Exposición "O lobo, unha carreira pola supervivencia" en Compostela

ADEGA - Compostela

Inauguración 11 de febreiro ás 20h na sala de exposicións da Asociación de Empresarios do Polígono do Tambre (Vía Edison nº 1, Compostela). Logo do seu paso por varias vilas e cidades galegas, este martes 11 volta a Compostela a exposición que ADEGA, ERVA e a AAAGP (Asociación de Amizade das Artes Galego Portuguesa) adican ao lobo. A exposición pretende ser un alegato a prol da conservación do lobo e os seus hábitats e reúne a obra pictórica, literaria e audiovisual de máis de 60 artistas da plástica, a escrita e fotografía de Galiza e Portugal, solidarios/as coa defensa do lobo e o seu hábitat. FICHA TÉCNICA (60 KB)

Contidos:

- Paneis divulgativos sobre a situación do lobo en Galiza.

- Fotografías sobre a especie e o seu medio.

- Elementos relacionados coa bioloxía do lobo.

- Mostra bibliográfica.

- Documental sobre o lobo rodado en liberdade.

- Elementos que evidencian a presenza do lobo na cultura.

Lugar e data: Sala de exposicións da Asociacións de Empresarios do Polígono do Tambre, en Compostela (Polígono do Tambre, Vía Edison nº 1). Apertura o xoves 11 de febreiro ás 20h. estará aberta até mediados de maio.

Horarios: de luns a venres de 9 a 14h e de 16 a 20h. Fin de semana pechado.