Ferrol, 1 de abril de 2012. Dende ADEGA, Sociedade Galega de Historia Natural e Verdegaia queremos amosar a nosa solidariedade coa veciñanza dos Concellos de A Capela, As Pontes e Monfero que están a padecer as consecuencias directas dos incendios declarados durante a fin de semana e que afectan ao Parque Natural das Fragas do Eume e á zona de Anca. Así mesmo envíamos o noso apoio aos efectivos e persoas voluntarias que están a traballar nas labores de extinción. Sumadas unhas circunstancias meteorolóxicas desfavorables, o lume que afecta as Fragas do Eume é a consecuencia directa dunha política forestal baseada na falta de planificación e xestión forestal, así como o fomento de plantacións con especies que favorecen os incendios.

Ferrol. 24.3.2012. Xornada de Limpeza de Praias. Doniños (Ferrol). . Organizado, como anos anteriores, por Surfrider Foundation e Ocean Surf Club, e coa colaboración do Concello de Ferrol, cidadanía en xeral e representación de membros de ADEGA na comarca.Extraidos 4 contenedores de lixo.

Informacion adicional: http://www.initiativesoceanes.org/index.php?&lang=3 http://desdelacroa.blogspot.com.es/2012/02/citas-iniciativas-oceano-2012.html

Ferrol, 22 de marzo de 2012. Os días 22, 26 e 28 de marzo nove mariscadores comparecerán diante do Xulgado do Penal de Ferrol polo acontecido en maio de 2007, cando promovido polo Comité Cidadán de Emerxencia, leváronse  a cabo as accións de protesta para impedir a entrada ilegal na ría dos primeiros gaseiros, cargados con GNL, rumbo a Reganosa e nas que participaron centos de persoas, entre outros varios representantes e membros de ADEGA na comarca de Ferrrol, algún deles testigos no xuizo. O fiscal impútalles delitos de resistencia e grave desobediencia á autoridade, e solicita penas que van até 3 anos.

Ferrol 16.3.2012. ADEGA na delegación de Ferrol,  presentou propostas de amplicación da Rede Natura 2000, e que complementan o documento de alegacións xenéricas para Galiza presentado pola Secretaría Executiva de ADEGA  e que basicamente se propón para inclusión en Rede Natura 2000: