Artigos de Contaminación. Revista CERNA, medio ambiente e ecoloxismo da man de ADEGA
Dossier a Marea Negra: Impacto nos cetáceos e tartarugas mariñas
Alfredo López, CEMMA
Páx. 42
En Galicia rexistráronse nos últimos anos 19 especies de cetáceos, 4 de tartarugas mariñas e 3 de focas, sendo a área costeira con maior diversidade de mamíferos e tartarugas mariñas do sur de Europa, despois da costa de Canarias. O verquido accidental do Prestige ocasionou unha marea negra de grandes dimensións, véndose afectadas algunhas especies dunha maneira inmediata, nunha primeira fase, e dunha maneira indirecta, nunha segunda, a través da bioacumulación.
Dossier a Marea Negra: O verquido do Prestige afecta tamén ás lontras
Rafael J. Romero Suances
Páx. 43
Galicia, coa súa densa rede fluvial, é o principal baluarte da lontra (Lutra Lutra) non só na Península Ibérica, xunto con Portugal, Asturias e Estremadura, senón tamén en Europa occidental, xunto Irlanda e Escocia. Ademais de nos ríos, a lontra está tamén presente no litoral, ocupando perto do 90% da costa galega. Xa que logo, tamén se están a ver prexudicadas de forma directa e indirecta, pola marea negra do Prestige.
Dossier a Marea Negra: Derivazóns Económicas, O exemplo do Aegean Sea
Xoán Ramón Doldán García
Páx. 47-49
A marea negra do petroleiro Prestige está a provocar unha situazón catastrófica desde o ponto de vista ambiental. Estase a ver afectado a práctica totalidade do litoral galego, con zonas de importantísimo valor ecolóxico, na súa maior parte protexidas e catalogadas polo seu interese ambiental, paisaxístico e faunístico. O litoral afectado posúe, ademais, unha extraordinaria riqueza en especies de peixes, moluscos, e crustáceos mariñós, moitos deles de grande valor no mercado do consumo humano. Se isto non resultase suficiente, o fuel vertido apresenta unha capacidade contaminante enorme e, doutra parte, o litoral galego ten sofrido múltiples agresións de todo tipo, entre elas catástrofes semellantes que fan que os efeitos actuais sexan ainda peores sobre o medio agredido e non recuperado.
Dossier a Marea Negra: Reflexión dun educador ambiental sobre o Prestige
Pablo Ángel Meira Cartea
Páx. 52-53
Pode parecer que as relacións entre os "incidentes" como provocado polo Prestige e a EA son máis diferidas e distantes do que realmente son. Naturalmente, trátase dunha manifestación "localizada" dunha problemática moito máis ampla que adoitamos identificar como crise ambiental e que non é máis que a arritmia cada vez máis evidente entre os procesos socieconómicos que se supón que garanten o noso benestar e os procesos ecolóxicos indispensables para que ese benestar sexa posible.
Dossier a Marea Negra: Unha ondada de creatividade para denunciar a catástrofe
Rosa Aneiros
Páx. 54-57
Artigo que reflexa a creación da Plataforma Contra a Burla Negra iniciativa resultante do mundo da cultura que pretende denunciar a actuación das autoridades no desastre ecolóxico do petroleiro Prestige.
Dossier a Marea Negra: A "mancha" política
Vanessa Ribeiro Rodrigues
Páx. 58-59
Artigo de opinión sobre a actuación política no caso do petroleiro Prestige.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal