|
 11 de xuño de 2012. Hai uns días, o Tribunal Supremo declarou nula a modificación puntual do PXOM de Mugardos (ratificando outra anterior do TSXG) que permitíu a instalación de REGANOSA no corazón da ría de Ferrol por carecer da Declaración de Impacto Ambiental (DIA). Tamén recentemente, este mesmo tribunal fallou contra a declaración de supramunicipalidade da fatoría de ENCE, na ría de Pontevedra, deslexitimando de paso a Autorización Ambiental Integrada concedida no seu momento pola Xunta. E como non hai dous sen tres, o mesmo TS ratificou hai xa 3 anos a ilegalidade dos depósitos de hidrocarburos do Ferrazo, que FINSA-FORESA instalou na ría de Arousa. Como é posíbel que tras reiterados fallos xudiciais estas instalacións perigosas, contaminantes e ilegais poidan seguir funcionando impunemente? E como é posíbel que a Xunta evite respectar estes fallos e preocúpese máis de facerlle o xogo aos contaminadores para que poidan seguir ameazando as nosas rías e a nosa saúde?
|
|
Ler máis...
|
 Limpeza simultánea de praias. Día Mundial dos Océanos. D ende as 9 da mañá as limpezas fóronse desenvolvendo por todo o litoral galego. Houbo centros de ensino, escolas de surf, ONG ecoloxistas, asociacións culturais, asociacións de mulleres rurais e até mergulladores. Todas e todos tiñan a mesmo fin: limpar a praia e crear conciencia. Foron milleiros de kilos os que se retiraron das praias a maioría de orixe plástico. Cordas de todo tipo, aparellos de pesca, caixas, botellas, tapóns, e outros tantos restos que rematan cada día no mar. Alén da limpeza nalgúns lugares a xornada tamén serviu para dar a coñecer a importancia e biodiversidade dos areais e dos ecosistemas dunares; fixéronse tarefas de identificación dun pequeno golfiño riscado ( Stenella coeruleoalba), aparecido na praia de Queiruga, e localizáronse niños de pillara das dunas ( Charadrius alexandrinus) que se sinalaron para evitar o seu pisoteo, observándose tamén os adultos desta pequena, bulideira e ameazada ave. A todos/as, moitas grazas polo voso compromiso co ambiente! Podes ver as fotos enviadas polos participantes e o mapa das limpezas |
|
Ler máis...
|
 Día Mundial do Medio Ambiente 2012. Neste día, os mesmos políticos que promoven e xustifican os recurtes, déixanse caer por algún espazo natural -desatendido os 364 días restantes- para facerse a foto. Que se desenvolvemento sustentábel, que se economía verde (lema deste DMMA 2012), que se a biodiversidade é importante... Tais mensaxes destilan un cinismo case obsceno: É que nalgún momento importoulles algo o ambiente? A Xunta nunca soubo -nen quixo- estar á altura dun dos patrimonios naturais máis ricos e diversos do mundo: ridícula superficie protexida, ausenza case criminal de planos de xestión, deconstrución da protección ambiental, entreguismo ás multinacionais especuladoras... Neste día é tradición que os ecoloxistas traslademos as nosas demandas aos que xestionan o ambiente, sen razóns para pensar que lles van facer máis caso que o resto do ano. E dende ADEGA non queremos ser menos. Señores da Xunta: Deixen todo como está é váianse. Os colectivos ecoloxistas termaremos do noso patrimonio natural coma sempre fixemos, se cadra con máis eficacia ao non ter que apagar os lumes que vostedes prenden. |
|
Ler máis...
|
|
 Lugo, 29 de maio de 2012. ADEGA, a Asociación sociocultural O Iribio e a Asociación veciñal Monte Caldeirón reclaman ao concello de Triacastela que defenda o dereito dos veciños e veciñas sobre o monte comunal de Vilar, coñecido como A Pedra, fronte as pretensións de ocupación da empresa Cementos Cosmos. A empresa, amparada nun decreto franquista de 1971, xa iniciou os traballos de apertura de pistas e deforestación deste monte para estender a actividade mineira a ceo aberto da canteira de calcaria que posúe no concello de Triacastela.
|
|
Ler máis...
|
|
|
 9 de xuño de 2012. Nestes intres atópase en tramitación parlamentaria unha lei de montes que aposta por un modelo ancorado nos anos 40 do século pasado. Cando pensamos no debate normativo do monte consideramos que é unha mera cuestión sectorial, mais estamos a asistir a un verdadeiro debate político que incide directamente no futuro do noso territorio e na propia identidade do noso país. A marexada non só está no ámbito normativo, xa que tamén a nivel social sucédense as reivindicacións de distintos colectivos, que como a Alianza para un Mundo Rural Galego Vivo (ADEGA, CIG, FRUGA, ORGACCMM) reclamamos un cambio na xestión do noso monte. Un artigo de Xabier Bruña, vogal de Medio Rural de ADEGA no seu blog "Tripando terróns".
|
|
Ler máis...
|
|
Este venres 8 de xuño celébrase o Día Mundial dos Océanos. A "Fundación Biodiversidad" vén de seleccionar a actividade Únete e limpa a túa praia! proposta por ADEGA no marco da iniciativa “Playas, voluntariado y custodia del Territorio”. Baixo este lema ADEGA convoca a entidades das tres provincias costeiras para facer unha limpeza simultánea este venres. Centros de ensino público, institutos, universidades, escolas de surf, centros de mergullo, asociacións culturais, colectivos ecoloxistas en máis de 20 concellos dende Nigrán a Ribadeo mobilizarán a grandes e pequenos/as pola defensa dos océanos. Descarrega o PROTOCOLO para a limpeza de praias. ÚNETE A NÓS E LIMPA A TÚA PRAIA! Mapa das ubicacións (Google Maps)
|
|
Ler máis...
|
|
 4 de xuño de 2012. Nas vésperas do Día Mundial do Medio Ambiente, as asociacións cidadás, colectivos ecoloxistas e organizacións sectoriais opostas á incineración de residuos, fixemos entrega no Parlamento da documentación precisa para levar adiante unha Iniciativa Lexislativa Popular (ILP) "PARA A APLICACIÓN EFECTIVA DOS PRINCIPIOS DE REDUCION, REUTILIZACIÓN E RECICLAXE DE RESIDUOS EN GALIZA". Trátase de clarificar e darlle forza xurídica á xerarquía dos "3R" consagrada pola normativa actual, para que sexa realmente de obrigado cumprimento. É nesa liña que esta ILP establece unha serie de medidas para a aplicación efectiva destes principios, excluindo a incineración como opción principal para o tratamento dos residuos en Galiza. Baixa o texto íntegro da  ILP dos Residuos 2012
|
|
Ler máis...
|
|
 Durante a pasada fin de semana de maio, do venres 25 ao domingo 27, proseguiron as actividades deste proxecto que ADEGA leva a cabo através do Programa de Voluntariado en Rios, do Ministerio de Agricultura, Alimentación e Medio Ambiente –MAGRAMA-, en colaboración coa Confederación Hidrográfica do Miño-Sil, e que comezaron no ano 2006. Coma doutras veces o voluntariado contou coa ferramenta axeitada para a realización das actividades de eliminación, un seguro de responsabilidade civil e accidentes colectivos, o aloxamento, manutención e actividades complementares, como un descenso en piragua polo mesmo río onde realizamos as tarefas de eliminación.
|
|
Ler máis...
|
|
Subscribir a fonte RSS