Lugo, 22 de setembro de 2011. Hoxe ADEGA fixo entrega  dos premios aos mellores relatos curtos do concurso “O lugar onde vivo” e ás mellores fotografías do concurso “Fotografías polo Territorio” convocados a pasada primavera dentro da campaña “PONTE NO MEDIO. MÓVETE POLO TERRITORIO”. Teolinda Lorenzo e Luis Suárez López foron os gañadores do concurso de fotografía nas categorías xuvenil e adulta, respectivamente. En canto ao concurso de relatos, resultaron galardoados Sara Azidane, na categoría xuvenil, e María Brañas, na adulta. O Delegado de Cultura da Deputación de Lugo, Mario Outeiro, e o Secretario Xeral de ADEGA, Froilán Pallín foron os encargados de entregar os premios.

Ambos os dous concursos, patrocinados pola Área de Cultura e Deporte de  Vicepresidencia Primeira da Deputación de Lugo e que contaron coa colaboración de entidades como AELG, AGAL, A MESA, ASPG, CIG, Nova Escola Galega, STEG, CCOO e UXT de Galiza, tiveron como obxectivo facer partícipe á cidadanía galega no retrato do estado actual do territorio galego a través da imaxe e da palabra. A intención destas convocatorias foi reivindicar unha ordenación territorial sustentábel na que se freen as ansias especulativas dos poderes privados sobre o territorio, e na que se propoñan alternativas máis coherentes coa defensa ambiental, coa cohesión social e coa posta en valor do noso patrimonio cultural.

A estas convocatorias responderon un total de 70 participantes, entre os cales resultaron gañadores e finalistas, nas diferentes categorías:

CONCURSO FOTOGRAFÍA:

-Finalistas:

-Categoría Adulta:

-Finalistas:

CONCURSO DE RELATOS:

-Categoría Xuvenil:

- Categoría Adulto:

No acto, que tivo lugar hoxe ás 12 horas no Salón de Actos da Deputación de Lugo, entregaron os premios o Delegado de Cultura e Turismo da Deputación, Mario Outeiro, e o secretario xeral de ADEGA, Froilán Pallín. Tamén participaron Ramsés Pérez, presidente do xurado do Premio Fotográfico e Xesús Pereiras, presidente do xurado do Premio de Relatos. Así mesmo, estiveron presentes entre o público outros membros do xurado como  César Quijada, presidente da Asociación de fotógrafos de Lugo, e María  Isabel González Rei, directora de Grado da USC en Lugo.

Ao acto tamén acudiron varios dos finalistas que, a pesar de non recibir un premio económico, recolleron os diplomas acreditativos da súa participación en cada un dos concursos. Alén dos concursantes premiados, ADEGA quere manifestar tamén o seu agradecemento ao resto de participantes por teren contribuído coa súa aportación creativa á defensa do territorio galego e a promover unha visión máis sostible do lugar no que vivimos e máis respectuosa co medio ambiente.