Ourense, 13 de agosto de 2010. A ocultación de información e a mentira sobre os lumes só amosa a incapacidade dos governantes para afrontar o problema. Feijóo aposta todo a? extincio?n -iso si?, con menos medios, por aquelo da austeridade- confiando como na era Fraga nos elementos e na providencia, e esquecendo a prevencio?n. A supresio?n dos grupos de Voluntariado en Defensa do Monte, factor chave de concienciacio?n e disuasio?n, agrava a sensacio?n de impunidade e estende o desleixo da poboacio?n cara o andazo dos lumes. Precisamente o Sr. Feijo?o acaba de reclamar a colaboracio?n da sociedade galega contra o lume: niso precisamente consisti?a o voluntariado que tan cedo encargouse de desmontar. Finalmente, dende ADEGA queremos expresar a nosa dor pola morte de Xulio e Rodrigo, solidarizándonos coas su?as familias. LUMES, NUNCA MA?IS !!!

22 de abril de 2010. ADEGA vén de solicitar información sobre os productos químicos (pesticidas) que a Consellería do Medio Rural vai empregar para fumigar 5.000 hectáreas de carballos afectados pola "pulguiña dos carballos" (Altica quercetorum). Fronte ás declaracións dos responsábeis da Consellería do Medio Rural asegurando a "total inocuidade" destes pesticidas para as persoas e o ambiente, ADEGA lembra que un biocida nunca é inocuo e podería supoñer un risco para outras poboacións de insectos beneficiosos, como as abellas. A inicial negativa de Medio Rural a informar sobre a substancia usada para esta fumigación masiva e os seus posíbeis impactos levanta a sospeita sobre a toxicidade do composto utilizado, particularmente sobre a maltreita poboación de abellas en recesión nos últimos anos e moi sensíbel a químicos sistémicos como o fipronil e o imidacloprid e outros agrotóxicos. Solicitude ALTICA QUERCETORUM (117 Kb)

En Lobios, no 30 de marzo de 2010. A Asociación para a Defensa Ecolóxica de Galiza (ADEGA) vén de tomar coñecemento da existencia dun vehículo abandonado en plena Vía Nova (Via XVIII, do itinerario antonino). A Vía Nova, de Brácara a Augusta conta cun novo atractivo, os restos dun vehículo ou cuádriga semellante aos empregados polos construtores da milenaria vía de comunicación entre as cidades de Braga (Brácara) a Augusta (Astorga). Ditos restos atópanse en Lobios, concretamente moi preto dos miliarios de Riocaldo, ao pé da estrada que vai de Riocaldo á fronteira de Portela D`Homen, estaciónase o vehículo naquela área recreativa e séguese a vía en dirección Sur ou subida dirección Portugal e a 300 m. (aproximadamente) no centro da calzada romana impedindo o paso está o vehículo.