CernaTV

Entrega de Premios Osíxeno e Dioxina 2022

A 47 Asemblea Xeral de ADEGA, que tivo lugar o 15 de abril do 2022 en Lugo, acolleu a entrega dos Premios Osíxeno e Dioxina 2022, que desta volta recoñeceron o labor na loita ecoloxista da veciñanza afectada polos incendios do Courel, da mestra da montaña e activista Alicia López Pardo e do referente no movemento ecoloxista galego Pepe Salvadores.

Eventos Ver máis

Mobilización RODEAMOS A XUNTA da Coordinadora Eólica Así Non

Conseguímolo! Rodeamos a Xunta! Eólica Así Non!
"Despois de cada noite sempre sae o sol...!"
#eolicaasinon #rodeamosaxunta #mobilizacion23A #temosalternativa

A Rolda Leste levada a debate

Dentro da campaña "Salvemos o pulmón verde de Lugo" ADEGA organiza esta mesa na que participarán os diferentes representantes políticos municipais, para expoñer e dar a coñecer os argumentos a favor ou en contra do proxecto da rolda leste. Tras as súas exposicións abrirase a quenda de palabra ás asistentes. Participan nesta mesa Rubén Arroxo, representando ao BNG, Juan Vidal-Pardo representando a C's, Miguel Fernández como representante do PSOE, e Antonio Ameijide por parte do Partido Popular de Lugo. A xornada desenvolverase o martes 28 de marzo de 2023 ás 19h no Salón de actos da UNED, e é aberta a todo o público en xeral.

Mesa Redonda Salvemos o pulmón verde de Lugo

A Rolda Leste é unha autovía urbana proxectada sobre o val do Río Rato. A biodiversidade presente na zona está fortemente ameazada polo que sería un navallazo sobre o pulmón verde de Lugo. Nesta mesa redonda, organizada para as 19:00 horas do martes, 14 de marzo, abordan a problemática o biólogo Cosme Damián Romai Cousido, o presidente da SM Lucus, Julián Alonso, e o representante da Asoc. Morcegos de Galicia, Manuel Arzúa. Tamén participa Belén Feijóo, arquitecta e veciña de Bosende, un dos núcleos fortemente afectados.

Conversas co Ecoloxismo Ver máis

Entrevista Rafa Vilar │Aniversario do Prestige: 20 anos de impunidade

CernaTV presenta unha entrevista co voceiro da Plataforma Nunca Máis, Rafa Vilar, cando se fan 20 anos da catástrofe ambiental do Prestige. Repasamos aqueles momentos de maior tensión e a potente resposta social que se produciu fronte á inacción política.

ADEGA no programa A Porta Aberta da TVG

O número 10 do programa A Porta Aberta da Televisión de Galicia, emitido o 6 de decembro de 2022, estivo dedicado ao traballo que a asociación ecoloxista ADEGA desenvolve polo coidado da natureza dende o ano 1976.

Entrevista a María Amigo, educadora de ADEGA, sobre a fauna mariña

Un equipo de alumnado de 1º de ESO do IES Rosalía de Castro entrevista para a sección de Medio Ambiente do periódico escolar SCQ+2021 á bióloga e activista de ADEGA para falar sobre os perigos que ameazan a fauna mariña.

Documental Ver máis

O Proxecto Ríos, dende dentro

As educadoras ambientais preséntannos neste vídeo o Proxecto Ríos, unha iniciativa que procura unir ríos e persoas. A acción foi desenvolvida no río Tea co alumnado do IES de Salvaterra de Miño.

Os xardíns descoñecidos da Costa da Morte. As microrreservas de flora de Fisterra.

O proxecto "Voluntariado ambiental para a conservación dos humidais e a flora da Costa da Morte" permitiunos realizar accións de limpeza de praias e eliminación de especies de flora invasora en diferentes concellos da Costa da Morte co obxecto de conservar á vez que concienciar sobre o valor ambiental destas xoias litorais.

Proxecto Ríos. Saída no río Viñao, Boborás.

Vídeo resumo da saída de Proxecto Ríos ao río Viñao coa Sociedade de Pesca Deportiva "Río Viñao", o CEIP Xuvencos, o CEIP Eulogio Gómez Franqueira e os Montadores de mosca de Soutomaior. Vídeo de Xuve Producións.

Vídeo-Denuncia Ver máis

ADEGA con ALIENTE: Renovables Si, pero Non así

ADEGA apoia a manifestación convocada por ALIENTE para o sábado, 16 de outubro en Madrid, baixo o lema "Renovables Si, pero non Así". ADEGA pula pola preservación das montañas e o principio dos 3's da Enerxía: Soberana, Social e Sustentábel. Intervén Adela Figueroa, membro da Directiva de ADEGA.

Titoriais Ver máis

Roi Cuba, sobre o cambio climático e protección do medio ambiente nas xornadas do CES

O presidente de ADEGA, Roi Cuba Dorado, participou nas xornadas organizadas polo Consello Económico e Social de Galicia para abordar as vías para a protección de medio ambiente ante o cambio climático.

CERNA TV