Compartir

WhatsApp
Telegram
Correo
Bluesky
Facebook

O 15 de abril iniciouse a campaña de primavera do Proxecto Ríos, que se prolongará ata o 31 de maio.

O Proxecto Ríos é unha iniciativa de Educación e Voluntariado Ambiental promovida por ADEGA e financiada por Augas de Galicia, o IET e a Confederación Hidrográfica Miño – Sil. A finalidade deste programa é dar a coñecer o importante papel dos cursos fluviais, amosar as súas problemáticas así como fomentar iniciativas que permitan á cidadanía o mantenemento e a mellora dos ríos, proporcionando as ferramentas que garantan a súa participación.

Durante esta campaña de primavera están programadas saídas formativas con distintas entidades (centros de ensino de primaria e secundaria, concellos, asociacións, grupos ecoloxistas,…).

As saídas formativas consisten en realizar roteiros polo río escollido desenvolvendo e explicando a un grupo de participantes do Proxecto Ríos a metodoloxía e partes do programa. Na saída explicaranse de maneira didáctica os pasos a seguir para que o grupo de voluntarios e voluntarias poda logo desenvolver o programa autonomamente.

Saídas nas 4 provincias galegas

As saídas formativas programadas para esta semana son:

Martes 21 de maio
– Colexio La Salle. Concello de Santiago de Compostela. Río Sarela. – CPI San Cristovo de Cea. Concello de San Cristovo de Cea. Saída ao río Arenteiro. 3º e 4º da ESO.

Mércores 22 de maio (Día Mundial da Biodiversidade)
– IES Laxeiro. Lalín. Saída ao río Cavirtas.
– IES A Pinguela. Monforte de Lemos. Saída ao río Cabe. 4º da ESO.

Xoves 23 de maio
– IES de Noia. Noia. Rego de San Fins.
– IES Lauro Olmo. O Barco de Valdeorras. Saída ao río Sil. 4º da ESO.

Ligazóns