Artigos de Desenvolvemento sustentábel. Revista CERNA, medio ambiente e ecoloxismo da man de ADEGA
Os Grupos de Desenvolvemento Rural (GDR)
Branca Villares
CERNA Nº 54 - Viaxe ao Bidueiral de Montederramo
Páx. 39
Neste artigo dáse a coñecer o novo mecanismo de funcionamento do GDR ou grupos de desenvolvemento rural (antigo Grupo de Acción Local). O GDR a través do programa europeo LEADER, busca a descentralización das políticas de desenvolvemento rural, e a participación social. Para iso AGADER (Axencia Galega de Desenvolvemento Rural) propón unha nova configuración dos GDR con unha menor participación institucional e unha maior presencia de asociacións ligadas ó ámbito rural.
Núcleos piloto de sostibilidade, “Progresan Adecuadamente”
Belén Rodríguez
CERNA Nº 57 - Transporte: O tren de proximidade
Páx. 38 - 40
Foi no Cumio da Terra de Río de Janeiro onde se acadou o convencemento de que o modelo de desenvolvemento adpotado ata o momento polas cidades tiña que mudar cara a sostibilidade, é dicir, cara a outro modelo que conseguise preservar os recursos naturais sen prexudicar o desenvolvemento social e económico. O equilibrio de intereses entre estes tres factores, ambiental, económico e social está a ser o grande reto das actuais políticas sectoriais e globais do planeta. A Dirección Xeral de Desenvolvemento Sostíbel da Consellería de Medio Ambiente é a encargada, no ámbito galego, de levar a cabo decisións e tomar medidas encamiñadas á consecución deste grande reto. Unha das medidas xa postas en marcha en Galiza desde o 2006 e que intenta trasladar ao eido local as premisas de carácter global foi a creación dos núcleos de sostibilidade.
Ruta das cetarias: Fóra de lugar
Carlota Eirós
CERNA Nº 59 - Mar: do litoral ás profundidades
Páx. 23 - 25
“Podemos soster que os enxeñeiros poden crear localizacións, pero que o tempo é necesario para crear lugares.” ( Y. F. Tuan, 1996, Space and Place: Humanistic Perspective.)En Abril de 2009 sácase a concurso o proxecto de construción da “Ruta das Cetáreas de Rinlo”, consistente en pavimentar e peatonalizar con cemento as rutas naturais do litoral, para a valorización e explotación deste recurso. Cal é o prezo desta “posta en valor” se con elo se destrúe parte da natureza que se pretende protexer? Son necesarias estas intervencións? Todas estas preguntas e máis resolveranse neste artigo.
Emprego en espazos protexidos: O caso de Folgoso do Courel
María García
CERNA Nº 59 - Mar: do litoral ás profundidades
Páx. 30 - 32
O pasado mes de marzo ADEGA concluíu o “Estudo das alternativas profesionais vinculadas á protección e posta en valor dos recursos naturais en Folgoso do Courel”, financiado pola Dirección Xeral de Formación e Colocación da Consellaría de Traballo. O obxectivo: propoñer medidas creadoras de emprego que melloren o estado de conservación das áreas protexidas e supoñan un beneficio real para poboación local. O estudo foi presentado diante da anterior Consellaría de Traballo e será posto en coñecemento da actual.
A castaña, un produto con futuro
Xesús Quintá
CERNA Nº 66 - Espazos protexidos, baixo mínimos
Páx. 47-48
Até hai poucas décadas, a castaña foi un alimento esencial para os galegos e os seus animais, principalmente até o inicio do cultivo da pataca, e logo en épocas de fame como o período da guerra civíl española e a posguerra. Era frecuente que se plantaran castiñeiros no perímetro dunha finca a labradío ou nas beiras dos camiños, con diferentes variedades, unhas máis temperás e outras máis tardías, para prolongar ao máximo a dispoñibilidade de froito para o seu consumo. Alibos, e o resto do sector da castaña, levan loitando desde hai máis de dez ano, dentro da Asociación Proagrosilga, por un cambio na mentalidade repoboadora dos propietarios das terras e na da xestión de axudas procedentes da Administración.
A necesidade dunha alianza a prol do noso rural
Xabier Bruña
CERNA Nº 67 - O lume: dono dun monte desleixado
Páx. 10
Tanto as políticas europeas de desenvolvemento rural como a Xunta de Galicia esqueceron a función social do rural. Neste contexto, catro organizacións – ADEGA, CIG, FAUGA e ORGACCMM – vimos de poñer en marcha as bases dunha rede chamada “Alianza por un rural galego vivo”. Esta alianza comezou a súa andaina en Poio o 21 de Abril de 2012 (día da Terra) cunhas xornadas nas que se analizaron experiencias do desenvolvemento rural. Esta Alianza ten como finalidade logran un medio rural multifuncional e sustentábel , responder todo tipo de agresións e formular novas iniciativas.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal