|
 Ferrol, 22 de marzo de 2012. Os días 22, 26 e 28 de marzo nove mariscadores comparecerán diante do Xulgado do Penal de Ferrol polo acontecido en maio de 2007, cando promovido polo Comité Cidadán de Emerxencia, leváronse a cabo as accións de protesta para impedir a entrada ilegal na ría dos primeiros gaseiros, cargados con GNL, rumbo a Reganosa e nas que participaron centos de persoas, entre outros varios representantes e membros de ADEGA na comarca de Ferrrol, algún deles testigos no xuizo. O fiscal impútalles delitos de resistencia e grave desobediencia á autoridade, e solicita penas que van até 3 anos.
|
|
Ler máis...
|
 22 de marzo, Día Mundial da Auga. Neste día, e perante os intentos por parte dalgunhas administracións de privatizar os servizos de abastecemento, transporte, saneamento e depuración da auga, en ADEGA facemos nosas as reflexións que a FNCA (Fundación para unha Nova Cultura da Auga) propón encol da privatización da auga. A Directiva Marco da Agua sostén que a agua non é un ben comercial coma os demais, senón un patrimonio común. E esta consideración da agua como patrimonio esixe que a súa xestión sométase aos principios de solidariedade, coperación, acceso colectivo, equidade, control democrático e sustentabilidade. A privatización tende a limitar, dificultar ou suprimir os dereitos da cidadanía e convertirlos en simples dereitos de cliente. Mais para ADEGA, o carácter público e social dos servizos de abastecemento e saneamento non implica que sexan gratuitos, senón que deben dotarse de mecanismos que garantan o acceso á auga a quenes non poidan pagar por eles, e sobre todo, penalizar o desbaldimento. |
|
Ler máis...
|
|
 20 de marzo de 2012. En 2006, o incendio na petroquímica Brenntag en Caldas de Reis provocou o vertido de substancias altamente tóxicas (ácidos, metais pesados, hidrocarburos aromáticos, organoclorados...) ao río Umia eliminando a vida acuática nun treito de 7 Km. Con independencia dos resultados do xuizo para determinar as responsabilidades do accidente e posterior catástrofe ecolóxica, ADEGA quere promover a reflexión sobre como se puido autorizar a construción dunha fatoría de alto risco para a saúde e o ambiente á beira dun ecosistema tan sensíbel. A ubicación da empresa na zona inundábel do Umia multiplicou os impactos do vertido. Que acontecería no caso dun accidente cos depósitos do Ferrazo, na ría de Arousa ou cos de REGANOSA na ría de Ferrol?
|
|
Ler máis...
|
 Este vindeiro domingo 18 de marzo, ADEGA organiza a I FEIRA DE PRODUTOS NATURAIS E ARTESÁNS na Eira da Xoana ( Ramil, Agolada). Poderemos pasar unha agradable xornada mercando, desfrutando da contorna e incluso quedarnos a xantar, xa que ADEGA porá callos, polbo, viño, auga e café a prezos populares. Tamén disporemos de empanadas, queixos, doces e moitos mais produtos a escoller de entre a ampla oferta de postos que haberá na feira. A feira abrirá ao público ás 11.00 horas e durará até as 18:30–19:00h . Ainda que o tempo non nos acompañe os nosos produtores, artesáns, colectivos e todos aqueles que asistan a feira estarán baixo cuberto nas carpas que disporá o concello de Agolada para tal fin, polo que a choiva tan esperada soamente mollará os nosas terras. Consulta eiquí o PROGRAMA COMPLETO. |
|
Ler máis...
|
|
 Este domingo 25 de marzo, ADEGA-Lugo realiza outro percurso no marco dos roteiros 2011-2012 dedicados á Galiza Máxica. Desta volta, iremos ao concello de Barreiros, cuxos montes de litoral agochan varias lendas de personaxes lendarias (bispo Maeloc ou o Apóstolo Santiago) e de ritos máxicos en fontes, capelas ou fervenzas. A ruta será duns 13 quilómetros e de dificultade medio-baixa. O autobús partirá desde Lugo, desde a Facultade de Formación de Profesorado ás 9 horas (pola hora nova, tras o cambio horario!). |
|
Ler máis...
|
 21 de marzo de 2012. A proposta de ampliación da Rede Natura 2000 de Galiza presentada pola Xunta en 2011 e cuxa exposición pública vén de rematar, confirma a vergoña de seguirmos coa Rede Natura máis cativa de todo o estado. As afirmacións dos actuais responsábeis políticos que cualificaron esta ampliación de "definitiva" e "completa", amosan claramente non só a súa incompetencia, senón tamén unha ilimitada desvergoña. Trátase dunha proposta claramente insuficiente, incompleta e incoerente, sen fundamentación científica nen legal, apoiada en inexactitudes e xustificada con trucos e demagoxia. A Xunta resolveu recurtar drásticamente o patrimonio natural galego para llo entregar ás eólicas, eléctricas, aos promotores e aos donos das canteiras e das piscifatorías.
|
|
Ler máis...
|
 17 de marzo de 2012. A Xunta de Galiza pecha os ollos ante a situación de seca que están a sufrir os nosos ríos e mantén o inicio da pesca para este domingo 18 de marzo, co conseguinte risco para as poboacións piscícolas e os ecosistemas fluviais. Augas de Galiza, Confederación Miño-Sil e Confederación do Cantábrico coinciden en sinalar que no presente mes acádanse mínimos históricos nos caudais da maioría dos ríos galegos. Os efectos desta seca sobre os ecosistemas acuáticos e as especies piscícolas (que se atopan nunha situación de estrés) verase incrementado coa pesca, o que pode comprometer o futuro de moitas poboacións da fauna e flora ligadas aos ríos nun cenario de afluencia masiva de pescadores (comezo de tempada) e reducido espazo para a vida acuática (caudais baixos). Pescar nesta situación de seca pode comprometer o recrutamento (as incorporacións de novos exemplares), especialmente salmónidos (troita, reo e salmón), pola maior captura de reprodutores e destrución de zonas de reproducción (frezadoiros). |
|
Ler máis...
|
 Continuando cos itinerarios previstos para o Roteirríos 2012, o vindeiro sábado 17 de marzo estaremos de roteiro aprendendo a recoñecer rastros e pegadas. Este ano o programa Roteirríos está adicado a coñecer e axudar á conservación da biodiversidade dos ríos. Nos nosos ecosistemas fluviais habitan numerosos organismos que rara vez podemos observar. Pero existen métodos para recoñecelos. Indicios como pelos, pegadas ou defecacións poden facilitarnos moita información sobre a súa bioloxía e distribución no caso de saber interpretalos. PRAZAS COMPLETAS |
|
Ler máis...
|
|
Subscribir a fonte RSS