ADEGA

Inicio / Multimedia / CernaTV /

CERNA TV

Conversas co Ecoloxismo

Conversas co Ecoloxismo: Fernando Cobo Gradín

O director da Estación de Hidrobioloxía do Encoro do Con (EHEC) fala do estado ecolóxico dos ríos galegos (min 00:40); a xestión da auga fronte o cambio climático (07:43); a nova lei de pesca fluvial (18:20); a concepción cidadá dos ríos (25:00) e as actuais liñas de investigación da EHEC (33:10).

Conversas co Ecoloxismo: Ramón Varela Díaz

Ramón Varela Díaz é Doutor en Ciencias Biolóxicas, experto en contaminación atmosférica e foi presidente de ADEGA entre 1981 e 1996. Esta entrevista inaugura o ciclo de Conversas co Ecoloxismo de Cerna TV. Nela abordamos con Ramón Varela cal é a situación de contaminación atmosférica de Galiza e a súa evolución (min. 00:00:38), a crise das industrias electrointensivas (00:06:53), o peche do ciclo das térmicas galegas (00:14:48), a transición ecolóxica (00:20:55), que facer ante a emerxencia climática (00:29:33) e un último bloque dedicado á política forestal do país e aos lumes forestais (00:34:52).

Conversa con Ramón Varela Díaz (I Parte): Contaminacion e industrias electrointensivas en Galiza.

R. Varela, experto en contaminación atmosférica de Galiza, aborda o estado da cuestión e a evolución sufrida neste terreo desde a publicación do seu libro "Contaminación atmosférica en Galiza" en 2004. Tamén se introduce (min 00:07:30) no debate sobre a contaminación e o consumo eléctrico das industrias electrointensivas asentadas en Galiza, en especial, da factoría de Alcoa en San Cibrao.

Conversa con Ramón Varela Díaz (II Parte): Peche das térmicas e emerxencia climática

O experto en contaminación atmosférica de Galiza e expresidente da asociación ecoloxista ADEGA, Ramón Varela, analiza as causas e as consecuencias do peche das térmicas galegas e as "solucións" que se están a propoñer para dar continuidade á factoría de As Pontes (min 00:01:50). Máis tamén sinala aqueles sectores nos que as políticas de transición ecolóxica deberan incidir con máis urxencia (min 00:08:00) e como afrontar a emerxencia climática (min 00:16:40).

Conversa con Ramón Varela Díaz (III Parte): A problemática do eucalipto e lumes forestais

Ramón Varela Díaz, cando era presidente de ADEGA, presentou no Parlamento Galego a primeira ILP na defensa doutro modelo forestal galego, afastado do monocultivo do eucalipto e do piñeiro, que foi finalmente desbotada. Varela lembra aquel episodio e compárao coa presentación da recente ILP na defensa do bosque. Nesta entrevista analiza tamén as potencialidades produtivas do rural galego que poderían ser unha alternativa de futuro fronte o eucalipto e os lumes forestais.

ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal