CernaTV

Eco-ideas ADEGA: Como facer engrudo ou pegamento natural

#EuFicoNaCasaConADEGA
Neste vídeo ensinámosche como facer un pegamento caseiro, natural e moi económico: o engrudo ou pasta de fariña. Será idóneo para pegar papel ou cartón, facer manualidades ou traballar con papel maché. Descarga tamén a ficha coa receita que acompañamos co vídeo!

Eventos Ver máis

Proxecto Touro: Dous anos e medio de loita

Acto informativo e coloquio. Balance do camiño percorrido ata a publicación da Declaración de Impacto Ambiental (DIA) negativa. Touro, 29 de febreiro de 2020.
O 28 de xaneiro a Conselleira de Medio Ambiente anunciaba que a Declaración de impacto ambiental (DIA) sería negativa. A súa publicación era recollida no DOG do 7 de febreiro, marcando un fito moi importante nesta loita, un antes e un despois. Invitamos a facer balance con nós a Serafín González da Sociedade Galega de Historia Natural (SGHN), a Xaquín Rubido da Plataforma pola Defensa da Ría de Arousa (PDRA) e a Fins Eirexas da Asociación para a Defensa Ecolóxica de Galiza (ADEGA).

Entrega de Premios Osíxeno e Dioxina 2019

Debate público sobre o traslado da Estación de Buses de Lugo (II Parte)

Conversas co Ecoloxismo Ver máis

Conversas co Ecoloxismo: Ramón Varela Díaz

Ramón Varela Díaz é Doutor en Ciencias Biolóxicas, experto en contaminación atmosférica e foi presidente de ADEGA entre 1981 e 1996. Esta entrevista inaugura o ciclo de Conversas co Ecoloxismo de Cerna TV. Nela abordamos con Ramón Varela cal é a situación de contaminación atmosférica de Galiza e a súa evolución (min. 00:00:38), a crise das industrias electrointensivas (00:06:53), o peche do ciclo das térmicas galegas (00:14:48), a transición ecolóxica (00:20:55), que facer ante a emerxencia climática (00:29:33) e un último bloque dedicado á política forestal do país e aos lumes forestais (00:34:52).

Conversa con Ramón Varela Díaz (I Parte): Contaminacion e industrias electrointensivas en Galiza.

R. Varela, experto en contaminación atmosférica de Galiza, aborda o estado da cuestión e a evolución sufrida neste terreo desde a publicación do seu libro "Contaminación atmosférica en Galiza" en 2004. Tamén se introduce (min 00:07:30) no debate sobre a contaminación e o consumo eléctrico das industrias electrointensivas asentadas en Galiza, en especial, da factoría de Alcoa en San Cibrao.

Conversa con Ramón Varela Díaz (II Parte): Peche das térmicas e emerxencia climática

O experto en contaminación atmosférica de Galiza e expresidente da asociación ecoloxista ADEGA, Ramón Varela, analiza as causas e as consecuencias do peche das térmicas galegas e as "solucións" que se están a propoñer para dar continuidade á factoría de As Pontes (min 00:01:50). Máis tamén sinala aqueles sectores nos que as políticas de transición ecolóxica deberan incidir con máis urxencia (min 00:08:00) e como afrontar a emerxencia climática (min 00:16:40).

Documental Ver máis

10 anos de Proxecto Ríos 2/2

Segunda parte do vídeo documental conmemorativo dos 10 anos de Proxecto Ríos en Galiza, da man da organización galega decana do ecoloxismo, a Asociación para a Defensa Ecolóxica de Galiza (ADEGA). Proxecto Ríos é o programa de voluntariado ambiental en ríos de referencia no país.

Paraíso roubado - Trailer 1

Este é o primeiro tráiler do filme documental "PARAÍSO ROUBADO". Este documental aborda a realidade de Lourizán entre finais do século XIX, cando Montero Ríos establece a súa residencia galega neste auténtico paraíso, e a chegada da Celulosa nos anos 60 do século XX, que supuxo a destrución da riqueza natural, paisaxística e económica desta parroquia pontevedresa, que veu perder o seu futuro como consecuencia do desarrollismo franquista. Pero tamén é un exercicio de memoria histórica, un recoñecemento á loita das mariscadoras que se enfrontaron á represión armada na defensa do banco marisqueiro e o pan dos seus fillos, unha loita que non pode caer no esquecemento. É a crónica dun paraíso perdido,…. dun PARAÍSO ROUBADO!

10 Anos de Proxecto Ríos 1/2

Primeira parte do Vídeo documental conmemorativo dos 10 anos de Proxecto Ríos en Galiza, da man da organización galega decana do ecoloxismo, a Asociación para a Defensa Ecolóxica de Galiza (ADEGA). Proxecto Ríos é o programa de voluntariado ambiental en ríos de referencia no país.

Vídeo-Denuncia Ver máis

Auga, Terra... Aire (A Bolsa)

Curtametraxe grabada integramente en Gondomar e emitida na televisión local. Percorre o camiño das posibles viaxes e etapas dunha bolsa de plástico.

Asina polas Covas de Vale (Baralla)

As Covas de Vale, situadas no concello lucense de Baralla, están ameazadas por un proxecto mineiro aprobado en 2007 pola Dirección Xeral de Minas da Xunta de Galiza, en conivencia co goberno local. Malia a estar inventariadas no catálogo de bens patrimoniais de Galiza, a tramitación do proxecto mineiro segue o seu curso e, por tanto, as covas tamén seguen en perigo. Asina esta petición de Change.org para que a Administración poña en valor estas covas e garanta a súa conservación das mesmas e da súa contorna natural.

Salvemos O Iribio

Titoriais Ver máis

Eco-ideas ADEGA: Como separar en orixe os cartóns de leite

Os cartóns ou "brick" de leite están compostos de diferentes materiais que poden facernos dubidar sobre cal é colector correcto no que desbotalos cando se converten en lixo. Eis a solución, no sistema de xestión do lixo maioritario en Galiza, o de Sogama....

Eco-ideas ADEGA: Como facer plastilina natural na casa

#EuFicoNaCasaConADEGA
Crea e fai a túa propia plastilina na casa, máis ou menos dura, segundo as túas preferencias e das cores que queiras! Un método moi sinxelo para que nunca falte plastilina biodegradable no fogar. Tamén podes descargar a receita aquí: bit.ly/2Kj1iDV

Eco-ideas ADEGA: A lentella flotante

#EuFicoNaCasaConADEGA
A nosa amiga Inés ofréceche unha nova Eco-idea da súa colleita: a lentella flotante! Aprenderás con ela a cultivar plantas flotantes a partir de sementes de lentella. Non che parece fascinante?

CERNA TV