Trátase dun curso de iniciación no que se tratará todo o proceso, dende a obtención do mel ata ás formas de comercialización, pasando pola importancia das abellas no medio ambiente, dende unha concepción ecoloxista da apicultura como unha actividade relacionada co mantemento e protección da biodiversidade.

A modalidade é a distancia, para facilitar especialmente a participación de xente nova, que pode ter mais dificultades para desprazarse por falta de tempo e evitar tamén así os gastos de transporte. Pero consideramos que tamén a parte presencial e experiencial é importante, polo que está previsto, ademais da "Ruta das Abellas" que se realizará o último día do curso, realizar outras sesións prácticas según a dispoñibilidade dos participantes.

Máis información na páxina web da AGA www.apiculturagalega.org