Buscador
Educación ambiental e Xeoloxía: unha alianza na defensa do patrimonio natural
Ángel Enrique López-Pérez
CERNA Nº 95 - O océano, chave para frear o cambio climático
Páx. 51
A educación ambiental constitúe unha ferramenta fundamental para facer fronte aos grandes desafíos socioambientais do século XXI. O coñecemento do medio natural e das problemáticas ambientais é un dos principais obxectivos da educación ambiental, a cal procura formar unha cidadanía crítica, responsable e comprometida coa defensa do medio ambiente. Porén, en moitos enfoques de proxectos e actividades de educación ambiental, a xeoloxía ocupa un papel secundario. Este artigo procura poñer en valor a xeodiversidade que forma parte do patrimonio natural co fin de incluír as xeociencias dentro das actividades de educación ambiental.
Recursos
Ramsés Pérez
CERNA Nº 95 - O océano, chave para frear o cambio climático
Páx. 4
Unha selección de libros e publicacións sobre ecoloxía e medioambiente.
Manuel Soto, presidente de ADEGA: “Animo a mocidade a sumarse ao traballo colectivo. Hai moita riqueza ambiental que defender en Galiza”
Redacción Cerna
CERNA Nº 95 - O océano, chave para frear o cambio climático
Páx. 5
Manuel Soto Castiñeira (Vimianzo, 1960) é catedrático de Enxeñería Química na Universidade da Coruña e, ademais, director da Revista Cerna. O pasado outubro de 2025, tras décadas vinculado ao movemento ecoloxista e a ADEGA, asumiu de novo a presidencia de asociación, que xa ostentara no período de 1996-2003. Nesta conversa repasa o camiño xa andado, deita luz sobre as problemáticas ambientais que enfronta Galiza e o planeta no seu conxunto, e olla o futuro con novas esperanzas.
A traxectoria de ADEGA contada en 270 páxinas e 25 artigos
Manuel Soto
CERNA Nº 95 - O océano, chave para frear o cambio climático
Páx. 9
ADEGA presentou o pasado 22 de abril de 2026, Día Mundial da Terra, o libro conmemorativo do seu medio século de historia, titulado ADEGA: 50 anos coidando a Terra. Este libro repasa a traxectoria de ADEGA, as principais problemáticas ambientais ao longo destes 50 anos, e as numerosas loitas que se libraron, moitas contadas por vitorias e outras perdidas. Trátase dunha edición non venal, da cal se imprimiron 700 exemplares, e que ADEGA tamén porá a disposición do público xeral en formato dixital.
A moratoria do eucalipto: unha análise da súa ineficacia
Comisión de Montes de ADEGA
CERNA Nº 95 - O océano, chave para frear o cambio climático
Páx. 12
Neste artigo, a Comisión de Montes de ADEGA aborda a eficacia da moratoria aprobada pola Xunta de Galiza no 2021 e estuda as implicacións da súa ampliación até o ano 2030.
A Canteira da Trinidade. Un exemplo de inacción administrativa difícil de xustificar
Mariña Patrimonio
CERNA Nº 95 - O océano, chave para frear o cambio climático
Páx. 16
No Monte da Trinidade, situado entre Lourenzá e Mondoñedo, atópase o castro da Trinidade. Trátase dun xacemento arqueolóxico catalogado, incluído no territorio histórico do Camiño de Santiago, que exemplifica o conflito entre a actividade mineira, a protección do patrimonio e a inacción das administracións. Ao longo dos anos, foron denunciadas reiteradamente as actuacións dunha canteira situada xunto a este espazo protexido. Xa en 2008 constaba por escrito a afección ao castro e a necesidade de suspender a actividade na zona afectada. Mais, lonxe de corrixirse, a situación continuou sen que as administracións adoptasen as medidas necesarias para frear un problema sobradamente coñecido.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal