2011. "Foro Social de Ferrol Terra" A convocatoria deste proceso de encontro, reflexión e creación de espazos de colaboración, que vai ter lugar na comarca de Ferrol Terra, os próximos 23,24 e 25 de setembro, é froito do esforzo colectivo e de necesidade, mostrada por unha parte importante das organizacións sociais da comarca, de realizar unha posta en común das análises e alternativas para afrontar a realidade social, política, ecolóxica e económica. Unha posta en común que axude a criar espazos de entendemento e colaboración, tan necesarios nesta férrea ofensiva neoliberal, de perda de direitos e liberdades, e de deturpación democrática.  Inscripcion gratuita. Información adicional, http://forosocialdeferrolterra.blogspot.com/

Ferrol 18.9.2011. Mercadiño de Troco en Ferrol. Convocada na Praza Vella de Ferrol un novo mercadiño de troco. Esta actividade é un espazo de encontro no que as persoas participantes poderán expoñer os seus obxectos, para troco ou cesión. Colaboran diversos colectivos (Adega, Verdegaia, Unións Libertarias, SGHN, Cooperativa Xoaninha, Asociacions Vecinais, Masa Critica etc.) e particulares. Información adicional:   http://trocaferrol.org

Valdoviño, 29 de agosto de 2011. ADEGA pide a retirada do conxunto de actuacións previstas na contorna da Lagoa da Frouxeira (Valdoviño) por parte de Demarcación de Costas por ser un proxecto lesivo cos obxectivos de conservación dun dos ecosistemas litorais de maior singularidade e diversidade de Galiza. A Frouxeira ten cinco figuras de protección de espazos naturais segundo a lexislación galega, estatal europea e internacional. Alén dos paseos marítimos, aparcadoiros e zonas axardinadas previstas poñerase en perigo a conservación de hábitats prioritarios. Engadido ao anterior as actuacións de "humanización" teñen un orzamento de seis de millóns de euros, un gasto inútil e pouco acorde coa cacarexada austeridade no gasto público. Información adicional: Nota de prensa Valdoviño-Frouxeira