Con motivo do xuízo do Prestige, os compañeiros/as de Ecologistas en Acción veñen de propoñer unha “protesta 2.0” para denunciar aos responsábeis da marea negra que non van render contas no xuízo pola catástrofe medioambiental. Mariano Rajoy, José María Aznar, Miguel Arias Cañete, Jaume Matas, Francisco Álvarez-Cascos e o Partido Popular comezan a deitar petróleo cando os seus momes aparecen na pantalla do teu computador. A mancha está a estenderse polas redes sociais, os buscadores e as webs dos medios de comunicación.

Instala ti tamén esta extensión para o Mozilla Firefox e contribúe a manchar de chapapote a aqueles que non están no banco dos acusados, apesar de que a súas decisións provocaron un desastre ecolóxico de dimensións históricas.