 |
|
|
|
|
|
|
|
|
|
|
|
|
|
 |
Novas de EA Comeza RoteiRíos 2011: a restauración dos ecosistemas fluviais
| Comeza RoteiRíos 2011: a restauración dos ecosistemas fluviais |
 |
 |
 |
   Marzo de 2011. RoteiRíos é un programa de itinerarios organizado polo Proxecto Ríos que pretende unir ríos e persoas, achegando os cursos fluviais á cidadanía nun ambiente lúdico así como dar a coñecer o patrimonio natural, cultural e social asociado. Nste 2011 imos pola cuarta edición e a temática escollida é a restauración fluvial. Pretendemos dar a coñecer á cidadanía actuacións que se teñen feito nesta materia e que seguiran criterios ambientais, sendo o obxectivo principal a recuperación do ecosistema. Moitas veces as actuacións nos cauces e ribeiras supoñen unha agresión ao medio e o seu suposto beneficio está moi lonxe de acadar a recuperación do ecosistema, previamente degradado polas actuacións humanas.
Programa provisional Vindeiros RoteiRíos
-Fin de semana do 14, 15 e 16 de maio: Río Tremor (Bierzo). Faremos un desprazamento de fin de semana ata a vila leonesa de Tremor, onde a "Fundación Ciudad de la Energía" ten en marcha un proxecto de restauración da paisaxe arrasada pola extracción de carbón cunha iniciativa de recuperación ambiental das entulleiras por parte dos veciños.
-18 de setembro, ríos Rons e Gándara (Pontevedra). Coñeceremos de primeira man o traballo realizado pola firma Integra – Futuros e financiado polo concello de Pontevedra nas súas ribeiras.
A quen vai dirixido? Roteirríos vai dirixido a toda a cidadanía, tanto aos participantes do Proxecto Ríos como aquelas persoas interesadas en coñecer o noso patrimonio fluvial. Nos roteirríos poderán participar maiores de idade ou menores acompañados dalgún familar ou responsábel. Prazas e preinscricións: As prazas para os roteiros son limitadas, ao entendermos que un grupo reducido axudará a coñecernos mellor, facilitará o achegamento á zona e causará un menor impacto no espazo visitado. O Proxecto Ríos financia unha parte dos roteiros, sendo 8€ o prezo a desembolsar polos participantes. Na web do Proxecto Ríos irémosvos informando dos puntos de encontro, mapas do percorrido, etc.
|
