26 e 27 de maio. Dende 2006, a acción estatal "Montañas en Rede" mobilizou a milleiros de persoas que ascenderon a máis de mil montañas para chamar a atención da sociedade e dos políticos sobre a necesidade de protexer as nosas montañas. En Galiza, ADEGA vén colaborando nesta iniciativa e as ascensións galegas sitúanse entre as máis numerosas do estado, o que da unha idea da preocupación da nosa cidadanía por conservar estes valiosos e ameazados enclaves. Mesmo en 2010, socios/as de ADEGA acadaron importantes premios no I concurso fotográfico "Montañas en Rede" do estado. Este 2012, voltamos a insistir: PROTEXER AS MONTAÑAS É COIDAR O FUTURO. Participa con ADEGA nesta acción: Descarrega e imprime a túa faixa, sube ao teu monte esta fin de semana, faite unha foto con ela e
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
.
|
Ler máis...
|
Lugo, 22 de maio de 2012. Dentro da campaña “PONTE NO MEDIO. MÓVETE POLO TERRITORIO”, e debido ao éxito da primeira edición dos concursos de fotografía e relatos, ADEGA lanza un novo concurso, esta volta de curtametraxes para que a cidadanía exprese a súa opinión sobre o estado actual do territorio galego através da imaxe en movemento. O concurso de curtas, así como a segunda edición do concurso de fotografías e de relatos están patrocinados pola Área de Cultura e Deporte de Vicepresidencia Primeira da Deputación de Lugo. Estes concursos pretenden facer participativa á cidadanía galega na reivindicación dunha ordenación territorial sustentábel para propoñer alternativas máis coherentes coa defensa ambiental, coa cohesión social e coa posta en valor do noso patrimonio cultural. Bases
|
Ler máis...
|
Este domingo 20 de maio, ADEGA Lugo convídate a visitar o Monte Pindo, lugar de culto relixioso e pagán, refuxio da poboación, escapada de meigas e demos, testemuña de reis e bispos, morada dos celtas… Dise que alí está soterrada a Raíña Lupa envolta en ouro. Veremos todas as riquezas do Monte Pindo en tan só 12 quilómetros, durante un percorrido de 7 horas. Subiremos ao cumio máis alto desta mole pedregosa e logo descendermos cara o mar. Os nosos guías serán os compañeiros da Asoc. “Monte Pindo Parque Natural”, que están a loitar para que este lugar máxico sexa protexido como se merece. Descarrega o CARTAZ .
|
Ler máis...
|
Lugo, 14 de maio de 2012. A plataforma QUEREMOS GALEGO, da que fai parte ADEGA, convoca á manifestación que terá lugar o Día das Letras, o vindeiro 17 de maio, ás 12 horas na Alameda de Santiago de Compostela. O lema tras o que defenderemos o noso idioma será “Pola lingua que nos une. Paremos os ataques contra o galego”. De Lugo sairán buses ás 10 horas da mañá, diante de Sindicatos, na Ronda da Muralla. Para anotarvos, podedes chamar aos seguintes teléfones das organizacións integrantes de Queremos Galego que xestionan os buses: 982225812 (CIG) e 982280410 (BNG), até o mércores ás 20 horas.
|
Ler máis...
|
|
23 de maio de 2012. Biomasa é toda materia orgánica incluindo produtos, subprodutos e residuos de diferentes procesos. Contén unha enerxía que se pode extraer e aproveitar, mais é obvio que a biomasa xoga un papel fundamental no equilibrio dos ecosistemas e tamén como recurso para satisfacer outras necesidades humanas. Por iso, a incipiente implantación de cultivos enerxéticos compite con aspectos básicos de funcionamento dos ecosistemas e coas necesidades básicas dunha maioría da humanidade. Nas últimas décadas, a biomasa recibiu unha especial atención ao fornecer combustíbeis para o transporte similares aos derivados do petróleo. É o esgotamento deste o que mellor explica certas decisións: as transnacionais do petróleo e da biotecnoloxía interesáronse na bioenerxía promovendo extensas plantacións e numerosas instalacións de procesamento. Caderno Biomasa Volume I(2.66 MB) e Volume II(2..63 MB)
|
Ler máis...
|
20 de maio de 2012. GN-Fenosa vén de apresentar o proxecto de repotenciamento do parque eólico de cabo Vilán. Este foi un dos primeiros parques eólicos instalados en Galiza a principios dos anos 90, sobre unha paisaxe única que hoxe é parte da Rede Natura 2000. Nas proximidades, unha ZEPA acolle especies ameazadas como o arao, o corvo mariño cristado e a gaivota tridáctila. Este parque é un exemplo do caótico e insustentábel desenvolvemento eólico perpetrado no país, que en cabo Vilán únese ás agresións da piscicultura industrial e ás especies invasoras. O repotenciamento é unha boa medida para diminuir os impactos dalgúns parques, mais neste caso propoñemos o seu desmantelamento, trasladando os megawatios repotenciados a outro parque, para deste xeito liberar cabo Vilán e reparar un erro histórico. Canto vale recuperar esta paisaxe?
|
Ler máis...
|
Lugo, 16 de maio de 2012. Dentro da campaña “PONTE NO MEDIO, MÓVETE POLO TERRITORIO”, cuxo lanzamento tivo lugar o 16 de abril do pasado ano en Compostela, e débido ao éxito da primeira edición, ADEGA convoca de novo os concursos de fotografías e relatos para que a sociedade retrate o estado actual do territorio galego a través da imaxe e da palabra. Ademais este ano como novidade convócase tamén un consurso de curtas. Estes concursos están patrocinados pola Área de Cultura e Deporte da Vicepresidencia Primeira da Deputación de Lugo e pretenden facer participativa á cidadanía na reivindicación dun ordenamento territorial sustentábel para frear a especulación sobre o territorio, e propoñer alternativas máis coherentes coa defensa ambiental, coa cohesión social e coa posta en valor do noso patrimonio cultural. O prazo para enviar orixinais remata o 1 de outubro. Descarrega as bases dos concursos de Fotografía 2012 ; Relatos 2012 e Curtas 2012
|
Ler máis...
|
13 de maio. ANDAINA POLA PROTECCIÓN DA SERRA DO GALIÑEIRO. Dende a Plataforma pola Defensa da Serra do Galiñeiro, da que fai parte ADEGA, convidámosvos á III Andaina pola protección da Serra do Galiñeiro. Nesta ocasión o percorrido denominámolo "Ruta da Auga" polo Galiñeiro húmido. "Os contos e lendas do Galiñeiro non teñen prezo. A gandería ecolóxica, os cabalos do monte e os curros de Vincios e de Morgadáns non teñen prezo. O lecer, os camiños, os subeiros, as pedras, as sombras, as augas, os estudos feitos e os que aínda se han facer, as illas ó lonxe, os poemas e os libros, o que perdemos e atopamos no Galiñeiro, nada de todo iso ten un valor calculable porque ese é un patrimonio común e natural que non se pode comprar nin vender, un patrimonio destas bisbarras, da Terra de Turonio, pero tamén de Galicia e mais da Humanidade." Extracto do Manifesto que lerá Manuel Rivas ao remate do roteiro. Baixa o tríptico (2Mb) cos planos e detalles do roteiro.
|
Ler máis...
|
|