|
 6 de marzo de 2012. Logo de ter revisado polo miúdo o borrador da nova Lei de Caza sometido a información pública, ADEGA, FRUGA e a ORGACCMM vimos de solicitar da Xunta a retirada do actual anteproxecto. No documento de achegas conxuntas (175 Kb) as tres organizacións concluimos que o borrador é unha norma feita por e para os cazadores, que minimiza o papel da administración, xeraliza a discrecionalidade e entrega a xestión da fauna cinexética aos cazadores máis cavernícolas en detrimento doutros sectores e da sociedade en xeral. O borrador do PP, cociñado por dous avogados de Silvanus cun custo de 49.000€ é en esencia similar á lei de 1997, convintemente retocada para "liberalizar" a caza e reducir o papel da administración a mera tramitadora de permisos. Fronte a este despilfarro, ADEGA redactou unha proposta de nova Lei_de_Caza_(495 Kb) dende a sustentabilidade, que queremos achegar aos grupos políticos con custo 0 para a facenda pública.
|
|
Ler máis...
|
 27 de febreiro de 2012. O TSXG vén de anular a prevista piscifatoría da Laxe Brava en Corrubedo. Estima o recurso presentado polo concello de Ribeira contra esta instalación, veciña ao Parque Natural. Na súa fundamentación, o TSXG argumenta "que todos eses valores [paisaxísticos e ambientais] poidan ser preservados por una instalación de acuicultura que ocupe as dúas terceiras partes dun espazo de 308.000 m2 é algo do que cabe dubidar". Deste xeito, unha das instalacións máis polémicas do Plano Acuícola do bipartito (e situada fóra da Rede Natura) queda anulada. Lonxe de felicitarse, Feijóo debera poñer as barbas en remollo: o TSXG recoñece o impacto das macroplantas acuícolas mesmo fóra da Rede Natura e chama a atención sobre a intensa e inxustificada ocupación do chan rústico. Como quedaría entón o Plano Director do PP se mesmo permite piscifatorías en parques naturais e aposta pola concentración das instalacións en macropolígonos? É esta a "seguridade xurídica" que predicaron Feijóo e Rosa Quintana? Sentenza_LAXE_BRAVA (103 Kb) |
|
Ler máis...
|
 17 de febreiro de 2012. O monstro de SOGAMA segue a desangrar as arcas públicas. Aos máis de 253 millóns de € gastados no último ano para manter o complexo de Cerceda en diversos contratos de servizos e subministros cuxa principal beneficiaria é Gas Natural-Fenosa e as súas filiais, únense agora outros 4,3 millóns +IVE para "servizos complementarios" no vertedoiro da Areosa. De novo a cara "B" de SOGAMA, convintemente agochada con contratos opacos negociados sen publicidade: desbaldimento de cartos públicos e gorentosos beneficios para o amigos. Quen dixo que a incineración non era un bo negocio? |
|
Ler máis...
|
 14 de febreiro de 2012. Neste día a maioría da sociedade polo simple feito de ter unha parella vese case obrigada a mercar agasallos que moitas veces poden ter graves implicacións sociais e ambientais. Diversos colectivos (ADEGA, Amarante, A Gentalha do Pichel, Equisol e Panxea) sairemos este día á rúa en Conmpostela (praza do Toural, 17h) para denunciar os excesos e as consecuencias dun día no que semella máis importante consumir que amar. Baixo o lema PARA CONSUMAR SEN NOS CONSUMIR, tentaremos concienciar sobre os impactos de consumir determinados produtos e propoñeremos alternativas máis ecolóxicas para que o día dos namorados/as non o acabe pagando o planeta. |
|
Ler máis...
|
|
 2 de marzo de 2012. O Xulgado de Instrución núm.1 de Muros ven de abrir as dilixencias previas 493/2009 contra STOLT SEA FARM, S.A., propietaria da piscifatoría de Quilmas (Carnota), por un presunto delicto contra os recursos naturais e o medio ambiente, citando a declarar como imputado ao seu Director Xeral Pablo García Rodríguez. Estas dilixencias incoáronse en virtude da denuncia presentada pola cooperativa de agricultura ecolóxica Rainha Lupa de Quilmas, debido ás verteduras desta piscifatoría que veñen contaminando unha finca veciña de máis de 800 m 2, o que supuxo a perda das colleitas e convertíu ao terreo en inhábil para a produción de alimentos. Os denunciantes achegamos un informe do Departamento de Química Física e Enxeñería da UdC que confirma que os terreos están con taminados por metais pesados e substancias salinas procedentes de residuos industriais. Para ADEGA queda novamente en evidencia a realidade da acuicultura industrial que non só contamina o mar con residuos orgánicos, antibióticos e produtos químicos, senón que tamén envelena a terra. Informe_UDC solo_QUILMAS (3.42 Mb) |
|
Ler máis...
|
|
 Este domingo 26 de febreiro convidámoste a un novo roteiro máxico. Desta volta discorrerá principalmente polo concello do Saviñao, en plena Ribeira Sacra. Os ríos Miño e Sil que a atravesan son o lar das xacias, seres metade humanos e metade peixes que poden vivir tanto no fondo dos pozos como en terra, principalmente nos castros. Poderemos gozar dos espazos naturais únicos da ribeira do Sil e visitarmos mosteiros como o da Cova (xoia do románico rural), o de Diomondi e o de Santo Estevo. Ademais, contemplaremos as panorámicas do meandro do río Sil onde a terra recibe o nome de Cabo do Mundo. Descarrega aquí o CARTAZ.
|
|
Ler máis...
|
 15 de febreiro de 2012. Comezamos co programa Roteirríos do ano 2012. Este ano as saídas do Proxecto Ríos estarán adicadas a coñecer diversos programas e entidades adicadas ao estudo e conservación da biodiversidade que habita nos nosos cursos fluviais. O primeiro Roteirríos será o sábado 25 de febreiro. Realizaremos unha saída do SARGA, acrónimo do programa de Seguimento de Anfibios e Réptiles de Galiza. Os anfibios e réptiles están sufrindo unha diminución das súas poboacións a escala global e as extincións locais son abundantes, aínda que moitas veces descoñécense as causas. O programa SARGA consiste na recollida exhaustiva e prolongada de datos de campo para poder avaliar o estado xeral das poboacións de anfibios e réptiles en Galiza, e a súa evolución no tempo. |
|
Ler máis...
|
 Padrón, 10 febreiro 2012. Este día apresentouse en Padrón a Plataforma pola Recuperación do Sar, unha asociación sen ánimo de lucro que ten como fin acadar para o Sar, así como para as súas ribeiras, unhas condicións ambientais óptimas. Trátase de manter e conservar unha biodiversidade faunística e florística tan ampla como sexa posíbel, tanto en variedade de especies como na densidade das súas poboacións, así como a consecución duns parámetros fisicoquímicos que permitan a existencia e a pervivencia dun axeitado equilibrio ecolóxico. Non esquecemos a preservación do patrimonio cultural e etnográfico de forma que xunto co patrimonio natural, sexan fonte de riqueza para toda a bisbarra por onde discorre o río. Á presentación no Auditorio de Padrón acudiron case un cento de persoas e interviñeron os representantes dos colectivos promotores da Plataforma: Xosé Manuel Penas Patiño (Biólogo), Virginia Rodríguez (Presidenta de ADEGA), Luis Tapia (Biólogo) e Luis Piñeiro (Pescador). |
|
Ler máis...
|
|
Subscribir a fonte RSS