 7 de maio de 2012. A crise semella que non existe para os residuos. Da pregoada austeridade que a Xunta aplica a servizos e dereitos públicos queda fóra SOGAMA. A empresa leva chuchado no que vai de ano 61.636.644,46€ (sen IVE e sen contar salarios do persoal e directivos), dos cais 42.580.033€ (case o 70%) "investíronse" en manter e ampliar o monstroso vertedoiro da Areosa. A máis recente inxección de cartos públicos, 38.074.033€, foi aprobada por Feijóo no último consello da Xunta para "xestionar" a primeira fase da ampliación do vertedoiro e contar con "espazo suficiente para procesar 1.260.000 toneladas de lixo". Para ADEGA isto vén a refrendar novamente o fracaso do modelo SOGAMA baseado na incineración, un buraco negro ambiental e económico que en 2011 xa devorou 253 millóns de € e este ano leva camiño de bater este récord. Este é o "horizonte tranquilo e despexado" ao que se referíu Feijóo para vender esta medida. Consulta os contratos de SOGAMA nesta ligazón. |
|
Ler máis...
|
 3 de maio de 2012. A Devesa de Anllares, un dos bosques atlánticos millor conservados de Europa e o máis occidental do continente, está a sufrir as consecuencias da nefasta política de conservación da Xunta. Malia a estar proposta dende 2008 para a súa inclusión na Rede Natura 2000, o desleixo das administracións e a cobiza de Ferroatlántica poden facer que esta xoia do noso patrimonio natural teña os días contados. Nos últimos meses, esta singular paraxe sufríu as consecuencias das talas e da apertura de pistas para o "servizo" das 3 minicentrais que a Xunta autorizou definitivamente a Ferroatlántica o pasado 2 de febreiro, convertindo ao Xallas no río máis sobrexplotado de Galiza-Costa. Paralelamente, na ribeira do concello de Mazaricos, abríronse pistas (probabelmente da concentración parcelaria) que como vemos nas imaxes, non lenvan a ningures e sí provocaron unha importante fragmentación e deterioro do bosque atlántico.
|
|
Ler máis...
|
|
 Este domingo 29 de abril, a Plataforma contra as Fumigacións, da que fai parte ADEGA, tiña programada unha manifestación en Melide para protestar polos tratamentos aéreos contra o gorgullo do eucalipto cun pesticida prohibido na Unión Europea pola súa perigosidade e alta toxicidade: o Flufexonuron. Apesar da inminencia destas fumigacións, a Delegación do Goberno non entendeu a urxencia do evento e prohibiu a manifestación. A Plataforma decidiu acatar a prohibición. Como alternativa, membros da Plataforma desprazámonos até Melide para informar, a pé de rúa dos perigos destas fumigacións que se pretenden facer en toda Galiza promovidas pola Asociación Española de Fabricantes de Pasta, Papel e Cartón (ASPAPEL) en conivencia coa Xunta e concellos como o de Melide, que está a instar aos propietarios e propietarias de eucaliptais —a través da súa web e bandos públicos— a conceder o permiso para seren fumigados.
|
|
Ler máis...
|
 24 de abril de 2012. A cativa ampliación da Rede Natura 2000 que hai uns meses presentou a Xunta contrastaba coa proposta máis ampla que a administración tiña lista en 2008. As razóns dos "recurtes"? Deseñar uns espazos protexidos a medida dos intrereses amigos. Agora as probas desta "doma e castración" da Rede Natura galega abrollan: o que ía ser un dos LICs máis extensos na prevista ampliación de 2008, a Serra do Barbanza, caeuse da proposta do PP para deixar sitio á cobiza da patronal eólica. Nada menos que 3 hábitats cuxa conservación é priporitaria para a UE e ducias de especies ameazadas e endemismos sufrirán os efectos dos recurtes de Feijóo e Hernández. Até cando imos consentir esta aldraxe? |
|
Ler máis...
|
|
|
 4 de maio de 2012. ADEGA vén de coñecer as zonas propostas por ASPAPEL para desenvolver as fumigacións dos eucaliptais co tóxico Flufenoxuron nas provincias da Coruña (40 localizacións), Pontevedra (28 sitios) e Lugo (1 área). Na documentación cartográfica, elaborada pola empresa Fitoaragón S.L., indícanse 69 áreas de 8 km de diámetro cada unha, denominadas "zonas de tratamento químico". Nelas localízanse as masas de eucaliptos máis densas e con maior afectación do gorgullo, mais tamén inclúen lugares habitados, cursos fluviais e mesmo espazos da Rede Natura 2000. Dada a toxicidade do principio activo e a enorme dispersión dos métodos aéreos, persoas, animais e mesmo biodiversidade ameazada estarán expostas ao veleno. ADEGA advirte á Xunta de que podería estar sendo cómplice, de seguir "avalando" estas prácticas, dun delicto contra a saúde das persoas e o medio ambiente.
|
|
Ler máis...
|
 2 de maio de 2012. A segunda fase do “Proxecto de Creación dunha rede de Custodia fluvial nas bacías do Ulla Umia Lérez” xa está en marcha. Este proxecto é unha inciativa de ADEGA e está financiado con fondos LEADER polo FEADER, o Ministerio de Agricultura, Alimentación e Medio Ambiente e o AGADER. A primeira fase estivo centrada na divulgación da custodia fluvial e na creación de grupos de voluntariado. Foron estes grupos, a maioría pertencentes á asociacións dos concellos do GDR20 (A Estrada, Caldas de Reis, Catoira, Cerdedo, Cuntis, Forcarei, Moraña, Pontecesures, Portas e Valga) os que durante o 2011 saíron aos seus ríos para coñecelos e realizar accións de voluntariado e defensa ambiental. |
|
Ler máis...
|
 26 de abril de 2012. ADEGA vén de coñecer que dúas sentenzas do TSXG que en 2009 declaraban improcedentes os despedimentos de dous técnicos de SOGAMA, poden ser determinantes para probar a responsabilidade da empresa no falseamento sistemático e continuado de análises dende 2003 a 2008, e así ocultar a contaminación producida polo vertedoiro da Areosa. Nestas sentenzas, que obrigaban a SOGAMA a readmitir ao ex-xefe da área técnica e ao ex-xefe de control técnico, cítase un informe da empresa para xustificar os despedimentos. Nel relátanse prácticas de alteración de analíticas, ocultación de información e falsificación documental, poñendo de manifesto o "risco ambiental" -di o informe- do vertedoiro da Areosa. O tribunal recoñece que "existíu unha ocultación das analíticas que estaban fóra dos parámetros esixidos" mais a súa redacción non era responsabilidade destes técnicos. Daquela, de quen é a responsabilidade de estar 6 anos falsificando documentos, ocultando datos á administración e poñendo en risco a saúde e o medio ambiente?  Sentenza 1 Sentenza 2 |
|
Ler máis...
|
 23 de abril de 2012. A FEG, da que fai parte ADEGA, advirte dunha nova ameaza para os montes galegos: os cultivos enerxe?ticos. A Xunta está a preparar ás caladas unha Orde que permitirá a plantación de até 100 ha continuas, mesmo de especies alóctonas (xéneros Eucaliptus, Leucaena, Paulownia, Liquidambar ou Liriodendron) as tres primeiras invasoras ou con potencial invasor, para queimar nas plantas de biomasa. Nos u?ltimos meses, a Xunta esta? a acelerar a ma?quina lexislativa coa modificacio?n, estratexicamente estudada, de multitude de leis relacionadas cos montes. Arestora están na fase final da aprobacio?n os proxectos de plantas de biomasa forestal primaria, en trámite a nova Lei de Montes, e a Xunta ten tamén intención de modificar a lexislación de Montes en Man Comu?n, ao que hai que engadir esta orde para regular os cultivos enerxe?ticos. Incendios forestais, incineración de residuos e agora cultivos enerxéticos... Que teima ten a Xunta con queimalo todo! |
|
Ler máis...
|
|
Subscribir a fonte RSS